കെ.​വി. തോ​മ​സി​നെ ചാ​ടി​ക്കാ​നു​ള്ള ശ്ര​മം: യെച്ചൂരിയെ അതൃപ്തി അറിയിച്ച്​ കോൺഗ്രസ്

ന്യൂ​ഡ​ൽ​ഹി: കേ​ര​ള​ത്തി​ലെ മു​തി​ർ​ന്ന കോ​ൺ​ഗ്ര​സ്​ നേ​താ​വും മു​ൻ കേ​ന്ദ്ര​മ​ന്ത്രി​യു​മാ​യ കെ.​വി. തോ​മ​സി​നെ പാ​ർ​ട്ടി​യി​ൽ ​നി​ന്ന്​ ചാ​ടി​ക്കാ​നു​ള്ള ശ്ര​മ​ത്തി​ൽ കോ​ൺ​ഗ്ര​സ്​ ദേ​ശീ​യ നേ​തൃ​ത്വം സി.​പി.​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​യെ ത​ങ്ങ​ളു​ടെ അ​തൃ​പ്തി അ​റി​യി​ച്ചു. ബി.​ജെ.​പി​ക്കെ​തി​രെ മ​തേ​ത​ര​ശ​ക്തി​ക​ളു​ടെ ഐ​ക്യ​ത്തി​നും യോ​ജി​പ്പി​നും​വേ​ണ്ടി സി.​പി.​എം ദേ​ശീ​യ​ത​ല​ത്തി​ൽ ശ്ര​മം ന​ട​ത്തു​ന്ന വേ​ള​യി​ൽ കോ​ൺ​ഗ്ര​സ്​ നേ​താ​ക്ക​ളെ അ​ട​ർ​ത്തി​യെ​ടു​ക്കു​ന്ന​ത്​ ശ​രി​യ​ല്ലെ​ന്ന്​ ദേ​ശീ​യ നേ​തൃ​ത്വം ​യെ​ച്ചൂ​രി​യെ ധ​രി​പ്പി​ച്ചു.

ക​ണ്ണൂ​രി​ൽ സി.​പി.​എം പാ​ർ​ട്ടി കോ​ൺ​ഗ്ര​സി​ന്​ പോ​കു​മെ​ന്ന്​ തോ​മ​സ്​ വാ​ർ​ത്ത​സ​മ്മേ​ള​നം ന​ട​ത്തി​യ​തി​നു തൊ​ട്ടു​പി​ന്നാ​ലെ കോ​ൺ​ഗ്ര​സി​ന്‍റെ ര​ണ്ടു​ മു​തി​ർ​ന്ന ദേ​ശീ​യ നേ​താ​ക്ക​ളാ​ണ്​ സീ​താ​റാം യെ​ച്ചൂ​രി​യു​മാ​യി ഡ​ൽ​ഹി​യി​ൽ​നി​ന്ന്​ ഫോ​ണി​ൽ ബ​ന്ധ​പ്പെ​ട്ട​തെ​ന്ന്​ കോ​ൺ​ഗ്ര​സ്​ വൃ​ത്ത​ങ്ങ​ൾ അ​റി​യി​ച്ചു. സി.​പി.​എ​മ്മി​ന്‍റെ ജ​ന​റ​ൽ സെ​ക്ര​ട്ട​റി എ​ന്ന നി​ല​യി​ൽ ഇ​ത്ത​ര​മൊ​രു നീ​ക്ക​ത്തെ പി​ന്തു​ണ​ക്ക​രു​തെ​ന്ന്​ യെ​ച്ചൂ​രി​യോ​ട്​ ഇ​രു​നേ​താ​ക്ക​ളും ആ​വ​​ശ്യ​പ്പെ​ട്ടു.

തോ​മ​സി​നെ പി​ടി​ക്കാ​ൻ ന​ട​ത്തി​യ നീ​ക്ക​മാ​ണ്​ സി.​പി.​എം പാ​ർ​ട്ടി കോ​ൺ​ഗ്ര​സി​നു​ള്ള ക്ഷ​ണ​മെ​ന്ന്​ മു​തി​ർ​ന്ന പാ​ർ​ട്ടി നേ​താ​വ്​ പ​റ​ഞ്ഞു. ക്ഷ​ണം തോ​മ​സ്​ സ്വീ​ക​രി​ക്ക​രു​താ​യി​രു​ന്നു. കോ​ൺ​ഗ്ര​സി​ൽ ഏ​റ്റ​വും കൂ​ടു​ത​ൽ സ്ഥാ​ന​വും അ​ധി​കാ​ര​വും ല​ഭി​ച്ച​ശേ​ഷം തോ​മ​സ് ഇ​ത്ത​ര​ത്തി​ൽ ഒ​രു നീ​ക്കം ന​ട​ത്ത​രു​താ​യി​രു​ന്നു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.