എല്‍.ഡി.എഫ് സ്ഥാനാര്‍ഥി പി. പ്രസാദിന് ചേർത്തലയിൽ വരവേല്‍പ്
text_fields
ചേര്‍ത്തലയിലെത്തിയ പി. പ്രസാദിന് നല്കിയ സ്വീകരണം
ചേര്‍ത്തല: എല്‍.ഡി.എഫ് സ്ഥാനാര്‍ഥി പ്രഖ്യാപനത്തിനുശേഷം ചേര്‍ത്തലയിലെത്തിയ പി. പ്രസാദിന് വരവേല്‍പ് നല്‍കി. ചൊവ്വാഴ്ച 7.30ഓടെയാണ് പ്രസാദ് ചേര്‍ത്തലയിലെത്തിയത്.
സി.പി.ഐ മണ്ഡലം കമ്മിറ്റി ഓഫിസില്‍ എല്‍.ഡി.എഫ് പ്രവര്‍ത്തകര്‍ സ്വീകരണം നല്‍കി. പി. തിലോത്തമന്‍ മണ്ഡലത്തില്‍ നടപ്പാക്കിയ സമാനതകളില്ലാത്ത വികസനത്തിെൻറ തുടര്‍ച്ചയാണ് ലക്ഷ്യമിടുന്നതെന്ന് അദ്ദേഹം പറഞ്ഞു.
ചെയ്യാവുന്നതുമാത്രം പറയുകയും പറയുന്നതെല്ലാം ചെയ്യുകയും ചെയ്ത എല്‍.ഡി.എഫിെൻറ വികസന തുടര്‍ച്ച ജനങ്ങള്‍ ഉറപ്പിച്ചിരിക്കുകയാണ്. ആ ഉറപ്പിലാണ് ചേര്‍ത്തലയില്‍ പ്രവര്‍ത്തനം തുടങ്ങുന്നതെന്നും അദ്ദേഹം പറഞ്ഞു.
സി.പി.ഐ ജില്ല സെക്രട്ടറി ടി.ജെ. ആഞ്ചലോസ്, സി.പി.എം ജില്ല സെക്രട്ടേറിയറ്റ് അംഗം ജി. വേണുഗോപാല്‍, എല്‍.ഡി.എഫ് നേതാക്കളായ ടെന്‍സൺ, രഘുനാഥന്‍ നായര്‍, ടോമി എബ്രഹാം, സി.ഇ. അഗസ്റ്റിന്‍, എന്‍.എസ്. ശിവപ്രസാദ്, ടി.ടി. ജിസ്‌മോന്‍, ജി. കൃഷ്ണപ്രസാദ്, എം.സി. സിദ്ധാര്‍ഥന്‍, ഡി. പ്രകാശന്‍ തുടങ്ങിയവര്‍ സ്വീകരിക്കാനെത്തിയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
