ബി.ജെ.പിയിലേക്ക്​ പോകാൻ കെ.വി തോമസ്​ ടോം വടക്കനല്ല -സുധാകരൻ

കണ്ണൂർ: എറണാകുളത്തെ സ്​ഥാനാർഥിത്വത്തിൽ തെറ്റുപറ്റിയിട്ടില്ലെന്ന്​ കോൺഗ്രസ്​ നേതാവ്​ കെ. സുധാകരൻ. സീറ്റ്​ ന ൽകുന്നില്ലെന്ന കാര്യം അദ്ദേഹത്തെ നേരത്തെ അറിയിക്കണ​മായിരുന്നു. അത്​ അറിയിക്കാത്തതിലുള്ള മാനസിക പ്രയാസമാണ്​ അദ്ദേഹം പ്രകടിപ്പിച്ചത്​. സീറ്റ്​ നിഷേധിച്ചതുകൊണ്ട്​ ബി.ജെ.പിയിലേക്ക്​ പോകാൻ കെ.വി തോമസ്​ ടോം വടക്കനല്ലെന്നും സുധാകരൻ പറഞ്ഞു.

ലോക്​സഭാ തെരഞ്ഞെടുപ്പിൽ സ്​ഥാനാർഥിത്വം ​നിഷേധിച്ചതിൽ കെ.വി തോമസ്​ ശക്​തമായ എതിർപ്പ്​ പ്രകടിപ്പിച്ചിരുന്നു. അദ്ദേഹം ബി.ജെ.പിയിലേക്ക്​ കൂറുമാറുമെന്നും വാർത്തകളുണ്ടായിരുന്നു. ബി.ജെ.പിയിൽ ചേരുന്നതിനെ കുറിച്ചുള്ള മാധ്യമങ്ങളുടെ ചോദ്യങ്ങൾക്കും അദ്ദേഹം വ്യക്​തമായ ഉത്തരം നൽകിയിരുന്നില്ല.