വായ്പ ക്രമക്കേട്: കുട്ടനെല്ലൂർ സഹകരണ ബാങ്ക് ഭരണസമിതി പിരിച്ചുവിട്ടു

തൃ​ശൂ​ർ: ക​രു​വ​ന്നൂ​ർ ബാ​ങ്കി​ലെ വാ​യ്പ ത​ട്ടി​പ്പി​ൽ ഉ​ല​ഞ്ഞ സി.​പി.​എ​മ്മി​ന്​ ത​ല​വേ​ദ​ന​യാ​യി തൃ​ശൂ​ർ ജി​ല്ല​യി​ൽ മ​റ്റൊ​രു ബാ​ങ്കി​ൽ​കൂ​ടി ത​ട്ടി​പ്പ്. വാ​യ്പ വി​ത​ര​ണ​ത്തി​ലെ ക്ര​മ​ക്കേ​ടി​നെ തു​ട​ർ​ന്ന്​ സി.​പി.​എം ഭ​രി​ക്കു​ന്ന കു​ട്ട​നെ​ല്ലൂ​ർ സ​ർ​വി​സ് സ​ഹ​ക​ര​ണ ബാ​ങ്ക് ഭ​ര​ണ​സ​മി​തി പി​രി​ച്ചു​വി​ട്ട് അ​ഡ്മി​നി​സ്ട്രേ​റ്റ​റെ നി​യോ​ഗി​ച്ചു.

സ​ഹ​ക​ര​ണ​സം​ഘം സീ​നി​യ​ര്‍ ഇ​ന്‍സ്പെ​ക്ട​ര്‍ പി.​ബി. പ​വി​ത്ര​നാ​ണ്​ അ​ഡ്മി​നി​സ്ട്രേ​റ്റ​ർ. സ​ഹ​ക​ര​ണ നി​യ​മ​ത്തി​ലെ 32 (ഒ​ന്ന്) വ​കു​പ്പ് പ്ര​കാ​ര​മു​ള്ള ന​ട​പ​ടി​യാ​ണ് ബാ​ങ്കി​നെ​തി​രെ സ്വീ​ക​രി​ച്ച​ത്. ഭ​ര​ണ​സ​മി​തി​ക്കെ​തി​രെ നി​യ​മ​ന​ട​പ​ടി​ക​ള്‍ തു​ട​രും. ആ​റു​മാ​സ​ത്തി​ന​കം തെ​ര​ഞ്ഞെ​ടു​പ്പ് ന​ട​ത്തി പു​തി​യ ഭ​ര​ണ​സ​മി​തി​യെ നി​യോ​ഗി​ക്കാ​നാ​ണ് തീ​രു​മാ​നം.

പ്ര​തി​മാ​സ നി​ക്ഷേ​പ പ​ദ്ധ​തി​യി​ല്‍ ക​മീ​ഷ​ന്‍ കൈ​പ്പ​റ്റി, ന​റു​ക്കെ​ടു​പ്പി​ന്‍റെ പേ​രി​ല്‍ സി​റ്റി​ങ് ഫീ​സ് വാ​ങ്ങി തു​ട​ങ്ങി​യ ക്ര​മ​ക്കേ​ടു​ക​ളാ​ണ് പ​രി​ശോ​ധ​ന​യി​ല്‍ ക​ണ്ടെ​ത്തി​യ​ത്. ഈ ​സാ​ഹ​ച​ര്യ​ത്തി​ലാ​ണ് സ​ഹ​ക​ര​ണ​സം​ഘം ജോ​യ​ന്‍റ് ര​ജി​സ്ട്രാ​റു​ടെ ന​ട​പ​ടി. സി.​പി.​എം ഒ​ല്ലൂ​ര്‍ ഏ​രി​യ ക​മ്മി​റ്റി അം​ഗ​വും ഡി.​വൈ.​എ​ഫ്.​ഐ നേ​താ​വു​മാ​യ റി​ക്സ​ന്‍ പ്രി​ന്‍സ് പ്ര​സി​ഡ​ന്‍റാ​യ ഭ​ര​ണ​സ​മി​തി​യാ​ണ് പി​രി​ച്ചു​വി​ട്ട​ത്.

ജീ​വി​ച്ചി​രി​ക്കു​ന്ന​വ​ര്‍ മ​രി​ച്ചു​വെ​ന്ന വ്യാ​ജ​രേ​ഖ​യു​ണ്ടാ​ക്കി ത​ട്ടി​പ്പ് ന​ട​ത്തി​യെ​ന്നും ഭൂ​മി​യു​ടെ മ​തി​പ്പ്​ വി​ല​യേ​ക്കാ​ള്‍ ഉ​യ​ര്‍ന്ന തു​ക​ക്ക് വാ​യ്പ അ​നു​വ​ദി​ച്ചെ​ന്നും കാ​ട്ടി ബി.​ജെ.​പി ഭാ​ര​വാ​ഹി പി.​എ​സ്. പ്ര​കാ​ശ​ൻ ന​ൽ​കി​യ പ​രാ​തി​യി​ല്‍ പൊ​ലീ​സ് കേ​സെ​ടു​ത്തി​രു​ന്നു. ക്ര​മ​ക്കേ​ടി​ൽ സി.​പി.​എം ഏ​രി​യ നേ​തൃ​ത്വ​ത്തി​ന് പ​ങ്കു​ണ്ടെ​ന്ന ആ​രോ​പ​ണ​മാ​ണ് ബി.​ജെ.​പി ഉ​യ​ര്‍ത്തു​ന്ന​ത്.