ഹർത്താൽ: പൊലീസ്​ സംരക്ഷണം കിട്ടിയാൽ കെ.എസ്​.ആർ.ടി.സി ഒാടും

തിരുവനന്തപുരം: ദലിത് സംഘടനകള്‍ തിങ്കളാഴ്ച ഹർത്താൽ പ്രഖ്യാപിച്ച സാഹചര്യത്തിൽ െപാലീസ്​ സംരക്ഷണം ലഭിച്ചാൽ കെ.എസ്​.ആർ.ടി.സി ബസുകൾ സർവിസ്​ നടത്തുമെന്ന്​ എം.ഡി എ. ഹേമച​ന്ദ്രൻ.

സിവിൽ സർജ​​​െൻറ റാങ്കിൽ കുറയാത്ത മെഡിക്കൽ ഒാഫിസർ നൽകുന്ന മെഡിക്കൽ സർട്ടിഫിക്കറ്റി​​​െൻറ അടിസ്​ഥാനത്തിലല്ലാത്ത ഒരു അവധിയും ജീവനക്കാർക്ക്​ അനുവദിക്കില്ല. ഹർത്താൽ ദിനത്തിൽ ഒാഫിസർമാർ ഒാഫിസ്​ വിട്ട്​ പോകരു​തെന്നും നിർദേശം നൽകിയിട്ടുണ്ട്​. ഒരു ഒാഫിസർ മുഴുവൻ സമയവും ഒാഫിസിൽ ഉണ്ടായിരിക്കണമെന്നും ഡിപ്പോകൾക്കയച്ച സർക്കുലറിൽ വ്യക്തമാക്കുന്നു. 

തിങ്കളാഴ്​ച കാൻറീൻ കൃത്യമായി പ്രവർത്തിപ്പിക്കാൻ യൂനിറ്റ്​ അധികാരികൾ നിർദേശം നൽകണം. ഇക്കാര്യത്തിൽ വീഴ്​ച വന്നാൽ ലൈസൻസ്​ റദ്ദാക്കും. ഭാവിയിൽ ലൈസൻസ്​ അനുവദിക്കുന്നതിന്​ പരിഗണിക്കാത്തവണ്ണം അത്തരം കരാറുകാരെ കരിമ്പട്ടികയിൽ ഉൾപ്പെടുത്തും.

ഹാജരായ സ്​ഥിരം ജീവനക്കാരുടെയും താൽക്കാലിക ജീവനക്കാരുടെയും എണ്ണം, ഹാജരായ സമയം, അവധിയിൽ പ്രവേശിച്ചിട്ടുള്ളവരുടെ എണ്ണം, ​ആകെ ഷെഡ്യൂളുകളുടെയും അയച്ച ഷെഡ്യൂളുകളു​ടെയും വിവരങ്ങൾ തുടങ്ങിയവ എല്ലാ യൂനിറ്റ്​ മേധാവികളും തിങ്കളാഴ്​ച രാവിലെ 11ന്​ മുമ്പ്​ കൺട്രോൾ റൂമിൽ അറിയിക്കണം.

ഹർത്താലിനിടെ ബസുകൾ​േക്കാ വസ്​തുവകകൾക്കോ എന്തെങ്കിലും നാശനഷ്​ടങ്ങളുണ്ടായാൽ അക്കാര്യവും അറിയിക്കണം. ക്രമസമാധാന പ്രശ്​നങ്ങളുണ്ടായാൽ അതത്​ ​െപാലീസ്​ സ്​റ്റേഷനുകളിൽ ബന്ധപ്പെട്ട്​ പരിഹാരം കാണണമെന്നും യൂനിറ്റുകൾക്കയച്ച സർക്കുലറിൽ എം.ഡി വ്യക്തമാക്കുന്നു.