കോൺഗ്രസിൽ നേതൃമാറ്റ ചർച്ച; ഐ​ക്യ​നീ​ക്ക​ത്തി​ൽ ക​ല്ലു​ക​ടി

തി​രു​വ​ന​ന്ത​പു​രം: സം​സ്ഥാ​ന കോ​ൺ​ഗ്ര​സി​ൽ നേ​തൃ​മാ​റ്റ ച​ർ​ച്ച​ക്ക്​ തു​ട​ക്ക​മി​ട്ട്​ ദേ​ശീ​യ ​നേ​തൃ​ത്വം. എ.​ഐ.​സി.​സി ജ​ന.​സെ​ക്ര​ട്ട​റി ദീ​പാ​ദാ​സ്​ മു​ൻ​ഷി സം​സ്ഥാ​ന നേ​താ​ക്ക​ളു​മാ​യി വെ​​​വ്വേ​റെ കൂ​ടി​ക്കാ​ഴ്ച ന​ട​ത്തി. പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ, ര​മേ​ശ്​ ചെ​ന്നി​ത്ത​ല, ബെ​ന്നി ബ​ഹ്​​നാ​ൻ എം.​പി, വി.​എ​സ്.​ ശി​വ​കു​മാ​ർ, അ​ഡ്വ. സ​ണ്ണി ജോ​സ​ഫ്, എ​ൻ. സു​ബ്ര​ഹ്മ​ണ്യ​ൻ തു​ട​ങ്ങി​യ​വ​രെ​യാ​ണ്​ അവർ ക​ണ്ട​ത്. ചൊ​വ്വാ​ഴ്ച​ അ​വ​ർ കൂ​ടു​ത​ൽ നേ​താ​ക്ക​ളു​മാ​യി കൂ​ടി​ക്കാ​ഴ്ച ന​ട​ത്തും.

കെ. ​സു​ധാ​ക​ര​ൻ കെ.​പി.​സി.​സി പ്ര​സി​ഡ​ന്‍റാ​യി ത​ദ്ദേ​ശ, നി​യ​മ​സ​ഭ തെ​ര​​ഞ്ഞെ​ടു​പ്പു​ക​ളി​ലേ​ക്ക്​ പോ​കാ​ൻ ക​ഴി​യു​മോ, വി.​ഡി. സ​തീ​ശ​ന്‍റെ നേ​തൃ​ത്വ​ത്തി​ൽ പ്ര​തി​പ​ക്ഷ​ പ്ര​വ​ർ​ത്ത​നം തൃ​പ്തി​ക​ര​മോ എ​ന്നി​വ​യാ​ണ്​ ദീ​പാ​ദാ​സ്​ മു​ൻ​ഷി ആ​രാ​ഞ്ഞ​ത്. നീ​ണ്ട ഇ​ട​വേ​ള​ക്കു​ശേ​ഷം ​ഞാ​യ​റാ​ഴ്ച ന​ട​ന്ന കോ​ൺ​ഗ്ര​സ്​ രാ​ഷ്ട്രീ​യ​കാ​ര്യ സ​മി​തി​യി​ലെ ച​ർ​ച്ച​ക​ളു​ടെ പ​ശ്ചാ​ത്ത​ല​ത്തി​ലാ​ണ്​ ​ഇ​ട​പെ​ട​ൽ. പ്ര​തി​പ​ക്ഷ നേ​താ​വും കെ.​പി.​സി.​സി പ്ര​സി​ഡ​ന്‍റും ത​മ്മി​ലു​ള്ള ഭി​ന്ന​ത പു​റ​ത്തു​വ​രു​ന്ന​തും മു​ഖ്യ​മ​ന്ത്രി സ്ഥാ​നാ​ർ​ഥി​യാ​കാ​നു​ള്ള ക​രു​നീ​ക്ക​ങ്ങ​ളും പാ​ർ​ട്ടി​യു​ടെ സാ​ധ്യ​ത​ക​ളെ ന​ശി​പ്പി​ക്കു​ന്ന​താ​ണെ​ന്ന്​ മു​തി​ർ​ന്ന നേ​താ​ക്ക​ള​ട​ക്കം അ​ഭി​പ്രാ​യ​പ്പെ​ട്ടി​രു​ന്നു.

കെ.​പി.​സി.​സി​യു​ടെ​യും പ്ര​തി​പ​ക്ഷ​ത്തി​ന്‍റെ​യും പ്ര​വ​ർ​ത്ത​ന​ങ്ങ​ളി​ൽ പൊ​തു​ജ​ന​ങ്ങ​ളി​ൽ​നി​ന്ന്​ ല​ഭി​ച്ച മോ​ശം അ​ഭി​പ്രാ​യ​ങ്ങ​ൾ യോ​ഗ​ത്തി​ൽ പ​ങ്കു​വെ​ച്ച ദീ​പാ​ദാ​സ്​ മു​ൻ​ഷി, യോ​ജി​ച്ച്​ മു​ന്നോ​ട്ടു​പോ​കാ​ൻ നി​ർ​ദേ​ശം ന​ൽ​കി​യി​രു​ന്നു. ഐ​ക്യ​മി​ല്ലാ​ത്ത സം​വി​ധാ​ന​ത്തി​നൊ​പ്പം നി​ൽ​ക്കാ​ൻ താ​ൽ​പ​ര്യ​മി​ല്ലെ​ന്നും പ​ദ​വി ഒ​ഴി​യാ​ൻ ത​യാ​റാ​ണെ​ന്നും അ​വ​ർ രാ​ഷ്ട്രീ​യ​കാ​ര്യ​സ​മി​തി​യി​ൽ തു​റ​ന്ന​ടി​ച്ചി​രു​ന്നു. ഇ​ത​നു​സ​രി​ച്ച്​ ​തി​ങ്ക​ളാ​ഴ്ച കെ. ​സു​ധാ​ക​ര​നും വി.​ഡി. സ​തീ​ശ​നും സം​യു​ക്ത വാ​ർ​ത്ത സ​മ്മേ​ള​നം ന​ട​ത്തി ഐ​ക്യ​സ​​ന്ദേ​ശം ന​ൽ​കാ​ൻ ധാ​ര​ണ​യാ​യി. എ​ന്നാ​ൽ,​ യോ​ഗം പി​രി​ഞ്ഞ​തോ​ടെ ഐ​ക്യം വ​ഴി​മാ​റി. ഇ​രു​വ​രും ത​ല​സ്ഥാ​ന​ത്തു​ണ്ടാ​യി​ട്ടും വാ​ർ​ത്ത​സ​മ്മേ​ള​നം മാ​റ്റി.

നേ​തൃ​മാ​റ്റ ച​ർ​ച്ച​ക​ൾ കോ​ൺ​ഗ്ര​സി​ൽ പു​തി​യ അ​​ല​യൊ​ലി​ക​ൾ സൃ​ഷ്ടി​ക്കു​ന്നു​ണ്ട്. നേ​താ​ക്ക​ളു​മാ​യു​ള്ള വ്യ​ക്തി​ഗ​ത കൂ​ടി​ക്കാ​ഴ്ച​യി​ൽ ല​ഭി​ക്കു​ന്ന വി​വ​ര​ങ്ങ​ൾ ക്രോ​ഡീ​ക​രി​ച്ച്​ ദീ​പാ​ദാ​സ് മു​ൻ​ഷി ഹൈ​ക​മാ​ൻ​ഡി​ന് റി​പ്പോ​ർ​ട്ട് ന​ൽ​കും. നേ​തൃ​മാ​റ്റ​ത്തി​ൽ ഇ​ത് നി​ർ​ണാ​യ​ക​മാ​കു​മെ​ന്നാ​ണ് വി​വ​രം. ആ​രോ​ഗ്യ​പ്ര​ശ്ന​ങ്ങ​ൾ ക​ണ​ക്കി​ലെ​ടു​ത്ത്​ സു​ധാ​ക​ര​ൻ മാ​റ​ണ​മെ​ന്ന അ​ഭി​പ്രാ​യം പ​ല​രും മു​ന്നോ​ട്ടു​വെ​ക്കു​ന്നു​ണ്ട്. എ​ന്നാ​ൽ, സാ​മു​ദാ​യി​ക പ്രാ​തി​നി​ധ്യം പാ​ലി​ച്ച്​ പ​ക​രം ആ​രെ​ന്ന ചോ​ദ്യ​ത്തി​ന്​ നേ​താ​ക്ക​ൾ പ​ല​ത​ട്ടി​ലാ​ണ്. അ​താ​ണ്​ നേ​തൃ​മാ​റ്റ ച​ർ​ച്ച​ക​ളി​ൽ ഹൈ​ക​മാ​ൻ​ഡി​ന്​ മു​ന്നി​ലെ ​പ്ര​ധാ​ന വെ​ല്ലു​വി​ളി.