ലക്ഷദ്വീപ്​ വിഷയം രാഷ്​ട്രനേതാക്കൾക്കു മുന്നിൽ

ന്യൂ​ഡ​ൽ​ഹി: ല​ക്ഷ​ദ്വീ​പ്​ വി​ഷ​യം എം.പിമാർ വഴി രാ​ഷ്​​ട്ര​ നേതാക്കൾക്ക്​ മു​ന്നി​ൽ. ല​ക്ഷ​ദ്വീ​പ്​ അ​ഡ്മി​നി​സ്ട്രേ​റ്റ​റെ ത​ൽ​സ്ഥാ​ന​ത്തു​നി​ന്ന് നീ​ക്ക​ണ​മെ​ന്നും അ​വി​ടെ ന​ട​ക്കു​ന്ന ജ​ന​വി​രു​ദ്ധ നീ​ക്ക​ങ്ങ​ൾ നേ​രി​ട്ട​റി​യാ​ൻ കേ​ര​ള​ത്തി​ലെ പാ​ർ​ല​മെൻറ്​ അം​ഗ​ങ്ങ​ൾ ഉ​ൾ​ക്കൊ​ള്ളു​ന്ന സ​മി​തി​യെ അ​യ​ക്ക​ണ​മെ​ന്നും എം.​പി​മാ​രാ​യ ഇ.​ടി. മു​ഹ​മ്മ​ദ്‌ ബ​ഷീ​ർ, അ​ബ്​​ദു​സ്സ​മ​ദ് സ​മ​ദാ​നി, പി.​വി. അ​ബ്​​ദു​ൽ വ​ഹാ​ബ് എ​ന്നി​വ​ർ രാ​ഷ്​​ട്ര​പ​തി​യോ​ട് ആ​വ​ശ്യ​പ്പെ​ട്ടു.

ദ്വീ​പു​വാ​സി​ക​ളു​ടെ താ​ൽ​പ​ര്യ​ങ്ങ​ൾ​ക്ക്​ വി​രു​ദ്ധ​മാ​യ രീ​തി​യി​ൽ ശ​ത്രു​താ മ​നോ​ഭാ​വ​ത്തോ​ടെ പ്ര​വ​ർ​ത്തി​ക്കു​ന്ന അ​ഡ്​​മി​നി​സ്​​ട്രേ​റ്റ​ർ പ്ര​ഫു​ൽ കെ. ​പ​​ട്ടേ​ലി​നെ ദ്വീ​പി​ൽ​നി​ന്ന്​ തി​രി​ച്ചു വി​ളി​ക്ക​ണ​മെ​ന്ന്​ സി.​പി.​ഐ പാ​ർ​ല​മെൻറ​റി പാ​ർ​ട്ടി നേ​താ​വും പാ​ർ​ട്ടി ദേ​ശീ​യ കൗ​ൺ​സി​ൽ സെ​ക്ര​ട്ട​റി​യു​മാ​യ ബി​നോ​യ്​ വി​ശ്വം എം.​പി രാ​ഷ്​​​ട്ര​പ​തി​ക്ക്​ ന​ൽ​കി​യ ക​ത്തി​ൽ ആ​വ​ശ്യ​പ്പെ​ട്ടു. സ്വേ​ച്ഛാ​പ​ര​മാ​യ നി​ര​വ​ധി തീ​രു​മാ​ന​ങ്ങ​ൾ വ​ഴി ദ്വീ​പു​വാ​സി​ക​ളു​ടെ സ​മാ​ധാ​ന ജീ​വി​തം ത​ക​ർ​ക്കു​ക​യാ​ണ്​ അ​ഡ്​​മി​നി​സ്​​​ട്രേ​റ്റ​റെ​ന്ന്​ ബി​നോ​യ്​ വി​ശ്വം ക​ത്തി​ൽ ചൂ​ണ്ടി​ക്കാ​ട്ടി.

അതിനിടെ, ല​ക്ഷ​ദ്വീ​പ് അ​ഡ്മി​നി​സ്ട്രേ​റ്റ​ർ ന​ട​പ്പാ​ക്കു​ന്ന നി​യ​മ​ങ്ങ​ളി​ൽ പ്ര​തി​ഷേ​ധം ശ​ക്ത​മാ​കു​ന്ന സാ​ഹ​ച​ര്യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന്​ ആ​വ​ശ്യ​പ്പെ​ട്ട് ഹൈ​ബി ഈ​ഡ​ൻ എം.​പി പ്ര​ധാ​ന​മ​ന്ത്രി, ആ​ഭ്യ​ന്ത​ര​മ​ന്ത്രി എ​ന്നി​വ​ർ​ക്ക് ക​ത്ത്​ ന​ൽ​കി.

തെ​ര​ഞ്ഞെ​ടു​ക്ക​പ്പെ​ട്ട ജി​ല്ല പ​ഞ്ചാ​യ​ത്തു​ക​ളു​ടെ അ​ധി​കാ​രം വെ​ട്ടി​ക്കു​റ​ച്ച്​ വി​ദ്യാ​ഭ്യാ​സം, ആ​രോ​ഗ്യം, കൃ​ഷി, മൃ​ഗ​സം​ര​ക്ഷ​ണം, മ​ത്സ്യ​ബ​ന്ധ​നം എ​ന്നീ വ​കു​പ്പു​ക​ളി​ൻ​മേ​ലു​ള്ള നി​യ​ന്ത്ര​ണം അ​ഡ്മി​നി​സ്ട്രേ​റ്റ​ർ ഏ​റ്റെ​ടു​ത്തു​വെ​ന്ന് ഹൈ​ബി ചൂ​ണ്ടി​ക്കാ​ട്ടി. ദ്വീ​പ് നി​വാ​സി​ക​ളു​ടെ താ​ൽ​പ​ര്യ​ങ്ങ​ൾ​ക്കും സം​സ്കാ​ര​ത്തി​നും എ​തി​രാ​യ ന​ട​പ​ടി​കളാണ്​ അവിടെ നടപ്പാക്കുന്നതെന്ന്​ ക​ത്തി​ൽ പറയുന്നു.

ഭ​ര​ണ​ഘ​ട​ന വി​രു​ദ്ധ​വും ജ​ന​താ​ൽ​പ​ര്യ​ത്തി​ന്​ എ​തി​രു​മാ​യ നി​യ​മ​ങ്ങ​ൾ സൃ​ഷ്​​ടി​ക്കു​ക​യാ​ണ് അ​ഡ്​​മി​നി​സ്​​ട്രേ​റ്റ​ർ ചെ​യ്യു​ന്ന​തെന്ന്​ ഇ.​ടി. മു​ഹ​മ്മ​ദ്‌ ബ​ഷീ​ർ ആരോപിച്ചു. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്ക് വേ​ണ്ടി​യു​ള്ള നി​യ​മ​ന​ട​പ​ടി​ക​ളി​ൽ ഭ​ര​ണ​ഘ​ട​ന ത​ത്ത്വ​ങ്ങ​ൾ ലം​ഘി​ച്ചു. പ​ഞ്ചാ​യ​ത്ത് നി​യ​മ​ഭേ​ദ​ഗ​തി​യി​ൽ ര​ണ്ടു കു​ട്ടി​ക​ൾ​ക്കു മേ​ലെ​യു​ള്ള​വ​ർ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ പ​റ്റി​ല്ലെ​ന്ന് നി​ഷ്ക​ർ​ഷി​ച്ചു. മൃ​ഗ​സം​ര​ക്ഷ​ണ നി​യ​മ​ത്തി​‍െൻറ പേ​രി​ൽ ബീ​ഫ് നി​രോ​ധ​നം അ​ടി​ച്ചേ​ൽ​പി​ക്കു​ന്നു. ഫ​ല​ത്തി​ൽ ത​‍െൻറ സൈ​ദ്ധാ​ന്തി​ക ഇ​ഷ്​​ട​ങ്ങ​ൾ ന​ട​പ്പാ​ക്കാ​ൻ ഔ​ദ്യോ​ഗി​ക പ​ദ​വി ദു​രു​പ​യോ​ഗി​ക്കു​ക​യാ​ണ്.

ഇ​തി​നൊ​ക്കെ പു​റ​മെ, ഗു​ണ്ട ആ​ക്ട് ന​ട​പ്പി​ൽ​വ​രു​ത്തി. കോ​വി​ഡ് തീ​രെ ബാ​ധി​ക്കാ​തി​രു​ന്ന സ്ഥ​ല​മാ​ണ് ല​ക്ഷ​ദ്വീ​പ്. എ​ന്നാ​ൽ എ​ല്ലാ നി​യ​ന്ത്ര​ണ​ങ്ങ​ളും വ്യ​വ​സ്ഥ​ക​ളും നി​സ്സാ​ര​വ​ത്​​ക​രി​ച്ച​തോ​ടെ കോ​വി​ഡ് വ്യാ​പ​ന​ത്തി​ന് വ​ഴി​യൊ​രു​ക്കി. ഇ​ന്ന് ദ്വീ​പ​സ​മൂ​ഹ​ത്തി​ലെ ഏ​ഴു​ ശ​ത​മാ​നം പേ​ർ കോ​വി​ഡ് ബാ​ധി​ത​രാ​യി. 24 പേ​ർ മ​രി​ച്ചു. അ​ഡ്മി​നി​സ്ട്രേ​റ്റ​റു​ടെ ന​ട​പ​ടി​ക​ൾ ല​ക്ഷ​ദ്വീ​പി​നെ രോ​ഗാ​തു​ര​മാ​ക്കു​ക​യാ​ണ്.

ല​ക്ഷ​ദ്വീ​പു​കാ​രു​ടെ ബ​ന്ധു​ക്ക​ൾ കൂ​ടു​ത​ലും കേ​ര​ള​ത്തി​ലാ​ണ്. അ​വ​ർ​ക്ക് ഏ​റ്റ​വും സൗ​ക​ര്യ​മു​ള്ള തു​റ​മു​ഖം ബേ​പ്പൂ​രാ​ണ്. അ​ത്‌ രാ​ഷ്​​ട്രീ​യ താ​ൽ​പ​ര്യം ക​ണ​ക്കി​ലെ​ടു​ത്ത്​ ക​ർ​ണാ​ട​ക​യി​ലെ മം​ഗ​ളൂ​രു​വി​ലേ​ക്ക് മാ​റ്റു​ന്ന പ്ര​വ​ർ​ത്ത​ന​ത്തി​ലാ​ണ്. അ​മ​ു​ൽ ക​മ്പ​നി​യു​ടെ ഉ​ൽ​പ​ന്ന​ങ്ങ​ൾ ഗു​ജ​റാ​ത്തി​ൽ​നി​ന്ന് ഇ​റ​ക്കു​മ​തി ചെ​യ്യാ​ൻ ശ്ര​മം തു​ട​ങ്ങി.

ല​ക്ഷ​ദ്വീ​പി​ലെ ജ​ന​സം​ഖ്യാ​നു​പാ​തം ത​ക​ർ​ക്കു​ക, അ​വി​ട​ത്തെ ആ​ദി​വാ​സി സം​വ​ര​ണം ഇ​ല്ലാ​താ​ക്കു​ക എ​ന്നി​ങ്ങ​നെ പ​ല അ​ജ​ണ്ട​യും ന​ട​ത്തി​യെ​ടു​ക്കാ​നാ​ണ്​ ശ്ര​മം. ഈ ​വ​സ്തു​ത ക​ണ​ക്കി​ലെ​ടു​ത്തും ജ​ന​ങ്ങ​ൾ​ക്കി​ട​യി​ലെ അ​സ്വാ​ര​സ്യ​ങ്ങ​ളും അ​മ്പ​ര​പ്പും പ​രി​ഗ​ണി​ച്ചും അ​തി​ന്​ കാ​ര​ണ​ക്കാ​ര​നാ​യ അ​ഡ്മി​നി​സ്ട്രേ​റ്റ​റെ തി​രി​ച്ചു വി​ളി​ക്കേ​ണ്ട​ത് രാ​ജ്യ​താ​ൽ​പ​ര്യ​ത്തി​ന് അ​നി​വാ​ര്യ​മാ​ണെ​ന്ന്​ എം.​പി​മാ​ർ രാ​ഷ്​​ട്ര​പ​തി​യെ അ​റി​യി​ച്ചു.