വേങ്ങരയിൽ ലീഗിന്​ കനത്ത പ്രഹരം നൽകും -കോടിയേരി

മലപ്പുറം: വേങ്ങര ഉപ​തെരഞ്ഞെടുപ്പ് സംസ്​ഥാന ഭരണത്തി​​​െൻറ വിലയിരുത്തലാകില്ലെന്ന്​ സി.പി.എം സംസ്ഥാന സെ​ക്രട്ടറി കോടിയേരി ബാലകൃഷ്​ണൻ. മാധ്യമങ്ങളുമായി സംസാരിക്കുകയായിരുന്നു അദ്ദേഹം. ഒരു നിയോജക മണ്ഡലത്തിലെ ഉപതെരഞ്ഞെടുപ്പ്​ സംസ്ഥാനഭരണ വിലയിരുത്തലാകില്ല. വേങ്ങര ഉപതെരഞ്ഞെടുപ്പിലൂടെ കേരള രാഷ്​ട്രീയത്തിൽ ഒരു മാറ്റവുമുണ്ടാവില്ല. തദ്ദേശസ്ഥാപനങ്ങളിലേക്കുള്ള ഉപ​​െത​രഞ്ഞെടുപ്പുകളിൽ ഇടതുമുന്നണി വൻ മുന്നേറ്റം നടത്തുന്നുണ്ട്​. ഇത്​ സംസ്ഥാന ഭരണത്തിനുള്ള അംഗീകാരമാണ്​.

വേങ്ങരയിലേത്​ ശക്​തമായ രാഷ്​ട്രീയ​ പോരാട്ടമാകും. മലപ്പുറം ലോക്​സഭ ഉപതെരഞ്ഞെടുപ്പിൽ ഒരു ലക്ഷം വോട്ടി​​െൻറ വർധനയാണ്​ എൽ.ഡി.എഫിനുണ്ടായത്​. വേങ്ങരയിലും മുന്നേറ്റം ആവർത്തിക്കും. ലീഗിന്​ കനത്ത പ്രഹരം നൽകും. മതനിരപേക്ഷതക്കും വികസനത്തിനും ഒരു വോട്ട്​ തേടിയാകും വോട്ടർമാരെ സമീപിക്കുകയെന്നും കോടിയേരി പറഞ്ഞു.