കുഞ്ഞാലിക്കുട്ടിയെ ഒറ്റപ്പെടുത്തിയെന്ന പ്രചാരണം അവാസ്​തവമെന്ന്​ ലീഗ്​; വാർത്ത നിഷേധിച്ച്​ നേതാക്കൾ

മലപ്പുറം: മുസ്​ലിം ലീഗ്​ യോഗത്തിൽ പി.കെ.കുഞ്ഞാലിക്കുട്ടി എം.എൽ.എയെ ഒറ്റപ്പെടുത്തിയെന്ന വാർത്തകൾ നിഷേധിച്ച്​ ലീഗ്​ നേതാക്കളായ കെ.പി.എ.മജീദ്​ എം.എൽ.എയും പി.എം.എ സലാമും. കഴിഞ്ഞ ദിവസം നടന്ന ലീഗ്​ യോഗത്തിൽ കുഞ്ഞാലിക്കുട്ടിയെ ഒറ്റപ്പെടുത്തിയെന്ന വാർത്ത അവാസ്​തവമാണെന്ന്​ കെ.പി.എ മജീദ്​ ​പ്രതികരിച്ചു. കുഞ്ഞാലിക്കുട്ടിക്കെതിരെ ചേരി തിരിഞ്ഞിട്ടില്ല. ലീഗ്​ യോഗത്തിൽ തർക്കങ്ങളുമുണ്ടായിട്ടില്ല. ഐകകണ്​ഠ്യ​നെയാണ്​ തീരുമാനങ്ങളെല്ലാം എടുത്തതെന്നും ലീഗ്​ നേതാക്കൾ മാധ്യമങ്ങളോട്​ വ്യക്​തമാക്കി.

മു​ഈ​ന​ലി വാ​ർ​ത്ത​സ​മ്മേ​ള​ന​ത്തി​ൽ ന​ട​ത്തി​യ പ​ര​സ്യ വി​മ​ർ​ശ​നം തെ​റ്റാ​യെ​ന്ന്​ എ​ല്ലാ​വ​രും സ​മ്മ​തി​ച്ചെ​ങ്കി​ലും ന​ട​പ​ടി​യെ​ടു​ക്കു​ന്ന​ത്​ കാ​ര്യ​ങ്ങ​ൾ കൂ​ടു​ത​ൽ വ​ഷ​ളാ​ക്കു​മെ​ന്ന്​ കു​ടും​ബം ബോ​ധ്യ​പ്പെ​ടു​ത്തി. വി​ഷ​യം കു​ടും​ബ പ്ര​ശ്​​ന​മാ​യി മാ​റു​ന്ന സാ​ഹ​ച​ര്യ​മു​ണ്ടാ​കു​ന്ന​തും ഹൈ​ദ​ര​ലി ത​ങ്ങ​ൾ രോ​ഗാ​വ​സ്ഥ​യി​ലാ​ണെ​ന്ന​തും ക​ണ​ക്കി​ലെ​ടു​ക്കേ​ണ്ട​തു​ണ്ടെ​ന്ന്​ നേ​താ​ക്ക​ൾ വി​ല​യി​രു​ത്തി.

യൂ​ത്ത്​ ലീ​ഗ്​ ദേ​ശീ​യ ഭാ​ര​വാ​ഹി​ക​ളെ​യും യോ​ഗ​ത്തി​​ലേ​ക്ക്​ ക്ഷ​ണി​ച്ച്​ അ​ഭി​പ്രാ​യം ആ​രാ​ഞ്ഞി​രു​ന്നു. വി​ഷ​യം ന​ട​ന്ന​ത്​ ലീ​ഗ്​ ആ​സ്ഥാ​ന​ത്താ​യ​തി​നാ​ലും ച​ന്ദ്രി​ക​യെ​ക്കു​റി​ച്ചാ​യ​തി​നാ​ലും ത​ങ്ങ​ൾ​ക്ക്​ പ്ര​ത്യേ​കി​ച്ച്​ അ​ഭി​പ്രാ​യ​​മി​ല്ലെ​ന്നും പാ​ർ​ട്ടി എ​ടു​ക്കു​ന്ന ഏ​തു​ തീ​രു​മാ​ന​വും അം​ഗീ​ക​രി​ക്കു​മെ​ന്നു​മാ​യി​രു​ന്നു അ​വ​ർ അ​റി​യി​ച്ച​ത്.

ഇ​തോ​ടെ ന​ട​പ​ടി, യോ​ഗ​ത്തി​ൽ വേ​ണ്ടെ​ന്ന നി​ല​പാ​ടി​ലേ​ക്ക്​ നേ​താ​ക്ക​ൾ എ​ത്തു​ക​യും അ​ധ്യ​ക്ഷ​നാ​യ പി​താ​വ്​ ഹൈ​ദ​ര​ലി ത​ങ്ങ​ൾ​ത​ന്നെ തീ​രു​മാ​ന​മെ​ടു​ക്ക​​ട്ടെ എ​ന്ന നി​ല​യി​ലേ​ക്ക്​ എ​ത്തു​ക​യും ചെ​യ്​​തു. താ​ൻ ക​ക്ഷി​യാ​യ പ്ര​ശ്​​ന​മാ​യ​തി​നാ​ൽ കു​ഞ്ഞാ​ലി​ക്കു​ട്ടി യോ​ഗ​ത്തി​ൽ പ്ര​ത്യേ​കി​ച്ച്​ അ​ഭി​പ്രാ​യ​മൊ​ന്നും പ​റ​ഞ്ഞി​ല്ലെ​ന്നായിരുന്നു റിപ്പോർട്ടുകൾ.

Also Read:പാണക്കാട്​ കുടുംബം എതിർത്തു; കുഞ്ഞാലിക്കുട്ടി ഒറ്റപ്പെട്ടു