മുഖ്യമന്ത്രിയുടെ സമീപനം അവഹേളനപരം -കെ.യു.ഡബ്ല്യു.ജെ

തിരുവനന്തപുരം: ബി.​െജ.പി^ആർ.എസ്​.എസ്​ നേതൃത്വവുമായി മുഖ്യമന്ത്രി നടത്തിയ യോഗത്തിന്​ മുന്നോടിയായി ദൃശ്യങ്ങൾ പകർത്താനും യോഗതീരുമാനം റിപ്പോർട്ട്​ ചെയ്യാനുമെത്തിയ മാധ്യമപ്രവർത്തകരോട്​ മുഖ്യമന്ത്രിയുടെ ഭാഗത്തുനിന്നുണ്ടായ സമീപനം തികച്ചും നിർഭാഗ്യകരവും  അവഹേളനപരവുമാണെന്ന്​ കേരള പത്രപ്രവർത്തക യൂനിയൻ. സർക്കാറി​​െൻറ പൊതു അറിയിപ്പുണ്ടായതു​പ്രകാരം വാർത്ത തേടിയെത്തിയതാണ്​ മാധ്യമ​പ്രവർത്തകർ.

അവർ അനധികൃതമായി കടന്നുകയറുകയോ അതിക്രമിച്ചുകടക്കുകയോ ചെയ്​തിട്ടില്ല. വാർത്ത തേടിയെത്തുക എന്നത്​ മാധ്യമപ്രവർത്തകരുടെ സ്വാഭാവികരീതിയും അവകാശവുമാണ്​. അതിന്​ ആരും ക്ഷണിക്കേണ്ടതില്ല. കേരളം കാത്തിരിക്കുന്ന ഒരു പ്രധാന യോഗത്തിന്​ മുഖ്യമന്ത്രിയെത്തുന്നതി​​െൻറ ദൃശ്യം പകർത്തുക മാത്രമായിരുന്നു കാമറമാൻമാരുടെ ഉദ്ദേശ്യം. എല്ലാതരം ഉന്നത നേതൃയോഗങ്ങളുടെയും തുടക്കത്തിലുള്ള ദൃശ്യങ്ങൾ മാധ്യമങ്ങൾ പകർത്തുന്നതും വാർത്ത നൽകുന്നതും സാധാരണമാണ്​. ഇക്കാര്യത്തിൽ മുഖ്യമന്ത്രി കടുത്തഭാഷയിൽ പ്രതികരിച്ചത്​ അവഹേളനമാണ്​. റിപ്പോർട്ട്​ ചെയ്യാൻ പാടില്ലായിരുന്നെങ്കിൽ അത്​ നേരത്തേ അറിയിക്കണമായിരുന്നു. ഇത്രയും ​പ്രകോപനം മുഖ്യമന്ത്രിയിൽനിന്നുണ്ടായത്​ ഖേദകരമാണ്​.

പെ​െട്ടന്നുണ്ടായ പ്രകോപനത്തിന്​ കാരണ​മുണ്ടെങ്കിൽ അത്​ മുഖ്യമന്ത്രി  തുറന്നുപറയണമെന്നും കെ.യു.ഡബ്ല്യു.ജെ പ്രസിഡൻറ്​ പി.എ. അബ്​ദുൽ ഗഫൂർ, ജനറൽ സെക്രട്ടറി സി. നാരായണൻ എന്നിവർ പ്രസ്​താവനയിൽ അഭിപ്രായപ്പെട്ടു.