പൗരത്വ ഭേദഗതി നിയമത്തിനെതി​െ​ര സമരം ചെയ്യുന്നവർ അരാജകവാദികൾ -കുമ്മനം

കോഴിക്കോട്​: പൗരത്വ ഭേദഗതി നിയമത്തിനെതി​െ​ര സമരം ചെയ്യുന്നവർ അരാജകവാദികളാണെന്ന്​ ബി.ജെ.പി മുൻ സംസ്​ഥാന പ്രസിഡൻറ്​ കുമ്മനം രാജശേഖരൻ. സി.എ.എ-എൻ.ആർ.സി കള്ളപ്രചാരണങ്ങൾക്കെതിരെ ബി.ജെ.പി ജനജാഗ്രത സമ്മേളനം മുതലക്കുളത്ത്​ ഉദ്​ഘാടനം ചെയ്യുകയായിരുന്നു അദ്ദേഹം.

പാർലമ​​െൻറ്​ പാസാക്കിയ നിയമം അംഗീകരിക്കുക എന്നത്​ ജനാധിപത്യ മര്യാദയാണ്​. ഭരണഘട​നയോടുപോലും വിധേയത്വമില്ലാത്തവരാണ്​ സി.പി.എമ്മും കോൺഗ്രസും. ഇവർ ഇൗ നിയമത്തിനെതിരെ പച്ചക്കളങ്ങൾ പടച്ചുവിടുകയാണ്​.
മുസ്​ലിംകൾക്ക്​ പൗരത്വ നിഷേധിക്കാൻ പോവുകയാണ്​ എന്നാണ്​ ഇവർ പ്രചരിപ്പിക്കുന്നത്​. ഇൗ നിയമത്തി​​​െൻറ പേരിൽ രാജ്യത്തെ ജനങ്ങൾക്ക്​ ഒരുകേടും സംഭവിക്കില്ലെന്ന്​ പ്രധാനമന്ത്രി തന്നെ ഉറപ്പുനൽകിയിട്ടുണ്ട്​. കോൺഗ്രസും കമ്യൂണിസ്​റ്റ്​ പാർട്ടിയുമെല്ലാം നേരത്തേ ആവശ്യപ്പെട്ട കാര്യമാണിപ്പോൾ മോദി സർക്കാർ നടപ്പാക്കിയതെന്നും അ​േദ്ദഹം പറഞ്ഞു.

ജില്ല പ്രസിഡൻറ്​ ടി.പി. ജയചന്ദ്രൻ അധ്യക്ഷത വഹിച്ചു. സംസ്​ഥാന വൈസ്​ പ്രസിഡൻറ്​ എ.പി. അബ്​ദുല്ലക്കുട്ടി മുഖ്യപ്രഭാഷണം നടത്തി. സംസ്​ഥാന സെക്രട്ടറി വി.കെ. സജീവൻ, ജില്ല ജനറൽ സെക്രട്ടറി പി. ജിജേന്ദ്രൻ തുടങ്ങിയവർ സംസാരിച്ചു.