ലോ അക്കാദമി: ഉപസമിതിയുടെ റിപ്പോർട്ട് സിൻഡിക്കേറ്റ്​ അംഗീകരിച്ചു

തിരുവനന്തപുരം: ലോ അക്കാദമിയിലെ പ്രശ്​നങ്ങളിൽ  കേരള സർവകലാശാല സിൻഡിക്കേറ്റ്​ ഉപസമിതിയുടെ റിപ്പോർട്ട് സിൻഡിക്കേറ്റ്​ ഏകകണ്​ഠമായി അംഗീകരിച്ചു.  ലോ അക്കാദമിയിലെ പ്രശ്​നങ്ങളെക്കുറിച്ച്​  ​വിദ്യാർഥികൾ ഉന്നയിച്ച ആരോപണങ്ങൾ ശരിയാണെന്നും പ്രിൻസിപ്പൽ ലക്ഷ്​മി നായർ സ്വജനപക്ഷപാതവും ക്രമക്കേടും നടത്തിയതായും സിൻഡിക്കേറ്റ്​ ഉപസമിതി കണ്ടെത്തിയിരുന്നു.  നടപടിക​െളക്കുറിച്ച്​ ചർച്ച ചെയ്യാൻ ചേർന്ന സിൻഡിക്കേറ്റ്​ യോഗത്തിൽ ലക്ഷ്​മി നായരെ അഞ്ചു വർഷത്തേക്ക്​ ഡീബാർ ചെയ്യണമെന്ന്​ ഉപസമിതി കർവീനർ ആവശ്യപ്പെട്ടതായാണ്​ വിവരം.  പരീക്ഷാ ചുമതലകളിൽ നിന്ന്​ മാറ്റി നിർത്തണമെന്നും മാനേജ്​​െമൻറിനോട്​ സർവകലാശാല ഇക്കാര്യം ആവശ്യപ്പെടണമെന്നും ഉപസമിതി കൺവീനർ പറഞ്ഞു.

അതേസമയം, ഉപസമിതി മാനേജ്മ​െൻറി​​െൻറ ഭാഗം കേട്ടില്ലെന്നും അതിനാൽ തീരുമാനം കോടതിയിൽ ചോദ്യം ചെയ്യപ്പെട്ടേക്കാമെന്നും സർവകലാശാല വൈസ്​ചാൻസലർ അറിയിച്ചു. ഉപസമിതി നടപടിക്ക്​ ശിപാർശ ചെയ്​തിട്ടില്ലെന്നും വി.സി അറിയിച്ചു. ലോ അക്കാദമിയുടെ അഫിലിയേഷൻ രേഖകൾ സർവകലാശാലയിൽ ഇല്ലെന്നും വി.സി  പറഞ്ഞു. രേഖകൾ കാണാതായത് അന്വേഷിക്കണമെന്ന് സി.പി.ഐ അംഗം ആർ. ലതാദേവി ആവശ്യപ്പെട്ടു.

അതിനിടെ ലോ അക്കാദമിക്കും പ്രിൻസിപ്പൽ ലക്ഷ്​മി നായർക്കുമെതിരെ ഉപസമിതി റിപ്പോർട്ടിൽ നടപടി ശിപാർശ ചെയ്യാതിരിക്കാൻ  സി.പി.എം അംഗം സമ്മർദം ചെലുത്തിയെന്ന് എ.ഐ.വൈ.എഫ് ആരോപിച്ചു.