സർവിസ്​ കാര്യക്ഷമമാക്കാൻ കെ.എസ്​.ആർ.ടി.സി സർവേ

തി​രു​വ​ന​ന്ത​പു​രം: യാ​ത്രാ​ക്ലേ​ശം സം​ബ​ന്ധി​ച്ച പ​രാ​തി വ്യാ​പ​ക​മാ​യ സാ​ഹ​ച​ര്യ​ത്തി​ൽ സ​ർ​വി​സ്​ കാ​ര്യ​ക്ഷ​മ​മാ​ക്കു​ന്ന​തി​ന്​ ഉ​ദ്യോ​ഗ​സ്ഥ​രെ വി​ന്യ​സി​ച്ച്​ കെ​എ​സ്.​ആ​ർ.​ടി.​സി​യു​ടെ സ​ർ​വേ. തി​രു​വ​ന​ന്ത​പു​രം മു​ത​ൽ കാ​സ​ർ​കോ​ട്​​ വ​രെ തെ​ര​ഞ്ഞെ​ടു​ത്ത 386 പോ​യ​ൻ​റു​ക​ളി​ലാ​ണ്​ ഇ​ൻ​സ്​​പെ​ക്​​ട​ർ​മാ​രെ നി​യോ​ഗി​ച്ച​ത്. രാ​വി​ലെ ആ​റ്​ മു​ത​ൽ രാ​ത്രി ഒ​മ്പ​ത്​ ​വ​രെ ഒാ​േ​രാ മ​ണി​ക്കൂ​റി​ലെ​യും സ​മ​ഗ്ര വി​വ​ര​​ശേ​ഖ​ര​ണ​മാ​ണ്​ ല​ക്ഷ്യം. ര​ണ്ടാ​ഴ്​​ച​യാ​ണ്​ സ​ർ​വേ കാ​ല​യ​ള​വ്. പ്ര​ത്യേ​ക ചോ​ദ്യാ​വ​ലി​യും ന​ൽ​കി​യി​ട്ടു​ണ്ട്.

പോ​യ​ൻ​റി​ൽ ഒാ​രോ മ​ണി​ക്കൂ​റി​ലും എ​​ത്ര യാ​ത്ര​ക്കാ​ർ വ​ന്നു​പോ​യി എ​ന്ന​താ​ണ്​ ഒ​ന്നാ​മ​ത്തെ ചോ​ദ്യം. ഇൗ ​സ​മ​യ​പ​രി​ധി​ൽ എ​ത്ര ബ​സ്​ ക​ട​ന്നു​പോ​യി എ​ന്നും രേ​ഖ​പ്പെ​ടു​ത്ത​ണം. ഒാ​​രോ ബ​സി​ലും എ​ത്ര യാ​ത്ര​ക്കാ​ർ (ഏ​ക​ദേ​ശ ക​ണ​ക്ക്) ഉ​ണ്ടാ​യി​രു​ന്നു, തി​ങ്ങി​നി​റ​ഞ്ഞ്​ പോ​യ​വ എ​ത്ര, സാ​ധാ​ര​ണ​നി​ല​യി​ൽ യാ​ത്ര​ക്കാ​രു​മാ​യി ക​ട​ന്നു​പോ​യ​വ, കാ​ലി​യാ​യി ഒാ​ടി​യ​വ എ​ന്നീ വി​വ​ര​ങ്ങ​ളും ശേ​ഖ​രി​ക്കു​ന്നു​ണ്ട്. ദി​വ​സ​വും ഗൂ​ഗി​ൾ ഫോ​മി​ൽ ഒാ​പ​റേ​ഷ​ൻ വി​ഭാ​ഗം എ​ക്​​സി​ക്യൂ​ട്ടി​വ്​ ഡ​യ​റ​ക്​​ട​ർ​ക്ക്​ വി​വ​രം കൈ​മാ​റാ​നാ​ണ്​ നി​ർ​ദേ​ശം. സ​ർ​വേ ഫ​ലം അ​ടി​സ്ഥാ​ന​പ്പെ​ടു​ത്തി അ​ടി​യ​ന്ത​ര​മാ​യി സ​ർ​വി​സ്​ പു​നഃ​ക്ര​മീ​ക​ര​ണ​മു​ണ്ടാ​യേ​ക്കും.

ഒാ​ഫി​സ്​ സ​മ​യ​​ങ്ങ​ളി​ൽ ഒാ​ടു​ന്ന ബ​സു​ക​ളി​ൽ ഉ​ൾ​ക്കൊ​ള്ളാ​നാ​കാ​ത്ത വി​ധം യാ​ത്ര​ക്കാ​രു​ണ്ടെ​ങ്കി​ലും മ​റ്റ്​ സ​മ​യ​ങ്ങ​ളി​ൽ ത​രാ​ത​മ്യേ​ന കു​റ​വാ​​ണെ​ന്നാ​ണ് മാ​നേ​ജ്​​മെൻറ്​ വി​ല​യി​രു​ത്ത​ൽ. തി​ര​ക്കു​ള്ള സ​മ​യ​ത്ത്​ യാ​ത്ര​ക്കാ​ർ​ക്ക്​ പ്ര​യാ​സ​മു​ണ്ടാ​കാ​ത്ത​വി​ധം സ​ർ​വി​സ്​ വ​ർ​ധി​പ്പി​ക്കു​ക​യും മ​റ്റ്​ സ​മ​യ​ങ്ങ​ളി​ൽ ആ​വ​ശ്യ​ക​ത​ക്ക​നു​സ​രി​ച്ച്​ മാ​ത്രം ക്ര​മീ​ക​രി​ക്കു​ക​യും ചെ​യ്യ​ണ​മെ​ന്നാ​ണ്​ കെ.​എ​സ്.​ആ​ർ.​ടി.​സി നി​ല​പാ​ട്.

ടി​ക്ക​റ്റ്​ മെ​ഷീ​നി​ൽ​നി​ന്ന്​ ല​ഭി​ക്കു​ന്ന യാ​ത്ര​ക്കാ​രു​ടെ എ​ണ്ണ​മ​ല്ലാ​തെ ഫീ​ൽ​ഡി​ൽ​നി​ന്നു​ള്ള കൃ​ത്യ​മാ​യ വി​വ​ര​മി​ല്ലാ​ത്ത​ത്​​ പ്ര​തി​സ​ന്ധി​യാ​ണ്. ഇ​ത്​ പ​രി​ഹ​രി​ക്കു​ന്ന​തി​നാ​ണ്​ സ​ർ​വേ.

ന​ല്ല ഉ​ദ്ദേ​ശ​ത്തോ​ടെ​യാ​ണ്​ സ​ർ​വേ​യെ​ങ്കി​ലും ആ​വ​ശ്യ​പ്പെ​ട്ട പ​ല​കാ​ര്യ​ങ്ങ​ളും അ​പൂ​ർ​ണ​മാ​ണെ​ന്നും വ്യ​ക്​​ത​ത കു​റ​വു​ണ്ടെ​ന്നും ആ​ക്ഷേ​പ​മു​ണ്ട്. പ്ര​ധാ​ന ജ​ങ്ഷ​നി​ൽ ​വ​ന്നു​​പോ​കു​ന്ന യാ​ത്ര​ക്കാ​രു​ടെ എ​ണ്ണ​മെ​ടു​ക്കാ​ൻ പ​റ​ഞ്ഞി​ട്ടു​ണ്ടെ​ങ്കി​ലും ഇ​വ​ർ ഏ​ത്​ ഭാ​ഗ​ത്തേ​ക്കു​ള്ള​വ​രാ​ണെ​ന്ന വി​വ​രം ശേ​ഖ​രി​ക്കു​ന്നി​ല്ല. തി​ര​ക്കു​ള്ള ബ​സും കാ​ലി​യാ​യി പോ​കു​ന്ന​വ​യും ക​ണ​ക്കെ​ടു​ക്കു​ന്നു​ണ്ടെ​ങ്കി​ലും ഇ​വ​യും ഏ​ത്​ ഭാ​ഗ​ത്തേ​ക്കാ​ണെ​ന്ന​ത്​ ആ​വ​ശ്യ​​പ്പെ​ട്ടി​ട്ടി​ല്ല.