കെ.വി തോമസ്​ പുറത്തേക്ക്;​ മേൽനോട്ട സമിതിയിൽ പത്താമനായി ശശി തരൂർ

ന്യൂഡൽഹി: മുഖ്യമന്ത്രി പിണറായി വിജയനുമായി കൂടിക്കാഴ്​ച നടത്തിയ മുൻ കേന്ദ്ര മന്ത്രി കെ. വി തോമസ്​ പാർട്ടിവിടുകയാണെങ്കിൽ വിട​െട്ട എന്ന തീരുമാനത്തിൽ​ കോൺ​ഗ്രസ്​ ഹൈകമാൻഡ്​. നേരത്തെ നിർദേശിച്ച പദവികളൊന്നും തോമസിന്​ നൽകേണ്ടെന്ന്​ കേരള നേതാക്കൾ ആവശ്യപ്പെട്ടതി​​ന്‍റെ അടിസ്​ഥാനത്തിലാണിത്​. ഉമ്മൻചാണ്ടി അധ്യക്ഷനായ തെരഞ്ഞെടുപ്പ്​ മേൽനോട്ട സമിതിയെ ഹൈകമാൻഡ്​ പ്രഖ്യാപിച്ചപ്പോൾ, നേരത്തെ ധാരണയിലെത്തിയ ഒമ്പത്​ പേർക്ക്​ പുറമെ ശശി തരൂർ എം.പി, ഹൈകമാൻഡ്​ ഇടപെടലിൽ പത്താമനായി ഇടംപിടിച്ചു. ​അതിനിടെ മൽസരിക്കാൻ അനുവാദം ​തേടി കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ ​ൈഹകമാൻഡിനെ സമീപിച്ചതിനെ കെ.മുരളീധരൻ പരിഹസിച്ചു.

പ്രചാരണ സമിതി കൺവീനർ സ്​ഥാനത്തേക്ക്​ നേരത്തെ പരിഗണിച്ചിരുന്ന കെ.വി തോമസിന്​ അതിന്​ ശേഷം ഉമ്മൻചാണ്ടി വർക്കിങ് ​പ്രസിഡൻറ്​ സ്​​ഥാനം വാഗ്​ദാനം ചെയ്​തിരുന്നു. ഏൽപിച്ചിട്ടും വീക്ഷണവും ജയ്​ഹിന്ദും ഏ​െറ്റടുക്കാതിരുന്നതും തോമസിന്​ വിനയായി.

ഉമ്മൻചാണ്ടിക്ക്​ പുറമെ പ്രതിപക്ഷ നേതാവ്​ രമേശ്​ ചെന്നിത്തല, കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ, വർകിങ്​ പ്രസിഡൻറ്​ കെ സുധാരകൻ, താരിഖ്​ അൻവർ, കെ.സി വേണുഗോപാൽ, കൊടിക്കുന്നിൽ സുരേഷ്​, ശശി തരൂർ, വി.എം സുധീരൻ, കെ. മുരളീധരൻ എന്നിവരാണ്​ സമിതി അംഗങ്ങൾ.

ലോക്​സഭയിലേക്ക്​ മൽസരിക്കാൻ കെ.പി.സി.സി പ്രസിഡൻറ്​ എന്ന നിലയിൽ ഉത്തരവാദിത്തം തടസമാകുമെന്ന്​ പറഞ്ഞ്​ ഒഴിഞ്ഞുമാറിയ മുല്ലപ്പള്ളി എങ്ങിനെയാണ്​ അതേ ഉത്തരവാദിത്തവുമായി നിയമസഭയിലേക്ക്​ മൽസരിക്കുകയെന്ന്​ മുരളീധരൻ ചോദിച്ചു. അന്ന്​ മുല്ലപ്പള്ളി തയാറായിരുന്നെങ്കിൽ കോൺഗ്രസിന്​ വട്ടിയൂർകാവ്​ നഷ്​ടപ്പെടില്ലായിരുന്നുവെന്നും മുരളീധരൻ ചുണ്ടിക്കാട്ടി.