ഭൂമി തരംമാറ്റം: ജൂലൈ ഒന്നുമുതൽ ഡെ. കലക്ടർമാർക്കും തീർപ്പാക്കാം

തി​രു​വ​ന​ന്ത​പു​രം: ഭൂ​മി ത​രം​മാ​റ്റ അ​പേ​ക്ഷ​ക​ൾ തീ​ർ​പ്പാ​ക്കാ​ൻ പു​തി​യ സം​വി​ധാ​നം ജൂ​ലൈ ഒ​ന്നു​മു​ത​ൽ നി​ല​വി​ൽ​വ​രും. 27 റ​വ​ന്യൂ ഡി​വി​ഷ​ന​ൽ ഓ​ഫി​സ​ർ​മാ​ർ​ക്ക്​ (ആ​ർ.​ഡി.​ഒ) പു​റ​മേ 78 താ​ലൂ​ക്കു​ക​ളി​ലാ​യി ഓ​രോ ഡെ​പ്യൂ​ട്ടി ക​ല​ക്ട​റും ത​രം​മാ​റ്റ അ​പേ​ക്ഷ​ക​ൾ കൈ​കാ​ര്യം ചെ​യ്യും.

അ​പേ​ക്ഷ​ക​ൾ കു​റ​വാ​യ ചി​ല താ​ലൂ​ക്കു​ക​ളു​ടെ അ​ധി​ക​ച്ചു​മ​ത​ല കൂ​ടി ഡെ​പ്യൂ​ട്ടി ക​ല​ക്ട​ർ​മാ​ർ​ക്ക് ന​ൽ​കു​മെ​ന്ന​തി​നാ​ൽ ഫ​ല​ത്തി​ൽ 71 ഡെ​പ്യൂ​ട്ടി ക​ല​ക്ട​ർ​മാ​ർ​ക്കാ​കും ഇ​തി​ന് അ​ധി​കാ​രം വ​രു​ക. നെ​ൽ​വ​യ​ൽ ത​ണ്ണീ​ർ​ത്ത​ട സം​ര​ക്ഷ​ണ നി​യ​മ​ത്തി​ലെ ആ​ർ.​ഡി.​ഒ എ​ന്ന നി​ർ​വ​ച​ന​ത്തി​ൽ റ​വ​ന്യൂ ഡി​വി​ഷ​ന​ൽ ഓ​ഫി​സ​ർ എ​ന്നാ​ൽ ‘ഡെ​പ്യൂ​ട്ടി ക​ല​ക്ട​ർ ത​സ്തി​ക​യി​ൽ താ​ഴെ​യ​ല്ലാ​ത്ത സ​ർ​ക്കാ​ർ അ​ധി​കാ​ര​പ്പെ​ടു​ത്തു​ന്ന ഉ​ദ്യോ​ഗ​സ്ഥ​ൻ’ എ​ന്ന് ഭേ​ദ​ഗ​തി വ​ന്ന സാ​ഹ​ച​ര്യ​ത്തി​ലാ​ണി​ത്.

ഡെ​പ്യൂ​ട്ടി ക​ല​ക്ട​ർ​മാ​രെ സ​ഹാ​യി​ക്കാ​ൻ 68 ജൂ​നി​യ​ർ സൂ​പ്ര​ണ്ട്, 181 ക്ല​ർ​ക്ക് ത​സ്തി​ക​ക​ൾ നേ​ര​ത്തേ സൃ​ഷ്ടി​ച്ചി​രു​ന്നു. 123 സ​ർ​വേ​യ​ർ​മാ​രെ താ​ൽ​ക്കാ​ലി​ക​മാ​യി നി​യ​മി​ക്കാ​നും 220 വാ​ഹ​ന​ങ്ങ​ൾ വാ​ട​ക​ക്കെ​ടു​ക്കാ​നും ഉ​ത്ത​ര​വി​റ​ക്കി​യി​രു​ന്ന​താ​യി മ​ന്ത്രി കെ. ​രാ​ജ​ൻ അ​റി​യി​ച്ചു.