ശശികലക്കെതിരെ കേസെടുത്തത് തെറ്റെന്ന് കുമ്മനം

തിരുവനന്തപുരം: വിശ്വഹിന്ദു പരിഷത്ത് നേതാവ് കെ.പി. ശശികലക്കെതിരെ കേസ് എടുത്തത് തെറ്റായ നടപടിയാണെന്ന് ബി.ജെ.പി സംസ്ഥാന അധ്യക്ഷൻ കുമ്മനം രാജശേഖരൻ. പ്രസ്ഥാനങ്ങളെ തകർക്കാനുള്ള ശ്രമങ്ങളുടെ ഭഗമായാണ് ഇത്തരം നീക്കമെന്നും കുമ്മനം ആരോപിച്ചു.

വർഗീയ വിദ്വേഷം വളർത്തുന്ന തരത്തിൽ പ്രസംഗിച്ചതിനെ തുടർന്നാണ് ശശികലക്കെതിരെ ഹൊസ്ദുർഗ് പൊലീസ് കേസെടുത്തത്. കാസർകോട് ജില്ലാ കോടതിയിലെ പബ്ലിക് പ്രോസിക്യൂട്ടർ സി. ഷുക്കൂർ നൽകിയ പരാതിയിലാണ് കേസ്.