കരിങ്ങാംകടവിൽ കുട്ടികളുടെ മുങ്ങിമരണം തുടർക്കഥ

കു​റ്റ്യാ​ടി: കു​റ്റ്യാ​ടി പു​ഴ​യി​ൽ പാ​ലേ​രി ചെ​റി​യകു​മ്പ​ളം ഭാ​ഗ​ത്തെ ക​രി​ങ്ങാം​ക​ട​വി​ൽ കു​ട്ടി​ക​ളു​ടെ മു​ങ്ങി​മ​ര​ണം തു​ട​ർ​ക്ക​ഥ. ഇ​ന്ന​ലെ പാ​ലേ​രി പാ​റ​ക്ക​ട​വി​ലെ കൊ​ളാ​യി​പ്പൊ​യി​ൽ മ​ജീ​ദി​ന്റെ മ​ക​ൻ മു​ഹ​മ്മ​ദ്​ സി​നാ​ൻ, കു​ള​മു​ള്ള​ക​ണ്ടി യൂ​സു​ഫി​ന്റെ മ​ക​ൻ മു​ഹ​മ്മ​ദ്​ റി​സ്​​വാ​ൻ എ​ന്നി​വ​രാ​ണ്​ ഒ​ഴു​ക്കി​ൽ പ്പെട്ട്​ മ​രി​ച്ച​ത്. 2005 മേ​യ്​ 25ന്​ ​പാ​റ​ക്ക​ട​വി​ലെ കെ.​ടി. സൂ​പ്പി മാ​സ്റ്റ​റു​ടെ മ​ക​ൻ ഷാ​ഹി​ൻ, ഹം​സ ന​ദ്​​വി​യു​ടെ മ​ക​ൻ ശ​ബീ​ബ്, എം.​കെ. ഖാ​സി​മി​ന്റെ മ​ക​ൻ ശ​ഖീ​ബ്​ എ​ന്നി​വ​ർ സ​മാ​ന രീ​തി​യി​ൽ മ​രി​ച്ചി​രു​ന്നു.

വി​വി​ധ വ​ർ​ഷ​ങ്ങ​ളി​ലാ​യി അ​ഞ്ചു​പേ​ർ വേ​റെ​യും ഇ​വി​ടെ അ​പ​ക​ട​ത്തി​ൽ​പ്പെ​ട്ടി​ട്ടു​ണ്ട്. വി​ശാ​ല​മാ​യ പു​ഴ​ത്തീ​ര​ത്ത്​ ക​ളി​സ്ഥ​ലം കൂ​ടി​യു​ള്ള​തി​നാ​ൽ ഈ ​ക​ട​വി​ൽ കു​ട്ടി​ക​ൾ ധാ​രാ​ള​മാ​യി എ​ത്താ​റു​ണ്ട്. ക​ളി​ക​ഴി​ഞ്ഞ്​ കു​ളി​ക്കാ​നി​റ​ങ്ങി​യ സം​ഘ​ത്തി​ലെ ര​ണ്ടു​പേ​രാ​ണ്​ ഇ​ന്ന​ലെ ഒ​ഴു​ക്കി​ൽ​പ്പെ​ട്ട​ത്. ഒ​ഴു​കി​വ​രു​ന്ന​ത്​ താ​ഴെ തീ​ര​ത്തു നി​ന്ന് ക​ണ്ട​വ​ർ ര​ക്ഷി​ക്കാ​നാ​യി പു​ഴ​യി​ൽ ചാ​ടി​യെ​ങ്കി​ലും കു​ട്ടി മു​ങ്ങി​പ്പോ​യ​തി​നാ​ൽ ക​ണ്ടെ​ടു​ക്കാ​നാ​യി​ല്ല. പു​ഴ​യി​ൽ ആ​ഴം കു​റ​വാ​ണെ​ങ്കി​ലും അ​ടി​യൊ​ഴു​ക്ക്​ ശ​ക്​​ത​മാ​ണെ​ന്ന്​ നാ​ട്ടു​കാ​ർ പ​റ​ഞ്ഞു. പു​ഴ​യെ​ക്കു​റി​ച്ച്​ പ​രി​ച​യ​മി​ല്ലാ​ത്ത പു​റ​ത്തു​നി​ന്നു വ​രു​ന്ന​വ​രാ​ണ്​ അ​ധി​ക​വും അ​പ​ക​ട​ത്തി​ൽ​പെ​ടു​ന്ന​ത്. വി​ജ​ന​മാ​യ സ്ഥ​ല​മാ​യ​തി​നാ​ൽ അ​പ​ക​ട​ത്തി​ൽ​പെ​ട്ടാ​ൽ ആ​ളു​ക​ൾ അ​റി​യാ​ൻ വൈ​കും.

ഇ​ന്ന​ലെ ആ​ദ്യം ഒ​ഴു​ക്കി​ൽ​പെ​ട്ട റി​സ് വാ​നെ ര​ക്ഷി​ക്കാ​ൻ ഇ​റ​ങ്ങി​യ സി​നാ​നെ റി​സ്​​വാ​ൻ കെ​ട്ടി​പ്പി​ടി​ച്ച​പ്പോ​ൾ ഇ​രു​വ​രും മു​ങ്ങി​പപ്പോ​കു​ക​യാ​യി​രു​ന്നെ​ന്ന്​ മ​റ്റു കു​ട്ടി​ക​ൾ പ​റ​ഞ്ഞു. അ​ര കി​ലോ​മീ​റ്റ​ർ താ​ഴെ മേ​മ​ണ്ണി​ൽ​ക​ട​വി​ൽ നി​ന്ന്​ സ​മീ​പ​വാ​സി​ക​ളാ​യ മേ​മ​ണ്ണി​ൽ നി​ബ്രാ​സ്, എ​ട​വ​ല​ത്ത്​ ഫാ​യി​സ്​ എ​ന്നി​വാ​ണ്​ റി​സ്​​വാ​നെ പു​റ​ത്തെ​ടു​ത്ത​ത്. നാ​ദാ​പു​രം, പേ​രാ​മ്പ്ര എ​ന്നി​വി​ട​ങ്ങ​ളി​ൽ നി​ന്ന്​ അ​ഗ്​​നി​ര​ക്ഷ സേ​ന​യും പൊ​ലീ​സും ജ​ന​കീ​യ ദു​ര​ന്ത​നി​വാ​ര​ണ സേ​ന​യും നാ​ട്ടു​കാ​രും സ​ർ​വ ഉ​പ​ക​ര​ണ​ങ്ങ​ളു​മാ​യി തി​ര​ച്ചി​ലി​നെ​ത്തി. ദു​ര​ന്ത നി​വാ​ര​ണ സേ​ന​യി​ലെ കു​ട്ട​പ്പ​ൻ, അ​ജ്​​നാ​സ്, റ​ഫീ​ഖ്​ എ​ന്നി​വ​രാ​ണ്​ സി​നാ​നെ പു​റ​ത്തെ​ടു​ക്കു​ന്ന​ത്. പു​ഴ​ത്തീ​ര​ത്ത്​ മു​ന്ന​റി​യി​പ്പ്​ ബോ​ർ​ഡ്​ സ്ഥാ​പി​ക്ക​ണ​മെ​ന്ന്​ നാ​ട്ടു​കാ​ർ വി​ല്ലേ​ജ്​ അ​ധി​കൃ​ത​രോ​ടും പ​ഞ്ചാ​യ​ത്ത്​ ഭാ​ര​വാ​ഹി​ക​ളോ​ടും ആ​വ​ശ്യ​പ്പെ​ട്ടു. മ​ര​ക്കൊ​മ്പു​ക​ളി​ൽ ഊ​ഞ്ഞാ​ൽ കെ​ട്ടി പു​ഴ​യി​ലേ​ക്ക്​ ആ​ടാ​നു​ള്ള സം​വി​ധാ​ന​വും സ​ന്ദ​ർ​ശ​ക​ർ ഒ​രു​ക്കി​യ​തു കാ​ണാം.