ലാവലിൻ കേസ് വീണ്ടും മാറ്റി; സുപ്രീംകോടതിക്ക് അതൃപ്തി

ന്യൂഡൽഹി: എസ്.എൻ.സി ലാവലിൻ കേസ് വീണ്ടും മാറ്റി. ജസ്റ്റിസ് യു യു ലളിത് അദ്ധ്യക്ഷനായ മൂന്നംഗ ബെഞ്ചിലാണ് കേസ് പരിഗണിച്ചത്. മാറ്റിവെക്കണമെന്ന സി.ബി.ഐ അപേക്ഷയെ തുടർന്നാണ് കേസ് മാറ്റിയത്. തുടര്‍ച്ചയായി കേസ് മാറ്റുന്നതില്‍ സുപ്രീം കോടതി അതൃപ്തി അറിയിച്ചു. കേസ് ജനുവരി 7 പരിഗണിക്കും.

2017 ആഗസ്റ്റ് 23 ന് മുഖ്യമന്ത്രി പിണറായി വിജയന്‍, മുന്‍ ഊര്‍ജ്ജസെക്രട്ടറി കെ. മോഹനചന്ദ്രന്‍, ജോയിന്‍റ് സെക്രട്ടറി എ. ഫ്രാന്‍സിസ് എന്നിവരെ കുറ്റവിമുക്തരാക്കിയ ഹൈകോടതി വിധി ചോദ്യം ചെയ്താണ് സി.ബി.ഐ സുപ്രീംകോടതിയെ സമീപിച്ചത്.

ഉദ്യോഗസ്ഥരായിരുന്ന കസ്തൂരി രംഗ അയ്യര്‍, ആര്‍. ശിവദാസന്‍, കെ.ജി രാജശേഖരന്‍ എന്നിവര്‍ വിചാരണ നേരിടണമെന്നും ഹൈകോടതി വിധിച്ചിരുന്നു അതിനെതിരെ ഈ ഉദ്യോഗസ്ഥര്‍ നല്‍കിയ ഹര്‍ജിയും സുപ്രീംകോടതിക്ക് മുന്നിലുണ്ട്.