ഉരുൾപ്പൊട്ടൽ ദുരന്തം: ചാലിയാറിന്റെ തീരത്ത് നിന്ന് ഒരു മൃത​ദേഹം കൂടി കണ്ടെത്തി

മലപ്പുറം: മുണ്ടക്കൈ-ചൂരൽമല ഉരുൾപ്പൊട്ടൽ ദുരന്തത്തിൽപ്പെട്ട ഒരാളുടെ മൃതദേഹം കൂടി കണ്ടെത്തി. മലപ്പുറത്ത് ചാലിയാറിന്റെ തീരത്ത് നിന്നാണ് സ്ത്രീയുടെ മൃതദേഹം കണ്ടെത്തിയത്. പോത്തുകൽ ഭാഗത്ത് നിന്ന് ആറ് കിലോമീറ്റർ അകലെയാണ് മൃതദേഹം കണ്ടെത്തിയ സ്ഥലം.

രണ്ട് കൂറ്റൻ കല്ലുകൾക്കിടയിൽ കിടക്കുന്ന രീതിയിലായിരുന്നു മൃതദേഹം. പ്രദേശവാസികൾ വിവരമറിയിച്ചതിനെ തുടർന്ന് പൊലീസെത്തി മൃതദേഹം ജില്ലാ ആശുപത്രിയിലേക്ക് മാറ്റി. നേരത്തെ പൂ​ക്കോ​ട്ടു​മ​ണ്ണ ക​ട​വ്, കു​ട്ടം​കു​ളം, നി​ല​മ്പൂ​ർ ക​ള​ത്തി​ൻ​ക​ട​വ്, പോ​ത്തു​കല്ല്, കു​മ്പ​ള​പ്പാ​റ തു​ട​ങ്ങി ചാ​ലി​യാ​റി​ന്‍റെ ക​ട​വു​ക​ളി​ൽ​നി​ന്നെ​ല്ലാം വ്യാ​ഴാ​ഴ്ചയും കൂ​ടു​ത​ൽ ശ​രീ​ര​ഭാ​ഗ​ങ്ങ​ൾ ലഭിച്ചിരുന്നു. ചാലിയാറിന്റെ തീരങ്ങളിലുള്ള ഉൾവനത്തിൽ മൃതദേഹങ്ങൾ ഉണ്ടോയെന്ന് നോക്കാനുള്ള തിരച്ചിൽ വെള്ളിയാഴ്ചയും നടക്കും.

വ​യ​നാ​ട് മേ​പ്പാ​ടി പ​ഞ്ചാ​യ​ത്തി​ലെ മു​ണ്ട​ക്കൈ​യി​ലും ചൂ​ര​ൽ​മ​ല​യി​ലു​മു​ണ്ടാ​യ ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ മ​രി​ച്ച​വ​രു​ടെ എ​ണ്ണം 300 ക​ട​ന്നു. എ​ന്നാ​ൽ, 189 പേ​ർ മ​രി​ച്ചു​വെ​ന്നാ​ണ് ഔ​ദ്യോ​ഗി​ക ക​ണ​ക്ക്. ഇ​തി​ൽ 85 പു​രു​ഷ​ന്മാ​രും 76 സ്ത്രീ​ക​ളു​മാ​ണ്. 107 മൃ​ത​ദേ​ഹ​ങ്ങ​ളാ​ണ് തി​രി​ച്ച​റി​ഞ്ഞ​ത്. 100 മൃ​ത​ദേ​ഹ അ​വ​ശി​ഷ്ട​ങ്ങ​ൾ ക​ണ്ടു​കി​ട്ടി. 225 പേ​ർ ആ​ശു​പ​ത്രി​ക​ളി​ൽ ചി​കി​ത്സ​യി​ലു​ണ്ട്.

ഉ​രു​ൾ​പൊ​ട്ട​ൽ ഉ​ണ്ടാ​യ​ശേ​ഷം മൂ​ന്നു ദി​വ​സ​ങ്ങ​ളി​ലാ​യി ന​ട​ത്തി​യ ര​ക്ഷാ​പ്ര​വ​ർ​ത്ത​ന​ങ്ങ​ളി​ൽ ജീ​വ​നോ​ടെ​യു​ള്ള എ​ല്ലാ​വ​രെ​യും ര​ക്ഷ​പ്പെ​ടു​ത്താ​ൻ ക​ഴി​ഞ്ഞ​താ​യി ഉ​ന്ന​ത​ത​ല യോ​ഗം വി​ല​യി​രു​ത്തി. മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ അ​ധ്യ​ക്ഷ​ത​യി​ലാ​ണ് യോ​ഗം ചേ​ർ​ന്ന​ത്.

മു​ണ്ട​ക്കൈ, അ​ട്ട​മ​ല ഭാ​ഗ​ങ്ങ​ളി​ൽ ഇ​നി ആ​രും ജീ​വ​നോ​ടെ കു​ടു​ങ്ങി​ക്കി​ട​ക്കാ​നു​ള്ള സാ​ധ്യ​ത​യി​ല്ലെ​ന്ന് കേ​ര​ള -ക​ർ​ണാ​ട​ക സ​ബ് ഏ​രി​യ ജ​ന​റ​ൽ ഓ​ഫി​സ​ർ ക​മാ​ൻ​ഡി​ങ് (ജി.​ഒ.​സി) മേ​ജ​ർ ജ​ന​റ​ൽ വി.​ടി. മാ​ത്യു യോ​ഗ​ത്തെ അ​റി​യി​ച്ചു. ഒ​റ്റ​പ്പെ​ട്ട ആ​രെ​ങ്കി​ലും കു​ടു​ങ്ങി​ക്കി​ട​ക്കു​ന്നു​ണ്ടോ എ​ന്ന് പ​രി​ശോ​ധി​ക്കു​ന്നു​ണ്ട്. വീ​ടു​ക​ൾ ഉ​ൾ​പ്പെ​ടെ 348 കെ​ട്ടി​ട​ങ്ങ​ളെ​യാ​ണ് ഉ​രു​ൾ​പൊ​ട്ട​ൽ ബാ​ധി​ച്ച​തെ​ന്ന് ലാ​ൻ​ഡ് റ​വ​ന്യൂ ക​മീ​ഷ​ണ​ർ ഡോ. ​എ. കൗ​ശി​ഗ​ൻ അ​റി​യി​ച്ചു.