മുക്കുപണ്ടം പണയം വെച്ച് ലക്ഷങ്ങൾ തട്ടി; യുവാവ് അറസ്റ്റിൽ
text_fieldsമുഹമ്മദ്
റിഫാസ്
പഴയങ്ങാടി: ഫെഡറൽ ബാങ്കിന്റെ പഴയങ്ങാടി ശാഖയിൽനിന്ന് സ്വർണം പൂശിയ മുക്കുപണ്ടം പണയം വെച്ച് 13, 82,000 രൂപ തട്ടിയ കടന്നപ്പള്ളി ചന്തപ്പുര സുഹറാസിലെ മുഹമ്മദ് റിഫാസിനെ (37) പഴയങ്ങാടി പൊലീസ് അറസ്റ്റ് ചെയ്തു. എറണാകുളത്തുവെച്ചാണ് പൊലീസ് ഇയാളെ പിടി കൂടിയത്. ഫെഡറൽ ബാങ്ക് പഴയങ്ങാടി ശാഖ സീനിയർ മാനേജർ വി. ഹരിയുടെ പരാതിയിൽ നാളുകളായി ഇയാളെ തെരയുകയായിരുന്നു പൊലീസ്.
2022 ഒക്ടോബർ മുതൽ വിവിധ തീയതികളിലായാണ് മാല, വള തുടങ്ങിയ സ്വർണം പൂശിയ 330.06 ഗ്രാം മുക്കുപണ്ട ആഭരണങ്ങൾ സ്വർണമാണെന്ന വ്യാജേന പണയപ്പെടുത്തി പണം ബാങ്കിൽനിന്ന് മുഹമ്മദ് റിഫാസ് തട്ടിയെടുത്തു. പണം തിരിച്ചടക്കാത്തതിനെ തുടർന്നുള്ള പരിശോധനയിലാണ് ഇയാൾ ബാങ്കിൽ പണയപ്പെടുത്തിയത് മുഴുവനും മുക്കുപണ്ടങ്ങളാണെന്ന് ബാങ്കധികൃതർ തിരിച്ചറിഞത്. നിരവധി സാമ്പത്തിക തട്ടിപ്പുമായി ഇയാൾക്ക് ബന്ധമുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.