കുടുംബ​ശ്രീ രജതജൂബിലി ആഘോഷങ്ങൾക്ക്​ സമാപനം

തി​രു​വ​ന​ന്ത​പു​രം: കാ​ൽ​നൂ​റ്റാ​ണ്ട​ത്തെ സം​ഘ​ടി​ത സ്ത്രീ​മു​ന്നേ​റ്റം അ​ട​യാ​ള​പ്പെ​ടു​ത്തി​യും സാ​മൂ​ഹി​ക മാ​റ്റ​ത്തി​നു​ള്ള പു​ത്ത​ൻ ആ​ഹ്വാ​ന​ങ്ങ​ളേ​കി​യും കു​ടും​ബ​​ശ്രീ​യു​ടെ രജത ജൂബിലി ആഘോ​ഷ​ങ്ങ​ൾ​ക്ക്​ ഉ​ജ്ജ്വ​ല സ​മാ​പ​നം. പു​ത്ത​രി​ക്ക​ണ്ടം മൈ​താ​ന​ത്ത്​ ന​ട​ന്ന സ​മാ​പ​ന ച​ട​ങ്ങ്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്​​ഘാ​ട​നം ചെ​യ്​​തു. ഒ​രു​മ​ക്കൊ​പ്പം ജാ​തി-​മ​ത ​​വേ​ർ​തി​രി​വു​ക​ൾ​ക്ക്​ അ​തീ​ത​മാ​യി ചി​ന്തി​ക്കാ​നും സ​ഹ​ക​രി​ക്കാ​നും ക​ഴി​ഞ്ഞ​തു​കൊ​ണ്ടു​കൂ​ടി​യാ​ണ്​ ​ കു​ടും​ബ​ശ്രീ​ക്ക്​ വി​ജ​യം കൈ​വ​രി​ക്കാ​നാ​യ​തെ​ന്ന്​ മു​ഖ്യ​മ​ന്ത്രി പ​റ​ഞ്ഞു.

ജ​നാ​ധി​പ​ത്യ ഐ​ക്യ​വും സൗ​ഹാ​ർ​ദ ചി​ന്ത​യും നി​ല​നി​ൽ​ക്കു​ന്ന നാ​ടി​ന്‍റെ മു​ന്നേ​റ്റ​ത്തി​ൽ കു​ടും​ബ​ശ്രീ അ​നി​വാ​ര്യ​മാ​ണ്. ലോ​ക​ത്തി​ന്​ മാ​തൃ​ക​യാ​യ വ​നി​ത കൂ​ട്ടാ​യ്മ​യെ​ന്ന​നി​ല​യി​ൽ ഓ​രോ മ​ല​യാ​ളി​ക്കും അ​ഭി​മാ​നി​ക്കാ​ൻ വ​ക ന​ൽ​കു​ന്ന​താ​ണ്​ കു​ടും​ബ​ശ്രീ​യു​ടെ മു​ന്നേ​റ്റ​ങ്ങ​ൾ.

ദാ​രി​ദ്ര്യ​നി​ർ​മാ​ർ​ജ​നം എ​ന്ന തു​ട​ക്ക​ത്തി​ലെ ല​ക്ഷ്യം വി​ജ​യ​ക​ര​മാ​യി നേ​ടി​യെ​ടു​ക്കാ​ൻ കു​ടും​ബ​ശ്രീ​ക്ക്​ ക​ഴി​ഞ്ഞി​ട്ടു​ണ്ട്. ദാ​രി​ദ്ര്യ​നി​ർ​മാ​ർ​ജ​ന കാ​ര്യ​ത്തി​ൽ മ​റ്റു സം​സ്ഥാ​ന​ങ്ങ​ളെ ​അ​പേ​ക്ഷി​ച്ച്​ കേ​ര​ള​ത്തെ ബ​ഹു​ദൂ​രം മു​ന്നി​ലെ​ത്തി​ക്കു​ന്ന​തി​ൽ കു​ടും​ബ​ശ്രീ സ​വി​ശേ​ഷ പ​ങ്കാ​ണ്​ വ​ഹി​ച്ച​ത്. സ്ത്രീ​ക​ളെ സാ​മ്പ​ത്തി​ക​മാ​യി സ്വ​യം പ​ര്യാ​പ്ത​മാ​ക്കാ​നാ​യാ​ൽ സാ​മൂ​ഹ​ത്തി​ലെ ദ​രി​ദ്രാ​വ​സ്ഥ​യെ ഒ​രു​പ​രി​ധി​വ​രെ മു​റി​ച്ചു ക​ട​ക്കാ​നാ​കും. സം​രം​ഭ​ങ്ങ​ളു​മാ​യി സ്ത്രീ​ക​ളി​റ​ങ്ങി​യ​പ്പോ​ൾ നി​ര​വ​ധി​പേ​ർ സം​ശ​യം പ്ര​ക​ടി​പ്പി​ച്ചി​രു​ന്നു. അ​ന്നു​യ​ർ​ന്ന ആ​ശ​ങ്ക​ങ്ങ​ൾ അ​സ്ഥാ​ന​ത്താ​യി​രു​ന്നെ​ന്ന്​ കാ​ലം തെ​ളി​യി​ച്ചെ​ന്നും മു​ഖ്യ​മ​ന്ത്രി പ​റ​ഞ്ഞു.

കു​ടും​ബ​ശ്രീ​യു​ടെ 25 വ​ർ​ഷ​ങ്ങ​ൾ ആ​ധു​നി​ക കേ​ര​ള​ത്തി​ലെ സ്ത്രീ ​ജീ​വി​ത​ങ്ങ​ളെ മാ​റ്റി​ത്തീ​ർ​ത്ത​തി​ന്റെ 25 വ​ർ​ഷ​ങ്ങ​ളാ​ണെ​ന്ന്​ അ​ധ്യ​ക്ഷ​ത​വ​ഹി​ച്ച മ​ന്ത്രി എം.​ബി. രാ​ജേ​ഷ്​ പ​റ​ഞ്ഞു.

ച​ട​ങ്ങി​ൽ പു​തു​ക്കി​യ കു​ടും​ബ​ശ്രീ ലോ​ഗോ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ പ്ര​കാ​ശ​നം ചെ​യ്തു. മ​ന്ത്രി​മാ​രാ​യ ആ​ന്‍റ​ണി രാ​ജു, വി. ​ശി​വ​ൻ​കു​ട്ടി, മേ​യ​ർ ആ​ര്യാ രാ​ജേ​ന്ദ്ര​ൻ, മു​ൻ എം.​പി സു​ഭാ​ഷി​ണി അ​ലി തു​ട​ങ്ങി​യ​വ​ർ പ​​ങ്കെ​ടു​ത്തു.

കൈയടി സ്വാഗത പ്രസംഗകക്ക്​

തി​രു​വ​ന​ന്ത​പു​രം: മു​ഖ്യ​മ​ന്ത്രി​യാ​ണ്​ ഉ​ദ്​​ഘാ​ട​ക​ൻ, അ​ധ്യ​ക്ഷ സ്ഥാ​ന​ത്ത്​ ത​ദ്ദേ​ശ മ​ന്ത്രി എം.​ബി. രാ​​ജേ​ഷും. ഒ​പ്പം മ​ന്ത്രി​മാ​രു​ടെ നീ​ണ്ട​നി​ര​യും. പ​ത​റാ​ത്ത സ്വ​ര​ത്തി​ൽ താ​ള​ത്തി​ലും ത​ഞ്ച​ത്തി​ലും 76 കാ​രി​യാ​യ വാ​സ​ന്തി സ്വാ​ഗ​തം പ​റ​ഞ്ഞ്​ തു​ട​ങ്ങി​യ​​തോ​ടെ സ​ദ​സ്സി​ലാ​കെ നി​ർ​ത്താ​തെ കൈ​യ​ടി. കു​ടും​ബ​ശ്രീ രജത ജൂബിലി ആ​ഘോ​ഷ​ത്തി​ന്‍റെ സ​മാ​പ​ന​ച്ച​ട​ങ്ങി​ൽ സ്വാ​ഗ​തം പ​റ​യാ​ൻ വാ​സ​ന്തി​ക്ക് വ​ഴി​യൊ​രു​ങ്ങി​യ​ത്​ ഏ​റ്റ​വും മു​തി​ർ​ന്ന കു​ടും​ബ​ശ്രീ അം​ഗ​മെ​ന്ന പ​രി​ഗ​ണ​ന​യി​ലാ​ണ്.

സ്വാ​ഗ​തം പ​റ​യാ​ൻ ക്ഷ​ണി​ച്ച​പ്പോ​ൾ​ത​ന്നെ ക​ര​ഘോ​ഷ​മു​യ​ർ​ന്നു. സ​ഭാ​ക​മ്പ​മോ പ​രി​ഭ്ര​മ​മോ ഇ​ല്ലാ​തെ നി​റ​ഞ്ഞ ചി​രി​യോ​ടെ വാ​സ​ന്തി വേ​ദി​യി​ലേ​ക്ക്​ ന​ട​ന്നു​ക​യ​റി. നേ​രെ മു​ഖ്യ​മ​ന്ത്രി​യു​ടെ അ​ടു​ത്തേ​ക്ക്. ​അ​ദ്ദേ​ഹ​​ത്തെ ഹ​സ്ത​ദാ​നം ചെ​യ്ത​ശേ​ഷം തി​രി​ഞ്ഞു​ന​ട​ക്കാ​നൊ​രു​ങ്ങ​വെ എം.​ബി. രാ​ജേ​ഷ്​ എ​ഴു​ന്നേ​റ്റ്​ വാ​സ​ന്തി​യ​മ്മ​യെ ചേ​ർ​ത്തു​നി​ർ​ത്തി. പി​ന്നാ​ലെ പ്ര​സം​ഗ​പീ​ഠ​ത്തി​ലേ​ക്ക്.

‘‘​പ്രി​യ​പ്പെ​ട്ട സ​ഹോ​ദ​രീ, ​സ​ഹോ​ദ​ര​ന്മാ​രെ..’’​എ​ന്ന ആ​മു​ഖ​ത്തോ​ടെ ഉ​റ​ച്ച വാ​ക്കു​ക​ളി​ലെ സ്വാ​ഗ​ത​മാ​ശം​സ സ​ദ​സ്സ്​ ഒ​ന്ന​ട​ങ്കം ഏ​റ്റെ​ടു​ത്തു. അ​ടു​ക്ക​ള​യി​ൽ ഒ​തു​ങ്ങി​ക്കൂ​ടി​യി​രു​ന്ന ത​ങ്ങ​ളെ​പ്പോ​ലു​ള്ള​വ​രെ പു​റ​ത്തെ​ത്തി​ച്ച​ത്​ കു​ടും​ബ​ശ്രീ​യാ​ണെ​ന്ന് പ​റ​ഞ്ഞ​തോ​ടെ അ​തി​ഥി​ക​ളു​ടെ വ​ക​യും കൈ​യ​ടി. ഇ​തി​നി​ടെ പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ വേ​ദി​യി​ലേ​ക്കെ​ത്തി​യ​ത്​ വാ​സ​ന്തി​യ​മ്മ ക​ണ്ടി​രു​ന്നി​ല്ല. ആ​​​​രോ പ്ര​തി​പ​ക്ഷ നേ​താ​വി​ന്‍റെ കാ​ര്യം ഓ​ർ​മി​പ്പി​ച്ചു. അ​ബ​ദ്ധം പ​റ്റി​യെ​ന്ന ഭാ​വ​ത്തി​ൽ സ​തീ​ശ​നി​ലേ​ക്ക്​ തി​രി​ഞ്ഞ്​ ‘‘അ​യ്യോ സാ​റേ, ഞാ​ൻ ക​ണ്ടി​ല്ലാ​യി​രു​ന്നു...’’​എ​ന്ന നി​ഷ്​​ക​ള​ങ്ക​മാ​യ ക്ഷ​മാ​പ​ണം. കൊ​ല്ലം അ​ഞ്ചാ​ലും​മൂ​ട്​ ജ​ന​ത കു​ടും​ബ​ശ്രീ​യി​ലെ അം​ഗ​മാ​ണ്​ വാ​സ​ന്തി. ആ​ദ്യ​കാ​ലം മു​ത​ലു​ള്ള സം​രം​ഭ​ക​യാ​യ ഇ​വ​ർ ക​ച്ചി​പ്പ​ട നി​ർ​മാ​ണ​ത്തി​ലാ​ണ്​ ഏ​ർ​പ്പെ​ടു​ന്ന​ത്.