ഇൗ കെ.എസ്​. ആർ.ടി.സി ഇനി കിടിലൻ കിടപ്പുമുറി

കോഴിക്കോട്​: കയറുേമ്പാൾ തന്നെ ഒാ​േട്ടാമാറ്റഡ്​ സാനിറ്റൈസർ, തീൻമേശ, ആധുനിക വാഷ്​ബേസിൻ, എയർ കണ്ടീഷണർ. അതു കഴിഞ്ഞ്​ മുന്നോട്ടു​പോയാൽ മനോഹരമായ കർട്ടനിട്ട കിടപ്പുമുറികൾ. മുന്തിയ തരം കിടക്കകൾ, ഫോൺ ചാർജ്​ ചെയ്യാൻ സംവിധാനം... ഒരു കെ.എസ്​.ആർ.ടി.സി ബസി​െൻറ രൂപപരിണാമത്തെ കുറിച്ചാണ്​ പറഞ്ഞുവരുന്നത്​. ഇനിയുമുണ്ട്​ ഇൗ പരീക്ഷണ ബസി​െൻറ സവിശേഷതകൾ.

ജീവനക്കാർക്ക്​ രാപാർക്കാൻ കെ.എസ്​.ആർ.ടി.സി ഒരുക്കിയ ആദ്യ സ്​റ്റാഫ്​ സ്ലീപ്പർ ബസ്​ കോഴിക്കോട്ട്​ ഗതാഗത മന്ത്രി എ.കെ.ശശീന്ദ്രൻ ഉദ്​ഘാടനം ചെയ്​തു. ഇൗ ബസ്​ ഇനി കോഴിക്കോട്​ വിമാനത്താവളത്തിനു​ സമീപം നിർത്തിയിടും. വിമാനത്താവളത്തിൽ യാത്രക്കാരെ കാത്തിരിക്കുന്ന കെ.എസ്​.ആർ.ടി.സി ബസ്​ ജീവനക്കാർക്ക്​ ഇതിൽ വിശ്രമിക്കാം. 16 പേര്‍ക്ക് വിശ്രമിക്കാന്‍ ടു ടയര്‍ മാതൃകയില്‍ കുഷ്യന്‍ ബെര്‍ത്തുകള്‍, ഒരേ സമയം നാലുപേര്‍ക്ക് ഉപയോഗിക്കാന്‍ പറ്റുന്ന മടക്കി െവക്കാവുന്ന മേശ, 16 ലോക്കറുകള്‍, 325 ലിറ്റര്‍ വാട്ടര്‍ ടാങ്ക്. മാലിന്യം നിക്ഷേപിക്കാനിടം, മലിനജലം സംഭരിക്കാനും സംവിധാനം.

ബസി​െൻറ ഇരുവശത്തുകൂടിയും നടന്നുപോകാന്‍ ആവശ്യമായ വഴികള്‍ എന്നിവയാണ് സ്ലീപ്പര്‍ ബസി‍െൻറ സവിശേഷതകള്‍. ഒന്നര ലക്ഷം രൂപയിലധികം ചെലവഴിച്ചാണ്​ ഇതൊരുക്കിയത്​. പത്തു​ ലക്ഷം കിലോമീറ്റർ ഓടിയ ബസ്​ പൊളിക്കാൻ വെച്ചതായിരുന്നു. അതിനിടെയാണ്​ ഇൗ ആശയം പിറന്നത്​. ഉപയോഗിച്ചുകഴിഞ്ഞ വസ്​തുക്കൾ കൊണ്ടാണ്​ സ്ലീപ്പറി​െൻറ മിക്ക ഭാഗങ്ങളും നിർമിച്ചത്​. കൂടുതൽ ബസുകൾ ഇൗരീതിയിൽ മാറ്റിപ്പണിയാനുള്ള ആലോചനയിലാണ്​ അധികൃതർ.