ശ്രീറാം വെങ്കിട്ടരാമനെ ക​ല​ക്ട​റാ​ക്കിയതിനെതിരെ എൽ.ഡി.എഫ് ഘടകകക്ഷി നേതാവ്

കോഴിക്കോട്: ശ്രീ​റാം വെ​ങ്കി​ട്ട​രാ​മ​നെ ആ​ല​പ്പു​ഴ ക​ല​ക്ട​റാ​യി മാറ്റി നി​യ​മി​ച്ചതിനെതിരെ രൂക്ഷ വിമർശനവുമായി എൽ.ഡി.എഫ് ഘടകകക്ഷി നേതാവ്. ശ്രീ​റാം ഓടിച്ച വാഹനമിടിച്ച് കൊല്ലപ്പെട്ട കെ.എം. ബഷീറിന്‍റെ കുടുംബത്തോട് പരസ്യമായി മാപ്പു പറയാൻ പോലും അഹങ്കാരം അനുവദിക്കാത്ത ആളെ ജില്ലാ കലക്ടറാക്കിയെന്ന വാർത്ത വേദനിപ്പിക്കുന്നുവെന്ന് എൽ.ജെ.ഡി ജനറൽ സെക്രട്ടറി സലിം മടവൂർ ഫേസ്ബുക്കിൽ കുറിച്ചു.

സലിം മടവൂരിന്‍റെ ഫേസ്ബുക്ക് പോസ്റ്റ്

"അറേബ്യയിലെ മുഴുവൻ സുഗന്ധദ്രവ്യങ്ങളും ഉപയോഗിച്ചാലും ഈ കൈകൾ മധുരതരമാകില്ല" (ലേഡി മാക്ബത്ത്). ശ്രീറാം വെങ്കട്ടറാമിന് കൊടുക്കാൻ പറ്റിയ കസേരകൾ കേരളത്തിൽ വേറെ ധാരാളമുണ്ട്. ചുരുങ്ങിയത് ബഷീറിന്‍റെ കുടുംബത്തോട് പരസ്യമായി മാപ്പു പറയാൻ പോലും അഹങ്കാരം അനുവദിക്കാത്ത ഇവനെ ജില്ലാ കലക്ടറാക്കിയെന്ന വാർത്ത വേദനിപ്പിക്കുന്നു.

നിലവിൽ ആ​രോ​ഗ്യ​ വ​കു​പ്പ്​ ജോ​യ​ന്‍റ്​ സെ​ക്ര​ട്ട​റിയായിരുന്ന ശ്രീ​റാം വെ​ങ്കി​ട്ട​രാ​മ​നെയാണ് ആലപ്പുഴ ജില്ലാ കലക്ടറായി സംസ്ഥാന സർക്കാർ മാറ്റി നിയമിച്ചത്. ശ്രീ​റാമിനെ ക​ല​ക്ട​റാ​യി നി​യ​മി​ച്ചതിനെതിരെ രൂക്ഷ വിമർശനവുമായി മുസ് ലിം ലീഗ് നേതാവും മുൻ മന്ത്രിയുമായ പി.കെ. അബ്ദുറബ്ബ് രംഗത്തെത്തിയിരുന്നു. ശ്രീ​റാമിനെ മാറ്റി നിയമിച്ചതിനെ 'എന്തൊരു ശിക്ഷ!' എന്നാണ് അബ്ദുറബ്ബ് ഫേസ്ബുക്കിൽ കുറിച്ചത്.

മാധ്യമപ്രവർത്തകൻ കെ.എം. ബഷീറിനെ കാറിടിച്ച് കൊന്നക്കേസിലെ പ്രതിയാണ് ശ്രീ​റാം വെ​ങ്കി​ട്ട​രാ​മ​ൻ.