ഓണം കളറാക്കാൻ പൂക്കളും പച്ചക്കറികളുമായി കുടുംബശ്രീ

കോ​ഴി​ക്കോ​ട്: ഇ​ത്ത​വ​ണ ഓ​ണ​ത്തി​ന് പൂ​ക്ക​ള​മൊ​രു​ക്കാ​ൻ പൂ​ക്ക​ളും സ​ദ്യ​യൊ​രു​ക്കാ​ൻ പ​ച്ച​ക്ക​റി​ക​ളു​മാ​യി കു​ടും​ബ​ശ്രീ​യും. ഓ​ണ​വി​പ​ണി​യി​ലേ​ക്കു​ള്ള പൂ​വി​നും പ​ച്ച​ക്ക​റി​ക്കും ഇ​ത​ര സം​സ്ഥാ​ന​ങ്ങ​ളെ ആ​ശ്ര​യി​ക്കു​ന്ന സാ​ഹ​ച​ര്യം ഒ​ഴി​വാ​ക്കി സം​സ്ഥാ​ന​ത്തെ സ്ത്രീ​ക​ൾ പൂ​വ്-​പ​ച്ച​ക്ക​റി വി​പ​ണി​യി​ലും ഒ​രു​കൈ നോ​ക്കാ​നി​റ​ങ്ങു​ക​യാ​ണ്. ‘നി​റ​പ്പൊ​ലി​മ 2024’, ‘ഓ​ണ​ക്ക​നി 2024’ എ​ന്നീ പ​ദ്ധ​തി​ക​ളി​ലൂ​ടെ​യാ​ണ് കു​ടും​ബ​ശ്രീ മു​ഖേ​ന പൂ​ക്ക​ളും പ​ച്ച​ക്ക​റി​ക​ളും ഒ​രു​ക്കു​ന്ന​ത്. ജ​മ​ന്തി, മു​ല്ല​പ്പൂ, ചെ​ണ്ടു​മ​ല്ലി, വാ​ടാ​മു​ല്ല എ​ന്നി​വ​യാ​ണ് ജി​ല്ല​യി​ൽ പ്ര​ധാ​ന​മാ​യും കൃ​ഷി ചെ​യ്യു​ന്ന​ത്. ഓ​ണാ​ഘോ​ഷം മ​നോ​ഹ​ര​മാ​ക്കാ​ൻ മി​ത​മാ​യ നി​ര​ക്കി​ൽ പൂ​വ് ല​ഭ്യ​മാ​ക്കു​ക​യാ​ണ് ല​ക്ഷ്യം.

ഓ​ണ​പ്പൂ​കൃ​ഷി​യി​ൽ സ്വ​യം​പ​ര്യാ​പ്ത​ത കൈ​വ​രി​ക്കു​ന്ന​തി​നു​ള്ള കു​ടും​ബ​ശ്രീ​യു​ടെ ചു​വ​ടു​വെ​പ്പാ​ണ് നി​റ​പ്പൊ​ലി​മ. ക​ർ​ഷ​ക​ർ​ക്ക് ഉ​ൽ​പാ​ദ​നം വ​ർ​ധി​പ്പി​ക്കാ​ൻ കൃ​ഷി വ​കു​പ്പി​ന്റെ സാ​ങ്കേ​തി​ക സ​ഹാ​യ​മ​ട​ക്ക​മു​ള​ള പി​ന്തു​ണ​യും ല​ഭ്യ​മാ​ക്കു​ന്നു​ണ്ട്. പ​ര​മാ​വ​ധി വി​പ​ണ​ന മാ​ർ​ഗ​ങ്ങ​ളും സ​ജ്ജ​മാ​ക്കും. വ​രും​വ​ർ​ഷ​ങ്ങ​ളി​ൽ ഈ ​മേ​ഖ​ല​യി​ലേ​ക്ക് കൂ​ടു​ത​ൽ ക​ർ​ഷ​ക​രെ ആ​ക​ർ​ഷി​ക്കാ​നും പൂ​ക്കൃ​ഷി കൂ​ടു​ത​ൽ ഇ​ട​ങ്ങ​ളി​ലേ​ക്ക് വ്യാ​പി​പ്പി​ക്കാ​നും പ​ദ്ധ​തി​യു​ണ്ട്. ജി​ല്ല​യി​ലെ 80 സി.​ഡി.​എ​സു​ക​ളി​ലാ​യി 227 കു​ടും​ബ​ശ്രീ കാ​ർ​ഷി​ക​സം​ഘ​ങ്ങ​ൾ മു​ഖേ​ന 102.5 ഏ​ക്ക​റി​ലാ​ണ് പൂ​ക്കൃ​ഷി​യൊ​രു​ങ്ങു​ന്ന​ത്. വ​രും​വ​ർ​ഷ​ങ്ങ​ളി​ൽ ഈ ​മേ​ഖ​ല​യി​ലേ​ക്ക് കൂ​ടു​ത​ൽ പേ​രെ ആ​ക​ർ​ഷി​ക്കാ​നും കൂ​ടു​ത​ൽ ഇ​ട​ങ്ങ​ളി​ലേ​ക്ക് വ്യാ​പി​പ്പി​ക്കാ​നും പ​ദ്ധ​തി​യു​ണ്ട്.

615 കാ​ർ​ഷി​ക ഗ്രൂ​പ്പു​ക​ൾ വ​ഴി 74 സി.​ഡി.​എ​സു​ക​ളി​ലാ​യി 334.8 ഏ​ക്ക​റി​ൽ പ​ച്ച​ക്ക​റി കൃ​ഷി​യും ന​ട​ത്തു​ന്നു​ണ്ട്. ഓ​ണ​ച്ച​ന്ത​ക​ൾ ഉ​ൾ​പ്പെ​ടെ​യു​ള്ള പ്രാ​ദേ​ശി​ക വി​പ​ണി​ക​ൾ വ​ഴി​യാ​കും പ്ര​ധാ​ന​മാ​യും വി​ൽ​ക്കു​ക. പ​ച്ച​ക്ക​റി ഉ​ൽ​പാ​ദ​ന​ത്തി​ൽ സ്വ​യം പ​ര്യാ​പ്ത​ത കൈ​വ​രി​ക്കു​ന്ന​തി​നോ​ടൊ​പ്പം വി​ഷ​മു​ക്ത പ​ഴ​ങ്ങ​ളും പ​ച്ച​ക്ക​റി​ക​ളും വി​പ​ണി​യി​ലെ​ത്തി​ക്കു​ക​യെ​ന്ന​താ​ണ് ‘ഓ​ണ​ക്ക​നി’​യു​ടെ ല​ക്ഷ്യം. പ​യ​ർ, പാ​വ​ൽ, വെ​ണ്ട, പ​ട​വ​ലം, നേ​ന്ത്ര​ക്കാ​യ, ചീ​ര, ചേ​ന, ത​ക്കാ​ളി, വ​ഴു​ത​ന, മു​രി​ങ്ങ, മാ​ങ്ങ ക​ർ​ഷ​ക​ർ​ക്ക് മി​ക​ച്ച വ​രു​മാ​നം ല​ഭ്യ​മാ​ക്കു​ന്ന​തി​നാ​യി ഇ​ട​നി​ല​ക്കാ​രെ ഒ​ഴി​വാ​ക്കി ക​ർ​ഷ​ക​ർ മു​ഖേ​ന കാ​ർ​ഷി​കോ​ൽ​പ​ന്ന​ങ്ങ​ൾ പൊ​തു​വി​പ​ണി​യി​ലേ​ക്ക് നേ​രി​ട്ട് എ​ത്തി​ക്കാ​നാ​ണ് കു​ടും​ബ​ശ്രീ ല​ക്ഷ്യ​മി​ടു​ന്ന​ത്. അ​ടു​ത്ത ആ​ഴ്ച​യോ​ടു​കൂ​ടി പൂ​ക്ക​ളും പ​ച്ച​ക്ക​റി​ക​ളും വി​പ​ണി​യി​ലെ​ത്തി​ക്കാ​നു​ള്ള ത​യാ​റെ​ടു​പ്പി​ലാ​ണ് ക​ർ​ഷ​ക​ർ.