ഭൂമിയേറ്റെടുക്കൽ: പ്രതിഷേധം തണുപ്പിക്കാൻ പ്രചാരണ വിഡിയോകളുമായി കെ-റെയിൽ

തി​രു​വ​ന​ന്ത​പു​രം: സി​ല്‍വ​ര്‍ലൈ​നി​നെ​തി​രെ ഉ​യ​രു​ന്ന വ്യാ​പ​ക​പ്ര​തി​ഷേ​ധം ത​ണു​പ്പി​ക്കാ​ൻ ന​ഷ്ട​പ​രി​ഹാ​ര കാ​ര്യ​ത്തി​ലെ പ്ര​ചാ​ര​ണ വീ​ഡി​യോ​യു​മാ​യി കെ-​റെ​യി​ലിന്‍റെ സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ. ദേ​ശീ​യ പാ​ത​ക്ക്​ സ്ഥ​ലം വി​ട്ടു​ന​ല്‍കി​യ​വ​രെ ഉ​ൾ​പ്പെ​ടു​ത്തി​യാ​ണ്​ വി​ഡി​യോ​ക​ൾ ത​യാ​റാ​ക്കി​യ​ത്. ഭൂ​മി വി​ട്ടു​ന​ൽ​കു​ന്ന​വ​ർ​ക്ക്​ മെ​ച്ച​പ്പെ​ട്ട ന​ഷ്ട​പ​രി​ഹാ​രം കി​ട്ടു​മെ​ന്ന പ്ര​ചാ​ര​ണ​മാ​ണ്​ ഇ​തി​ലൂ​ടെ ല​ക്ഷ്യ​മി​ടു​ന്ന​ത്. പ​ദ്ധ​തി​ക്കെ​തി​രെ പ​രി​സ്ഥി​തി സം​ഘ​ട​ന​ക​ളും സ​മ​ര​സ​മി​തി​ക​ളും പ്ര​തി​ഷേ​ധം ശ​ക്ത​മാ​ക്കി​യ സാ​ഹ​ച​ര്യ​ത്തി​ലാ​ണ്​ പു​തി​യ നീ​ക്കം.

'വി​ക​സ​ന​ത്തി​ന്​ ഭൂ​മി വി​ട്ടു​കൊ​ടു​ത്ത​പ്പോ​ൾ പ്ര​തീ​ക്ഷി​ച്ച​തി​ലേ​റെ ന​ഷ്ട​പ​രി​ഹാ​രം', 'മു​റ്റ​ത്തെ ഇ​ന്‍റ​ർ​ലോ​ക്കി​നും മ​ര​ങ്ങ​ൾ​ക്കും പ​ണം കി​ട്ടി', 'വി​ക​സ​നം വ​ന്ന്​ നാ​ട്​ ന​ന്നാ​യാ​ൽ ന​മ്മ​ളും ന​ന്നാ​വും'​എ​ന്നീ ത​ല വാ​ച​ക​ങ്ങ​ളി​ൽ മൂ​ന്ന്​ വി​ഡി​യോ​ക​ളാ​ണ്​ കെ-​റെ​യി​ലിന്‍റെ ഫേ​സ്​​ബു​ക്ക്​ പേ​ജി​ലു​ള്ള​ത്. അ​തേ​സ​മ​യം,​ പ്ര​ചാ​ര​ണ വി​ഡി​യോ​ക​ൾ​ക്ക്​ താ​ഴെ പ്ര​തി​ഷേ​ധ​മ​റി​യി​ച്ചു​ള്ള ക​മ​ന്‍റു​ക​ൾ നി​റ​യു​ക​യാ​ണ്.

ദേ​ശീ​യ​പാ​ത​ക്ക്​ കേ​ന്ദ്ര സ​ർ​ക്കാ​റി‍െൻറ കൂ​ടി പ​ങ്കാ​ളി​ത്ത​ത്തോ​ടെ​യാ​ണ്​ ന​ഷ്ട​പ​രി​ഹാ​ര​മെ​ന്നും ഇ​തു സം​സ്ഥാ​ന സ​ർ​ക്കാ​റാ​ണ്​ സി​ൽ​വ​ർ ലൈ​നി​ന്​ ന​ഷ്ട​പ​രി​ഹാ​രം ന​ൽ​കേ​ണ്ട​തെ​ന്നും ക​മ​ന്‍റു​ക​ളി​ലു​ണ്ട്.​ സി​ൽ​വ​ർ​ലൈ​നി​നെ​യും ദേ​ശീ​യ​പാ​ത​യെ​യും താ​ര​ത​മ്യം ചെ​യ്യു​ന്ന​തി​നെ​തി​രെ​യു​ള്ള പ്ര​തി​ക​ര​ണ​ങ്ങ​ളും ഏ​റെ​യാ​ണ്.

സി​ൽ​വ​ർ ​ലൈ​നി​നാ​യി ഏ​റ്റെ​ടു​ക്കേ​ണ്ട ഭൂ​മി​യു​ടെ വി​ല ഡി.​പി.​ആ​റി​ൽ കു​റ​ച്ചാ​ണ് കാ​ണി​ച്ചി​രി​ക്കു​ന്ന​തെ​ന്ന്​ നേ​ര​ത്തേ നി​തി ആ​യോ​ഗ് ചൂ​ണ്ടി​ക്കാ​ണി​ച്ചി​രു​ന്നു. ദേ​ശീ​യ പാ​ത​ക്കാ​യു​ള്ള സ്ഥ​ല​മേ​റ്റെ​ടു​പ്പി​ൽ ഒ​രു ഹെ​ക്ട​റി​ന് 18 കോ​ടി​യാ​ണ് ചെ​ല​വ്. സി​ൽ​വ​ർ ലൈ​നി​ന്​ ഒ​മ്പ​ത്​ കോ​ടി​യും.

എ​ന്നാ​ൽ, സി​ൽ​വ​ർ​ലൈ​നി​ന് ഭൂ​മി​യേ​റ്റെ​ടു​ക്കാ​ൻ ഉ​ദ്ദേ​ശി​ക്കു​ന്ന​ത് ദേ​ശീ​യ​പാ​ത​യി​ൽ​നി​ന്ന് ഏ​റെ​മാ​റി ഉ​ള്ളി​ലേ​ക്കു​ള്ള ജ​ന​വാ​സം കു​റ​ഞ്ഞ​മേ​ഖ​ല​ക​ളി​ലാ​ണെ​ന്നും അ​തു​കൊ​ണ്ടാ​ണ് ദേ​ശീ​യ​പാ​ത​ക്കു​ള്ള ഭൂ​മി​യെ അ​പേ​ക്ഷി​ച്ച്​ സി​ൽ​വ​ർ ലൈ​നി​ന്​ നി​ര​ക്ക്​​ കു​റ​യാ​ൻ കാ​ര​ണ​മെ​ന്നു​മാ​ണ്​ ​കെ-​റെ​യി​ലിന്‍റെ വി​ശ​ദീ​ക​ര​ണം.