കോൺഗ്രസിനെ ശക്​തിപ്പെടാത്തുനുള്ള എല്ലാ നീക്കങ്ങൾക്കും പിന്തുണ -കുഞ്ഞാലിക്കുട്ടി

മലപ്പുറം: പ്രതിപക്ഷ നേതാവായി തെരഞ്ഞെടുക്കപ്പെട്ട വി.ഡി സതീശന്​ എല്ലാ പിന്തുണയും വാഗ്​ദാനം ചെയ്യുന്നുവെന്ന്​​ മുസ്​ലിം ലീഗ്​ ദേശീയ ജനറൽ സെക്രട്ടറി​ പി.കെ കുഞ്ഞാലിക്കുട്ടി. താനും പാർട്ടിയും കോൺഗ്രസിനെ ശക്​തിപ്പെടുത്താനുള്ള എല്ലാ നീക്കങ്ങൾക്കും പിന്തുണ നൽകുമെന്ന്​ അദ്ദേഹം പറഞ്ഞു.

കോൺഗ്രസ്​ ശക്​തിപ്പെടേണ്ടത്​ എല്ലാ മതേതര പാർട്ടികളുടേയും ആവശ്യമാണ്​. സി.പി.എമ്മിനും കോൺഗ്രസ്​ ശക്തിപ്പെടേണ്ടത്​ ആവശ്യമാണ്​. കേരളം കഴിഞ്ഞാൽ അഡ്രസില്ലാത്ത അവസ്ഥയിലാണ്​ സി.പി.എം. കേരളമ​ല്ലല്ലോ ഇന്ത്യയെന്നും കുഞ്ഞാലിക്കുട്ടി ചോദിച്ചു.