ഭൂമിയുടെ ന്യായവില: സംസ്ഥാനത്ത്​ ഏകീകൃത രീതി വരുന്നു

തി​രു​വ​ന​ന്ത​പു​രം: സം​സ്ഥാ​ന​ത്ത്​ ഭൂ​മി​യു​ടെ ന്യാ​യ​വി​ല നി​ശ്ച​യി​ക്കു​ന്ന​തി​ൽ ഏ​കീ​കൃ​ത രീ​തി വ​രു​ന്നു. മാ​ർ​ഗ​നി​ർ​ദേ​ശ​ങ്ങ​ൾ സം​ബ​ന്ധി​ച്ച് ഉ​ത്ത​ര​വി​റ​ങ്ങി. നേ​ര​ത്തേ പ്ര​സി​ദ്ധീ​ക​രി​ച്ച ന്യാ​യ​വി​ല​ക​ളി​ൽ നി​ര​വ​ധി ആ​ക്ഷേ​പ​ങ്ങ​ളും അ​പാ​ക​ത​ക​ളു​മു​ണ്ടാ​യ​തി​നെ​തു​ട​ർ​ന്നാ​ണ്​ ന​ട​പ​ടി. ​ ലാ​ൻ​ഡ് റ​വ​ന്യൂ പ്രി​ൻ​സി​പ്പ​ൽ സെ​ക്ര​ട്ട​റി ചെ​യ​ർ​മാ​നും ലാ​ൻ​ഡ്​ റ​വ​ന്യൂ ക​മീ​ഷ​ണ​ർ ക​ൺ​വീ​ന​റു​മാ​യി രൂ​പ​വ​ത്​​ക​രി​ച്ച സ​ബ്​​ക​മ്മി​റ്റി​യാ​ണ്​ വി​ല പു​ന​ർ​നി​ണ​യം സം​ബ​ന്ധി​ച്ച് റി​പ്പോ​ർ​ട്ട് സ​മ​ർ​പ്പി​ച്ച​ത്.  ഇ​തു​മാ​യി ബ​ന്ധ​പ്പെ​ട്ട് സം​ഘ​ടി​പ്പി​ച്ച  ശി​ൽ​പ​ശാ​ല​യി​ൽ ഉ​യ​ർ​ന്ന നി​ർ​ദേ​ശ​ങ്ങ​ളും സി.​എ.​ജി (കം​ട്രോ​ള​ർ ആ​ൻ​ഡ് ഓ​ഡി​റ്റ് ജ​ന​റ​ൽ) ന​ൽ​കി​യ ശി​പാ​ർ​ശ​ക​ളും ക​ണ​ക്കി​ലെ​ടു​ത്താ​ണ്​​ ഉ​ത്ത​ര​വ്.

ഭൂ​മി​യി​ൽ ഉ​ണ്ടാ​കു​ന്ന മാ​റ്റ​ങ്ങ​ൾ പ​രി​ഗ​ണി​ച്ചും ജ​ന​ങ്ങ​ളി​ൽ അ​ധി​ക ബാ​ധ്യ​ത ഉ​ണ്ടാ​ക്കാ​തെ​യും  റ​വ​ന്യൂ ന​ഷ്​​ടം വ​രാ​തെ​യും സ​ർ​ക്കാ​ർ നി​ശ്ച​യി​ക്കു​ന്ന വി​ല​യാ​ണ് ന്യാ​യ​വി​ല. സം​സ്ഥാ​ന​ത്താ​കെ ഏ​കീ​കൃ​ത രീ​തി സ്വീ​ക​രി​ക്കു​ന്ന​തി​​​െൻറ ഭാ​ഗ​മാ​യി ഒ​രു സ​ർ​വേ ന​മ്പ​റി​ൽ വ​രു​ന്ന ഭൂ​മി​ക്ക് വ്യ​ത്യ​സ്​​ത ഉ​പ കാ​റ്റ​ഗ​റി​ക​ൾ​ക്ക് ഉ​ചി​ത​മാ​യ ന്യാ​യ​വി​ല നി​ർ​ണ​യി​ച്ച് പ​ര​മാ​വ​ധി കു​റ്റ​മ​റ്റ​താ​ക്കും. ന​വം​ബ​ർ ഒ​ന്നി​ന്​ പു​ന​ർ​നി​ർ​ണ​യ ജോ​ലി​ക​ൾ ആ​രം​ഭി​ക്കും.

സ​മീ​പ​പ്ര​ദേ​ശ​ങ്ങ​ളി​ൽ സ്ഥി​തി​ചെ​യ്യു​ന്ന സ​മാ​ന​സ്വ​ഭാ​വ​മു​ള്ള സ്ഥ​ല​ങ്ങ​ളു​ടെ ശ​രാ​ശ​രി വി​ൽ​പ​ന വി​ല മാ​ന​ദ​ണ്ഡ​മാ​യി സ്വീ​ക​രി​ക്കും. വി​ല്ലേ​ജു​ക​ളു​ടെ പൊ​തു​അ​തി​ർ​ത്തി പ​ങ്കി​ടു​ന്ന ഓ​രോ കാ​റ്റ​ഗ​റി​യി​ലു​ള്ള സ്ഥ​ല​ങ്ങ​ളി​ൽ വ്യ​ത്യ​സ്​​ത വി​ല ഒ​ഴി​വാ​ക്കു​ന്ന​തി​ന് ആ​ർ.​ഡി.​ഒ​മാ​ർ ജോ​യ​ൻ​റ് സി​റ്റി​ങ് ന​ട​ത്തും. കൃ​ഷി​ഭൂ​മി, കൃ​ഷി​യി​ത​ര​ഭൂ​മി, ത​രി​ശു​സ്ഥ​ല​ങ്ങ​ൾ, ത​ണ്ണീ​ർ​ത്ത​ട​ങ്ങ​ൾ, കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളു​ടെ​യും ത​ദ്ദേ​ശ സ്ഥാ​പ​ന​ങ്ങ​ളു​ടെ​യും ഉ​ട​മ​സ്ഥ​ത​യി​ലു​ള്ള സ്ഥ​ല​ങ്ങ​ൾ, കേ​ന്ദ്ര പൊ​തു​മേ​ഖ​ല സ്ഥാ​പ​ന​ങ്ങ​ളു​ടെ ഉ​ട​മ​സ്ഥ​ത​യി​ലു​ള്ള സ്ഥ​ല​ങ്ങ​ൾ, വ​ന​പ്ര​ദേ​ശ​ങ്ങ​ൾ എ​ന്നി​ങ്ങ​നെ ഏ​ഴു​പ്ര​ധാ​ന വി​ഭാ​ഗ​മാ​യി ഭൂ​മി​യെ ത​രം​തി​രി​ക്കും. ഇ​തി​ന് ഓ​രോ​ന്നി​നും അ​ന​വ​ധി ഉ​പ​വി​ഭാ​ഗ​ങ്ങ​ളു​മു​ണ്ട്.

റ​വ​ന്യൂ രേ​ഖ​ക​ൾ പ​രി​ശോ​ധി​ച്ച് വി​ഭാ​ഗ​വും ഉ​പ​വി​ഭാ​ഗ​വും ത​രം​തി​രി​ച്ച് പ​ട്ടി​ക ത​യാ​റാ​ക്കും. ഇ​തി​ന് ഭൂ​വ​ൻ പോ​ർ​ട്ട​ൽ, ഗൂ​ഗി​ൾ മാ​പ്പ് മു​ത​ലാ​യ സാേ​ങ്ക​തി​ക സ​ങ്കേ​ത​ങ്ങ​ളും ഉ​പ​യോ​ഗി​ക്കും. വി​ല നി​ർ​ണ​യി​ക്കു​ന്ന​തി​ന് വി​ല്ലേ​ജ്, താ​ലൂ​ക്ക്, ജി​ല്ലാ​ത​ല ക​മ്മി​റ്റി​ക​ൾ രൂ​പ​വ​ത്​​ക​രി​ക്കും. ക​ല​ക്ട​ർ, ആ​ർ.​ഡി.​ഒ, സ​ബ് ര​ജി​സ്​​ട്രാ​ർ എ​ന്നി​വ​രാ​ണ് വി​വി​ധ ക​മ്മി​റ്റി​ക​ളു​ടെ മേ​ല​ധി​കാ​രി​ക​ൾ. ആ​ദ്യം ക​ര​ട് ന്യാ​യ​വി​ല റി​പ്പോ​ർ​ട്ട് പ്ര​സി​ദ്ധീ​ക​രി​ക്കും. ആ​ക്ഷേ​പ​ങ്ങ​ളും നി​ർ​ദേ​ശ​ങ്ങ​ളും പ​രി​ശോ​ധി​ച്ച് അ​ന്തി​മ റി​പ്പോ​ർ​ട്ട് ത​യാ​റാ​ക്കാ​നാ​ണ് ഉ​ത്ത​ര​വ്.