കോഴിക്കോട്​ യുവതിയും കുഞ്ഞും തീകൊളുത്തി മരിച്ച നിലയിൽ

കോഴിക്കോട്​ : മാങ്കാവ്​ തൃശാലക്കുളത്ത്​ യുവതിയെയും കുഞ്ഞിനെയും മരിച്ച നിലയിൽ കണ്ടെത്തി. ഒഡിഷ സ്വദേശിയായ രൂപാനിയ മൂന്നു വയസുകാരി മകൾ ആരാധ്യ എന്നിവരെയാണ്​ വാടക വീട്ടിൽ മരിച്ച നിലയിൽ കണ്ടെത്തിയത്​. മണ്ണെണ്ണ ഒഴിച്ച്​ തീകൊളുത്തി മരിച്ച നിലയിലാണ്​ ക​െണ്ടത്തിയത്​.

ഇന്നലെ വൈകീട്ട്​ രുപാനിയയുടെ ഭർത്താവ്​ ജോലി കഴിഞ്ഞ്​ വീട്ടിലെത്തിയപ്പോഴാണ്​ സംഭവം അറിഞ്ഞത്​. വീടിൻെറ വാതിൽ തുറക്കാത്തതിനെ തുടർന്ന്​ പൊളിച്ച്​ അകത്ത്​ കയറുകയായിരുന്നു. കസബ പൊലീസ്​ കേസെടുത്ത്​ അന്വേഷണം ആരംഭിച്ചു.