ക​രി​ഞ്ചോ​ല​യി​ൽ തിരച്ചിലിന് റഡാര്‍ സംവിധാനവും 

ക​ട്ടി​പ്പാ​റ(കോ​ഴി​ക്കോ​ട്): ക​രി​ഞ്ചോ​ല​യി​ലെ ദു​ര​ന്ത​ത്തി​ല്‍ ബാ​ക്കി​യു​ള്ള മൃ​ത​ദേ​ഹ​ങ്ങ​ള്‍ ക​െ​ണ്ട​ത്താ​നാ​യി ഡ​ല്‍ഹി​യി​ല്‍നി​ന്നു​ള്ള സം​ഘം എ​ത്തി. ഗ്രൗ​ണ്ട് പെ​ന​ട്രേ​റ്റി​ങ് റ​ഡാ​ര്‍ ഉ​പ​യോ​ഗി​ച്ച് തി​ര​ച്ചി​ല്‍ ന​ട​ത്താ​നാ​ണ് പാ​ര്‍സ​ന്‍ ഓ​വ​ര്‍സീ​സ് എ​ന്ന സ്വ​കാ​ര്യ ക​മ്പ​നി​യി​ലെ ജി​യോ​ഫി​സി​ക്ക​ല്‍ സ​ര്‍വേ സം​ഘം എ​ത്തി​യ​ത്. മ​ണ്ണി​ന​ടി​യി​ല്‍ 30 മീ​റ്റ​ര്‍ വ​രെ ആ​ഴ​ത്തി​ലു​ള്ള വ​സ്തു​ക്ക​ളെ ഇ​ത്ത​രം റ​ഡാ​റി​ലൂ​ടെ കാ​ണാ​ന്‍ ക​ഴി​യും. ആ​ര്‍.​എ​സ്. ര​ഞ്ജി​ത്ത്, എം.​ജെ. ദ്വി​വേ​ദി എ​ന്നി​വ​രാ​ണ് സം​ഘ​ത്തി​ലു​ണ്ടാ​യി​രു​ന്ന​ത്.

ഭൂ​മി​ക്ക​ടി​യി​ല്‍ സ​ര്‍വേ ന​ട​ത്തു​ന്ന ഇൗ ​ക​മ്പ​നി യു​ദ്ധം ത​ക​ര്‍ത്ത അ​ഫ്ഗാ​നി​സ്​​താ​നി​ല​ട​ക്കം ജി​യോ ഫി​സി​ക്ക​ല്‍ സ​ര്‍വേ ന​ട​ത്തി​യി​ട്ടു​ണ്ട്. മ​ണ്ണി​ടി​ച്ചി​ലു​​ണ്ടാ​കു​മ്പോ​ള്‍ ക​മ്പ​നി​യെ​യാ​ണ് അ​ധി​കൃ​ത​ര്‍ ആ​ശ്ര​യി​ക്കു​ന്ന​ത്. ഡ​ല്‍ഹി​യി​ല്‍നി​ന്ന് രാ​വി​ലെ വി​മാ​ന​ത്തി​ല്‍ ക​രി​പ്പൂ​രി​​ലെ​ത്തി​യ ര​ണ്ടം​ഗ സം​ഘം ക​രി​ഞ്ചോ​ല​യി​ല്‍ ഉ​ച്ച​ക്ക് 12 മ​ണി​ക്കാ​ണ് എ​ത്തി​യ​ത്. 12.15 മു​ത​ൽ ഇ​വ​ര്‍ പ്ര​ദേ​ശം അ​രി​ച്ചു​പെ​റു​ക്കി. അ​ബ്​​ദു​റ​ഹ്​​മാ​​െൻറ ഭാ​ര്യ​യു​ടെ ശ​രീ​രം തേ​ടി അ​വ​രു​ടെ വീ​ട് നി​ന്ന ഭാ​ഗ​ത്തും സ​മീ​പ​ത്തു​മാ​ണ് ആ​ദ്യം റ​ഡാ​ര്‍ സ്കാ​നി​ങ് പ​രി​ശോ​ധ​ന ന​ട​ത്തി​യ​ത്. ഇ​വ​ര്‍ പ​രി​ശോ​ധ​ന തു​ട​ങ്ങി​യ​തോ​ടെ മു​ക​ള്‍ഭാ​ഗ​ത്ത് മ​റ്റു​ള്ള​വ​രു​ടെ തി​ര​ച്ചി​ല്‍ നി​ര്‍ത്തി​യി​രു​ന്നു. 

താ​ഴേ ഭാ​ഗ​ത്തു​ള്ള പ​രി​ശോ​ധ​ന​യി​ല്‍ ഡോ​ഗ് സ്ക്വാ​ഡി​ലെ നാ​യ്​​ക്ക​ളു​ണ്ടാ​യി​രു​ന്നു. താ​ഴേ ഭാ​ഗ​ത്തു വെ​ച്ചാ​ണ്​ ക​രി​ഞ്ചോ​ല ഹ​സ​​​െൻറ ഭാ​ര്യ ആ​സ്യ​യു​ടെ മൃ​ത​ദേ​ഹം ല​ഭി​ച്ച​ത്. ഇ​നി കണ്ടെത്താനുള്ള സൈ​ന​ബ​യു​ള്ള ഭാ​ഗം ഏ​ക​ദേ​ശം മ​ന​സ്സി​ലാ​യി​ട്ടു​ണ്ട്. തി​ങ്ക​ളാ​ഴ്ച രാ​വി​ലെ​ത്ത​ന്നെ ഇ​ത് ക​ണ്ടെ​ത്താ​നാ​ണ് ശ്ര​മം. ഞാ​യ​റാ​ഴ്ച രാ​വി​ലെ മ​ഴ തി​മി​ര്‍ത്തു പെ​യ്ത​ത് തി​ര​ച്ചി​ലി​നെ ബാ​ധി​ച്ചി​രു​ന്നു. പി​ന്നീ​ട് കു​റ​ഞ്ഞ മ​ഴ 11.15ഓ​ടെ ശ​ക്തി പ്രാ​പി​ച്ചു. ഉ​രു​ള്‍പൊ​ട്ടി​യ വ​ഴി​യി​ലൂ​ടെ മ​ല​വെ​ള്ളം ശ​ക്തി​യാ​യി ഒ​ലി​ച്ചി​റ​ങ്ങി​യ​ത് ഭീ​തി​യു​ള​വാ​ക്കി. ഇ​തോ​ടെ എ​ല്ലാ​വ​രോ​ടും ക​ര​ക്ക് ക​യ​റാ​ന്‍ നി​ര്‍ദേ​ശി​ച്ചു. അ​ര മ​ണി​ക്കൂ​റി​നു ശേ​ഷം മ​ഴ അ​ട​ങ്ങി​യ​തോ​ടെ പു​ന​രാ​രം​ഭി​ച്ച തി​ര​ച്ചി​ല്‍ ഇ​രു​ട്ടു​വീ​ഴു​ന്ന​തു വ​രെ തു​ട​ര്‍ന്നു.

നഷ്​ടപരിഹാര പാക്കേജ് കാബിനറ്റ് തീരുമാനിക്കും 
ക​ട്ടി​പ്പാ​റ​: ക​ട്ടി​പ്പാ​റ​യി​ലെ ഉ​രു​ൾ​പൊ​ട്ട​ൽ ദു​ര​ന്ത ബാ​ധി​ത​ർ​ക്കു​ള്ള ന​ഷ്​​ട​പ​രി​ഹാ​ര പാ​ക്കേ​ജ് കാ​ബി​ന​റ്റ് ച​ർ​ച്ച ചെ​യ്ത് തീ​രു​മാ​നി​ക്കു​മെ​ന്ന് റ​വ​ന്യൂ വ​കു​പ്പ് മ​ന്ത്രി ഇ. ​ച​ന്ദ്ര​ശേ​ഖ​ര​ൻ. ക​ട്ടി​പ്പാ​റ​യി​ൽ ദു​ര​ന്ത​പ്ര​ദേ​ശ​മാ​യ ക​രി​ഞ്ചോ​ല​മ​ല സ​ന്ദ​ർ​ശി​ച്ച​ശേ​ഷം സം​സാ​രി​ക്കു​ക​യാ​യി​രു​ന്നു മ​ന്ത്രി. ദു​ര​ന്ത​ത്തെ കു​റി​ച്ചു​ള്ള പൂ​ർ​ണ ക​ണ​ക്കു​ക​ൾ ല​ഭി​ച്ച​ശേ​ഷം ന​ഷ്​​ട​പ​രി​ഹാ​രം തീ​രു​മാ​നി​ക്കും. പ​രി​സ്ഥി​തി​ലോ​ല മേ​ഖ​ല​യി​ലെ അ​ന​ധി​കൃ​ത നി​ർ​മാ​ണം ശ്ര​ദ്ധ​യി​ൽ​പെ​ട്ടാ​ൽ ന​ട​പ​ടി സ്വീ​ക​രി​ക്കു​മെ​ന്നും മ​ന്ത്രി പ​റ​ഞ്ഞു.

ഇന്‍ക്വസ്​റ്റ്​ നടപടികള്‍ അരികില്‍ തന്നെ 
ക​ട്ടി​പ്പാ​റ: ക​രി​ഞ്ചോ​ല ഉ​രു​ള്‍പൊ​ട്ട​ല്‍ ദു​ര​ന്ത​ത്തി​ല്‍ മ​രി​ച്ച​വ​രു​ടെ ഇ​ന്‍ക്വ​സ്​​റ്റ്​ ന​ട​പ​ടി​ക​ള്‍ വേ​ഗ​ത്തി​ലാ​ക്കു​ന്ന​ത് താ​മ​ര​ശ്ശേ​രി പൊ​ലീ​സ് സ്​​റ്റേ​ഷ​നി​ല്‍നി​ന്നു​ള്ള സം​ഘം. ആ​ദ്യം കി​ട്ടി​യ നാ​ല് മൃ​ത​ദേ​ഹ​ങ്ങ​ള്‍ ഒ​ഴി​കെ​യു​ള്ള മൃ​ത​ദേ​ഹ​ങ്ങ​ള്‍ ഇ​ന്‍ക്വ​സ്​​റ്റ്​ ന​ട​ത്തി​യ​ത് ദു​ര​ന്ത​സ്ഥ​ല​ത്തു​ള്ള വീ​ടി​ന​രി​കി​ലാ​ണ്. പോ​സ്​​റ്റ്​​മോ​ര്‍ട്ടം ന​ട​ത്താ​തെ ബ​ന്ധു​ക്ക​ള്‍ക്ക് വി​ട്ടു​കൊ​ടു​ക്കാ​ന്‍ ജി​ല്ല ക​ല​ക്ട​റു​ടെ നി​ര്‍ദേ​ശ​മു​ണ്ടാ​യി​രു​ന്നു.താ​മ​ര​ശ്ശേ​രി സി.​ഐ ടി.​എ. അ​ഗ​സ്​​റ്റി​​​െൻറ മേ​ല്‍നോ​ട്ട​ത്തി​ലാ​ണ് വ​നി​ത പൊ​ലീ​സ​ട​ങ്ങി​യ സം​ഘം ക​ര്‍മ​നി​ര​ത​രാ​വു​ന്ന​ത്.