കമ്യൂണിസ്​റ്റ്​ മുഖ്യമന്ത്രിക്ക്​ സമരങ്ങളോട്​ അലർജിയെന്ന്​ ചെന്നിത്തല

കണ്ണൂർ: കേരളത്തിലെ ഇടതുപക്ഷ സർക്കാറിന്​ സമരങ്ങളോട്​ തികഞ്ഞ അവഗണനയെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. മുക്കത്തെ ഗെയിൽ സമരത്തിനെതിരായി പൊലീസ്​ നടത്തിയ അതിക്രമങ്ങളെ വിമർശിച്ച്​ സംസാരിക്കുകയായിരുന്നു രമേശ്​ ചെന്നിത്തല. ഇടതുമുന്നണിക്ക്​ ജനകീയ സമരത്തോട്​ അലർജിയാ​െണന്നും കമ്മ്യൂണിസ്​റ്റ്​ മുഖ്യമന്ത്രി സമരത്തെ എതിർക്കുന്നത്​ ദൗർഭാഗ്യകരമാണെന്നും ചെന്നിത്തല പറഞ്ഞു. പ്രശ്​നത്തിൽ പ്രദേശവാസികളോട്​ സംസാരിച്ച്​ പരിഹാരം കാണണമെന്നും ചെന്നിത്തല ആവശ്യപ്പെട്ടു. കണ്ണൂർ പ്രസ് ക്ലബിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. 

സ്വാശ്രയ വിദ്യാഭ്യാസ മേഖല എൽ.ഡി.എഫ്​ സർക്കാർ കച്ചവടക്കാർക്ക്​ തീറെഴുതിക്കൊടുത്തിരിക്കുകയാണ്​. പാവ​െപ്പട്ടവർക്ക്​ വിദ്യാഭ്യാസം അന്യമാക്കിയത്​ സർക്കാറി​​​​​​െൻറ തെറ്റായ നടപടിയാണ്​. 

സ്വാശ്രയമാനേജ്​മ​​​​​െൻറുകളുമായി സംസാരിക്കാനുള്ള സർക്കാറി​​​​​​െൻറ അധികാരം കോടതി റദ്ദാക്കിയിരിക്കുന്നു. ഇനി സർക്കാർ വിളിച്ചാൽ മാനേജ്​മ​​​​​െൻറുകൾ വരേണ്ടതില്ല. കോടതിയുടെ ഇൗ നടപടിക്കെതിരെ ഉടൻ അപ്പീൽ പോകണം. ഇൗയിടെയായി സർക്കാറി​​​​​​െൻറ കേസുകളെല്ലാം കോടതിയിൽ പരാജയ​െപ്പടുകയാണ്​. സർക്കാർ മാനേജ്​മ​​​​​െൻറുകളുമായി ഒത്തുകളിക്കുകയാെണന്നും ചെന്നിത്തല ആരോപിച്ചു.