'പറയാനുള്ളത്​ ഫേസ്​ബുക്കിൽ പറയും'; മൗനം തുടർന്ന്​ ജലീൽ

മലപ്പുറം: വളാഞ്ചേരിയിലെ വീട്ടിൽ നിന്നും മന്ത്രി കെ.ടി. ജലീൽ യാത്രതിരിച്ചു. തലസ്ഥാനത്തേക്കാണെന്നാണ്​ സൂചന. യാത്രക്കിടെ കാവുംപുറം, ചങ്ങരംകുളം അടക്കമുള്ള പലസ്ഥലങ്ങളിലും പ്രതിപക്ഷപ്പാർട്ടികൾ ജലീലിന് നേരെ​ കരി​​ങ്കൊടി കാണിച്ചു.

എന്നാൽ എ​ൻ​ഫോ​ഴ്​​സ്​​മെൻറ്​ ഡ​യ​റ​ക്​​ട​റേ​റ്റ്​ ചോദ്യം ചെയ്യലിനെക്കുറിച്ചുള്ള മാധ്യമപ്രവർത്തകരുടെ ചോദ്യത്തിന്​ മന്ത്രി മൗനം തുടർന്നു. അതൊന്നും സാരമില്ലെന്നും പറയാനുള്ളത്​ ഫേസ്​ബുക്കിൽ പറയുമെന്നും മന്ത്രി പ്രതികരിച്ചു. യാത്രക്കിടെ പുഴക്കലിൽ കൃഷിയിടം സന്ദർശിക്കാൻ ഇറങ്ങിയപ്പോഴാണ്​ മന്ത്രിയോട്​ മാധ്യമ പ്രവർത്തകർ പ്രതികരണം ആരാഞ്ഞത്​.

മന്ത്രിയെ ഇ.ഡി നാളെ വീണ്ടും ചോദ്യം ചെയ്യാൻ സാധ്യതയുണ്ട്​. കല്ലുവെച്ച നുണകളും കെട്ടുകഥകളും യാതൊരു മനസ്സാക്ഷിക്കുത്തുമില്ലാതെ ഓരോ ദിവസവും വിളമ്പുന്നവരോട് കാര്യങ്ങളുടെ നിജസ്ഥിതി വെളിപ്പെടുത്താൻ തനിക്കു മനസ്സില്ലെന്നും, മറച്ചുവെക്കേണ്ടത് മറച്ചു വെച്ചും പറയേണ്ടത് പറയേണ്ടവരോട് പറഞ്ഞുമാണ് എല്ലാ ധർമ്മയുദ്ധങ്ങളും വിജയിച്ചിട്ടുള്ളതെന്നും രാവിലെ ഫേസ്​ബുക്ക്​ കുറിപ്പിലൂടെ മാധ്യമപ്രവർത്തകരെ ലക്ഷ്യമിട്ട്​ മന്ത്രി അഭിപ്രായപ്പെട്ടിരുന്നു.