മലപ്പുറം തലപ്പാറ ദേശീയപാതയിൽ കെ.എസ്.ആർ.ടി.സി ബസ് തലകീഴായി മറിഞ്ഞു

തി​രൂ​ര​ങ്ങാ​ടി: ദേ​ശീ​യ​പാ​ത ത​ല​പ്പാ​റ​യി​ൽ കെ.​എ​സ്.​ആ​ർ.​ടി.​സി സൂ​പ്പ​ർ ഫാ​സ്റ്റ് ബ​സ് പാ​ട​ത്തേ​ക്ക് മ​റി​ഞ്ഞ് 32 പേ​ർ​ക്ക് പ​രി​ക്ക്. ഞാ​യ​റാ​ഴ്​​ച രാ​ത്രി 10.45ഓ​ടെ​യാ​ണ്​ സം​ഭ​വം. സാരമായി പരിക്കേറ്റ ആറ് പേരെ കോഴിക്കോട് മെഡിക്കൽ കോളജ് ആശുപത്രിയിലും ഒരാളെ കോട്ടക്കലിലെ സ്വകാര്യ ആശുപത്രിയിലും പ്രവേശിപ്പിച്ചു. ബാക്കിയുള്ളവർ തിരൂരങ്ങാടി താലൂക്ക് ആശുപത്രിയിൽ ചികിത്സയിലാണ്.

പരിക്കേറ്റവരിൽ എട്ട് സ്ത്രീകളും രണ്ട് കുട്ടികളുമുണ്ട്. ഡ്രൈ​വ​ർ അ​നീ​ഷ്, ക​ണ്ട​ക്ട​ർ സു​ൽ​ഫി​ക്ക​ർ എ​ന്നി​വ​രെ തി​രൂ​ര​ങ്ങാ​ടി താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. വൈ​കു​ന്നേ​രം 7.30ന്​ ​തൊ​ട്ടി​ൽ​പ്പാ​ല​ത്തു​നി​ന്ന് തി​രു​വ​ന​ന്ത​പു​ര​ത്തേ​ക്ക് പു​റ​പ്പെ​ട്ട ബ​സാ​ണ്​ അ​പ​ക​ട​ത്തി​ൽ​പ്പെ​ട്ട​ത്. പി​ൻ​ഭാ​ഗ​ത്തെ ഗ്ലാ​സ്​ ത​ക​ർ​ത്താ​ണ്​ യാ​ത്ര​ക്കാ​രെ പു​റ​ത്തെ​ടു​ത്ത​ത്.

അ​പ​ക​ട​ത്തെ തു​ട​ർ​ന്ന് ഓ​ടി​ക്കൂ​ടി​യ നാ​ട്ടു​കാ​രും ആം​ബു​ല​ൻ​സ്​ ഡ്രൈ​വ​ർ​മാ​രും സ​ന്ന​ദ്ധ​പ്ര​വ​ർ​ത്ത​ക​രും ഏ​റെ പ​ണി​പ്പെ​ട്ടാ​ണ് ആ​ളു​ക​ളെ ബ​സി​ൽ​നി​ന്ന് പു​റ​ത്തി​റ​ക്കി​യ​ത്. അ​പ​ക​ട​ത്തെ തു​ട​ർ​ന്ന് ദേ​ശീ​യ​പാ​ത​യി​ൽ ഗ​താ​ഗ​തം ത​ട​സ്സ​പ്പെ​ട്ടു. ത​ല​പ്പാ​റ​യി​ൽ ദേ​ശീ​യ​പാ​ത​യു​ടെ നി​ർ​മാ​ണം അ​തി​വേ​ഗം പു​രോ​ഗ​മി​ക്കു​ന്നു​ണ്ടെ​ങ്കി​ലും വ​ള​വും തി​രി​വു​മു​ള്ള റോ​ഡി​ൽ അ​പ​ക​ടം പ​തി​വാ​ണ്.

സൂ​ച​ന ബോ​ർ​ഡു​ക​ളും മതിയായ വെ​ളി​ച്ച​വുമില്ലാ​ത്ത​തി​നാ​ൽ റോ​ഡി​ന്റെ ഘ​ട​ന തി​രി​ച്ച​റി​യാ​ൻ ക​ഴി​യാ​തി​രു​ന്ന​താ​ണ് അ​പ​ക​ട​ കാ​ര​ണ​മെ​ന്ന് ക​രു​തു​ന്നു.