കെ.എസ്​.ആർ.ടി.സി ശമ്പളപരിഷ്കരണം: ആശയക്കുഴപ്പം, വീണ്ടും ചർച്ച

തി​രു​വ​ന​ന്ത​പു​രം: കെ.​എ​സ്.​ആ​ർ.​ടി.​സി​ ശ​മ്പ​ള​പ​രി​ഷ്​​ക​ര​ണ ച​ർ​ച്ച പൂ​ർ​ത്തി​യാ​ക്കി ക​രാ​ർ ഒ​പ്പി​ട​ൽ മാ​ത്രം ശേ​ഷി​ക്കെ യൂ​നി​യ​നു​ക​ളെ വീ​ണ്ടും ച​ർ​ച്ച​ക്ക്​ വി​ളി​ച്ച്​ സ​ർ​ക്കാ​ർ. ​ തി​ങ്ക​ളാ​ഴ്ച ഉ​ച്ച​ക്ക്​ 12 നാ​ണ് ഗ​താ​ഗ​ത മ​ന്ത്രി യൂ​നി​യ​നു​ക​ളു​ടെ യോ​ഗം വി​ളി​ച്ച​ത്. മാ​സ​ങ്ങ​ൾ നീ​ണ്ട ച​ർ​ച്ച​ക​ളി​ൽ യൂ​നി​യ​നു​ക​ളു​ടെ എ​തി​ർ​പ്പ്​ മൂ​ലം ഉ​പേ​ക്ഷി​ച്ച​ വ്യ​വ​സ്ഥ​ക​ളും അം​ഗീ​ക​രി​ക്കാ​ത്ത വി​ഷ​യ​ങ്ങ​ളും ശ​മ്പ​ള​പ​രി​ഷ്ക​ര​ണ ക​രാ​റി​ന്‍റെ ക​ര​ടി​ൽ ഉ​ൾ​പ്പെ​ട്ട​തോ​ടെ പ്ര​തി​ഷേ​ധ​മുയർന്നു. ഫ​ല​ത്തി​ൽ 2021 ഡി​സം​ബ​ർ 31ന്​ ​ഒ​പ്പി​ടു​മെ​ന്നു തീ​രു​മാ​നി​ച്ച ക​രാ​റി​ൽ പു​തു​വ​ർ​ഷ​മാ​യി​ട്ടും അ​നി​ശ്ചി​ത​ത്വ​വും ആ​ശ​യ​ക്കു​ഴ​പ്പ​വും നി​റ​യു​ക​യാ​ണ്.

മാ​സം 20 ഡ്യൂ​ട്ടി​യു​ള്ള​വ​ർ​ക്കേ ശ​മ്പ​ളം ന​ൽ​കൂ എ​ന്ന ക​ര​ട്​ വ്യ​വ​സ്ഥ എ​തി​ർ​പ്പി​നി​ട​യാ​ക്കി​യി​ട്ടു​ണ്ട്. 18 ദി​വ​സം ജോ​ലി​യെ​ടു​ത്ത​യാ​ളി​ന്​ രോ​ഗ​മോ അ​പ​ക​ട​മോ മൂ​ലം തു​ട​ർ​ദി​വ​സ​ങ്ങ​ളി​ൽ ഡ്യൂ​ട്ടി​ക്ക്​ ഹാ​ജ​രാ​കാ​ൻ ക​ഴി​ഞ്ഞി​ല്ലെ​ങ്കി​ൽ ആ ​മാ​സ​ത്തെ ശ​മ്പ​ളം ന​ഷ്​​ട​പ്പെ​ടും. നി​ല​വി​ൽ മ​റ്റ്​ ഓ​ഫു​ക​ൾ ഉ​ൾ​പ്പെ​ടു​ത്തി ഡ്യൂ​ട്ടി ക്ര​മീ​ക​രി​ക്കു​ക​യാ​ണ്​​ ചെ​യ്യു​ന്ന​ത്.

ക​ണ്ട​ക്ട​ർ​മാ​ര​ട​ക്കം ജൂ​നി​യ​റാ​യ ജീ​വ​ന​ക്കാ​രെ പെ​ട്രോ​ൾ പ​മ്പു​ക​ളി​ലേ​ക്ക്​ ആ​വ​ശ്യ​മെ​ങ്കി​ൽ നി​ർ​ബ​ന്ധി​ത സ്വ​ഭാ​വ​ത്തി​ൽ നി​യ​മി​ക്കാ​മെ​ന്ന്​ ക​ര​ടി​ൽ പ​റ​യു​ന്നു. നി​ല​വി​ൽ താ​ൽ​പ​ര്യ​മു​ള്ളവരെ​യാ​ണ്​ ഈ ഡ്യൂ​ട്ടി​യി​ലേ​ക്ക്​ മാ​റ്റു​ന്ന​ത്. ഈ '​താ​ത്​​പ​ര്യം തേ​ട​ൽ' പ​രി​ഗ​ണി​ക്കാ​തെ പി.​എ​സ്.​സി വ​ഴി ക​ണ്ട​ക്ട​ർ​മാ​രാ​യി എ​ത്തി​യ​വ​രെ​ പ​മ്പു​ക​ളി​ൽ നി​യ​മി​ക്കാ​നാ​ണു​ നീ​ക്ക​മെ​ന്ന്​ യൂ​നി​യ​നു​ക​ൾ ആ​രോ​പി​ക്കു​ന്നു.

ആ​​ശ്രി​ത നി​യ​മ​ന​ത്തി​നു പ​ക​രം കോ​മ്പ​ൻ​സേ​ഷ​ൻ ന​ൽ​കാ​നു​ള്ള നീ​ക്ക​മാ​ണ്​ മ​റ്റൊ​ന്ന്. ഡി​​പ്പോ​ക​ളു​ടെ എ​ണ്ണം കു​റ​ക്കു​ന്ന​ത്​ സ​ർ​വി​സ്​ ചു​രു​ങ്ങാ​ൻ ഇ​ട​യാ​ക്കു​മെ​ന്നും ആ​ശ​ങ്ക​യു​ണ്ട്. എ​ന്നാ​ൽ, ഭ​ര​ണ​പ​ര​മാ​യ ചെ​ല​വ്​ കു​റ​ക്കു​ന്ന​തി​ന്‍റെ ഭാ​ഗ​മാ​ണ്​ തീ​രു​മാ​ന​മെ​ന്നാ​ണ്​ മാ​നേ​ജ്​​മെ​ന്‍റ്​ വി​ശ​ദീ​ക​ര​ണം.

പെ​ൻ​ഷ​നിൽ വി​ചി​​ത്ര​വാ​ദം

പ​തി​വി​ൽ​നി​ന്ന്​ വ്യ​ത്യ​സ്ത​മാ​യി പെ​ൻ​ഷ​ൻ​കാ​രെ പ​രി​ഗ​ണി​ക്കാ​തെ ശ​മ്പ​ള​പ​രി​ഷ്ക​ര​ണം. ധ​ന, സ​ഹ​ക​ര​ണ വ​കു​പ്പു​ക​ളു​മാ​യി ആ​ലോ​ചി​ച്ച് പി​ന്നീ​ട്​​ തീ​രു​മാ​നി​ക്കു​ക​യും ശ​മ്പ​ള​പ​രി​ഷ്ക​ര​ണ​ക​രാ​റി​ന്‍റെ ഭാ​ഗ​മാ​ക്കു​ക​യും ചെ​യ്യു​മെ​ന്നാ​ണു ക​ര​ടി​ലു​ള്ള​ത്. സ​ഹ​ക​ര​ണ വ​കു​പ്പി​ന്​ പെ​ൻ​ഷ​ൻ വി​ത​ര​ണ​ത്തി​ൽ ഒ​രു പ​ങ്കു​മി​ല്ല. സ​ർ​ക്കാ​റി​ന്‍റെ കൈ​വ​ശം പ​ണ​മി​ല്ലാ​ത്ത​തി​നാ​ൽ സ​ഹ​ക​ര​ണ ക​ൺ​സോ​ർ​ട്യ​ത്തി​ൽ​നി​ന്ന്​ വാ​യ്​​പ​യെ​ടു​ക്കു​ക​യും പി​ന്നീ​ട്​ സ​ർ​ക്കാ​ർ​ത​ന്നെ അ​ട​ക്കു​ക​യു​മാ​ണ്​ ചെ​യ്യു​ന്ന​ത്. ക​ടം​ത​രു​ന്ന ആ​ളു​ക​ളു​മാ​യി ച​ർ​ച്ച​ചെ​യ്ത്​ പെ​ൻ​ഷ​ൻ കാ​ര്യം തീ​രു​മാ​നി​ക്കു​ന്ന​ത്​ കേ​ട്ടു​കേ​ൾ​വി​യി​ല്ലാ​ത്ത കാ​ര്യ​മാ​ണെ​ന്ന്​ പെ​ൻ​ഷ​ൻ​കാ​ർ ആ​രോ​പി​ക്കു​ന്നു.