വീട്ടിലെത്തിയുള്ള ഭൂമി രജിസ്​ട്രേഷന്​ കടമ്പകൾ; രോഗികൾ വലയുന്നു

തി​രു​വ​ന​ന്ത​പു​രം: ര​ജി​സ്​​റ്റ​റി​ങ് ഉ​ദ്യോ​ഗ​സ്ഥ​ർ വീ​ടു​ക​ളി​ലെ​ത്തി ന​ട​ത്തു​ന്ന ഭൂ​മി​കൈ​മാ​റ്റ ര​ജി​സ്ട്രേ​ഷ​ന്​ കോ​വി​ഡി​നെ തു​ട​ർ​ന്ന്​ നി​യ​ന്ത്ര​ണ​മേ​ർ​പ്പെ​ടു​ത്തി​യ​തോ​ടെ ഭി​ന്ന​ശേ​ഷി​ക്കാ​രും വൃ​ദ്ധ​രും രോ​ഗി​ക​ളാ​യ​വ​രും ബു​ദ്ധി​മു​ട്ടി​ല്‍.

രോ​ഗി​ക​ളാ​യ​വ​രും വൃ​ദ്ധ​രു​മൊ​ക്കെ സ്വ​ത്തു​ക്ക​ൾ അ​ന​ന്ത​രാ​വ​കാ​ശി​ക​ൾ​ക്ക്​ കൈ​മാ​റു​ന്ന​തി​നും ജീ​വ​ൻ ര​ക്ഷി​ക്കാ​നും രോ​ഗ​ചി​കി​ത്സ​ക്കു​മാ​യി സ്വ​ത്ത് വി​റ്റ് പ​ണം സ്വ​രൂ​പി​ക്കു​ന്ന​തി​നും വേ​ണ്ടി​യാ​ണ് ര​ജി​സ്​​റ്റ​റി​ങ് ഉ​ദ്യോ​ഗ​സ്ഥ​രെ താ​മ​സ​സ്ഥ​ല​ത്ത് വി​ളി​ച്ചു​വ​രു​ത്തി കൈ​മാ​റ്റ​ങ്ങ​ൾ ര​ജി​സ്​​റ്റ​ർ ചെ​യ്യു​ന്ന​ത്.

ഇ​തി​നാ​യി വ​കു​പ്പ് പ്ര​ത്യേ​ക ഫീ​സും ഈ​ടാ​ക്കു​ന്നു​ണ്ട്. ഇ​ത്ത​ര​ത്തി​ലു​ള്ള സം​വി​ധാ​ന​ത്തി​നാ​ണ് കോ​വി​ഡി‍െൻറ പ​ശ്ചാ​ത്ത​ല​ത്തി​ൽ നി​യ​ന്ത്ര​ണ​മേ​ര്‍പ്പെ​ടു​ത്തി​യ​ത്. ര​ജി​സ്​​റ്റ​റി​ങ് ഉ​ദ്യോ​ഗ​സ്ഥ​ര്‍ ഭൂ​വു​ട​മ​ക​ളു​ടെ താ​മ​സ സ്ഥ​ല​ത്തെ​ത്തി വ​സ്തു​കൈ​മാ​റ്റം ര​ജി​സ്​​റ്റ​ര്‍ ചെ​യ്യ​ണ​മെ​ങ്കി​ല്‍ കി​ട​പ്പു​​രോ​ഗി​ക​ള്‍ ആ​ര്‍.​ടി.​പി.​സി.​ആ​ര്‍ ടെ​സ്​​റ്റ് ചെ​യ്ത് കോ​വി​ഡ് നെ​ഗ​റ്റി​വ് സ​ര്‍ട്ടി​ഫി​ക്ക​റ്റ് ഹാ​ജ​രാ​ക്ക​ണം.

സാ​ധാ​ര​ണ​യാ​യി താ​മ​സ​സ്ഥ​ല​ത്തു​നി​ന്ന്​ പു​റ​ത്തു​പോ​കാ​ന്‍ ക​ഴി​യാ​ത്ത സാ​ഹ​ച​ര്യ​ത്തി​ലാ​ണ് ര​ജി​സ്​​റ്റ​റി​ങ് ഉ​ദ്യോ​ഗ​സ്ഥ​രെ വി​ളി​ച്ചു​വ​രു​ത്തി ര​ജി​സ്ട്രേ​ഷ​ന്‍ ന​ട​ത്തു​ന്ന​ത്. ഈ ​സാ​ഹ​ച​ര്യ​ത്തി​ല്‍ കി​ട​പ്പു​രോ​ഗി​ക​ള്‍ ആ​ര്‍.​ടി.​പി.​സി.​ആ​ര്‍ ടെ​സ്​​റ്റ് ചെ​യ്ത് കോ​വി​ഡ് നെ​ഗ​റ്റി​വ് സ​ര്‍ട്ടി​ഫി​ക്ക​റ്റ് ന​ല്‍ക​ണ​മെ​ന്ന​താ​ണ് ഏ​റെ ബു​ദ്ധി​മു​ട്ട് സൃ​ഷ്​​ടി​ക്കു​ന്ന​ത്.

ഭൂ​വു​ട​മ​ക​ളു​ടെ വീ​ട്, ആ​ശു​പ​ത്രി, ജ​യി​ൽ എ​ന്നി​വി​ട​ങ്ങ​ളി​ലെ​ത്തി പ്ര​തി​മാ​സം അ​ഞ്ഞൂ​റി​ലേ​റെ ര​ജി​സ്ട്രേ​ഷ​നാ​ണ് കേ​ര​ള​ത്തി​ല്‍ ന​ട​ന്നി​രു​ന്ന​ത്. കോ​വി​ഡി‍െൻറ ര​ണ്ടാം വ​ര​വി​നെ തു​ട​ര്‍ന്ന് ഏ​പ്രി​ല്‍ ആ​ദ്യ​വാ​രം മു​ത​ല്‍ ത​ന്നെ വ​സ്തു​കൈ​മാ​റ്റ ര​ജി​സ്ട്രേ​ഷ​ന് നി​യ​ന്ത്ര​ണ​മേ​ര്‍പ്പെ​ടു​ത്തു​ക​യും വാ​സ​സ്ഥ​ല ര​ജി​സ്ട്രേ​ഷ​ന് ര​ജി​സ്​​റ്റ​റി​ങ് ഉ​ദ്യോ​ഗ​സ്ഥ​ര്‍ പോ​കാ​താ​കു​ക​യും ചെ​യ്തു.

തു​ട​ര്‍ന്ന്, ലോ​ക്ഡൗ​ണ്‍ പ്ര​ഖ്യാ​പി​ച്ച​തോ​ടെ ഭൂ​മി കൈ​മാ​റ്റ ര​ജി​സ്ട്രേ​ഷ​ന്‍ പൂ​ര്‍ണ​മാ​യും നി​ല​ച്ചു. നി​യ​ന്ത്ര​ണ​ങ്ങ​ളോ​ടെ വീ​ണ്ടും ര​ജി​സ്ട്രേ​ഷ​ന്‍ ആ​രം​ഭി​ച്ച​പ്പോ​ഴാ​ണ് കി​ട​പ്പു​രോ​ഗി​ക​ളു​ടെ വ​സ്തു​കൈ​മാ​റ്റം തു​ലാ​സ്സി​ലാ​യ​ത്.