മുൻ കേന്ദ്രമന്ത്രി കെ.വി. തോമസിന്‍റെ ഭാര്യ ഷേർളി നിര്യാതയായി

മട്ടാഞ്ചേരി: മുൻ കേന്ദ്രമന്ത്രിയും സംസ്ഥാന സർക്കാറിന്‍റെ ഡൽഹിയിലെ പ്രതിനിധിയുമായ പ്രഫ. കെ.വി. തോമസിന്‍റെ ഭാര്യ ഷേർളി തോമസ് (77) നിര്യാതയായി.

പൊലീസ് സർക്കിൾ ഇൻസ്പെക്ടർ ആയിരുന്ന പരേതനായ വടുതല പൂവങ്കേരി വീട്ടിൽ ബർണാർഡിന്റെയും ജഡ്രൂഡിന്റെയും മകളാണ്. മക്കൾ: ബിജു തോമസ് (സീനിയർ ഡയറക്ടർ ആൻഡ് ഹെഡ്, മഷ്​റക് ബാങ്ക്, ദുബൈ), രേഖ തോമസ് (ഷേർളീസ് ഡിസ്ട്രിബ്യൂട്ടേഴ്സ് ആൻഡ് ഏജന്‍റ്​സ്​ പ്രസിഡൻറ്, ഓൾ കേരള ഡിസ്ട്രിബ്യൂട്ടേഴ്സ് അസോസിയേഷൻ, കൊച്ചി യൂനിറ്റ്), ഡോ. ജോ തോമസ് (വാതരോഗ വിദഗ്​ധൻ, ആസ്റ്റർ മെഡ്സിറ്റി, എറണാകുളം).

മരുമക്കൾ: ലക്ഷ്മി പ്രിയദർശിനി (കടവന്ത്ര ചെറുപറമ്പത്ത് കുടുംബാംഗം), ഇടക്കൊച്ചി കളപ്പുരയ്ക്കൽ കുടുംബാംഗം ടോണി തമ്പി, കടവന്ത്ര മനയത്തറ കുടുംബാംഗം ഡോ. അന്നു ജോസ് (ശിശു ഹൃദ്രോഗ വിദഗ്​ധ, ആസ്റ്റർ മെഡ്​സിറ്റി, എറണാകുളം). ബുധനാഴ്ച രാവിലെ ഏഴുമുതൽ രണ്ടുവരെ തോപ്പുംപടി കൊച്ചുപള്ളി റോഡിലുള്ള വസതിയിൽ പൊതുദർശനത്തി​ന്​ വെക്കും. സംസ്കാരം വൈകീട്ട്​ മൂന്നിന് കുമ്പളങ്ങി സെന്‍റ്​ പീറ്റേഴ്സ് ദേവാലയ സെമിത്തേരിയിൽ.