പി. ​ജ​യ​ച​ന്ദ്ര​ന് സംഗീത ലോകത്തിന്റെ ആദരാഞ്ജലി; സംഗീത അക്കാദമി ഹാളിൽ പൊതുദർശനം തുടരുന്നു, സംസ്കാരം നാളെ

തൃ​ശൂ​ര്‍: മ​ല​യാ​ള​ത്തി​ന്റെ ഭാ​വ​ഗാ​യ​ക​ന്‍ പി. ​ജ​യ​ച​ന്ദ്രന് സംഗീതലോകത്തിന്റെ ആദരാഞ്ജലി. ഭൗതിക ശരീരം പൂങ്കുന്നത്തെ വീട്ടിൽ നിന്ന് 11 മണിയോടെ തൃശൂർ സംഗീത അക്കാദമി ഹാളിലെത്തിച്ചു. നിരവധി പേരാണ് ആക്കാദമി ഹാൾ പരിസരത്ത് ആദരാഞ്ജലി അർപ്പിക്കാനായി എത്തിച്ചേർന്നത്. പൊതുദർശനത്തിന് ശേഷം മൃതദേഹം പൂങ്കുന്നത്തെ വീട്ടിലേക്ക് തിരികെ കൊണ്ടുപോകും.

ശനിയാഴ്ച ഒമ്പത് മുതൽ 12 വരെ നോർത്ത് പറവൂർ ചേന്ദമംഗലം പാലിയം തറവാട്ടിൽ പൊതുദർശനം ഉണ്ടാകും. വൈകിട്ട് മൂന്നിന് പാലിയത്ത് തറവാട്ട് വീട്ടിലാണ് സംസ്‌കാര ചടങ്ങ്.

അ​ര്‍ബു​ദ​ബാ​ധി​ത​നാ​യി ഏ​റെ നാ​ളാ​യി ചി​കി​ത്സ​യി​ലാ​യി​രു​ന്ന മലയാളത്തിലെ പ്രിയ ഗായകൻ വ്യാ​ഴാ​ഴ്ച രാ​ത്രി 7.54നാ​ണ് ലോകത്തോട് വിടചൊല്ലിയത്.

ഗവർണർ, മുഖ്യമന്ത്രിയും മന്ത്രിമാരും, പ്രതിപക്ഷ നേതാവ്, സിനിമാ രംഗത്തെ പ്രമുഖർ, വിവിധ രാഷ്ട്രീയ നേതാക്കൾ ഉൾപ്പെടെയുള്ളവർ ജയചന്ദ്രന്റെ നിര്യാണത്തിൽ അനുശോചനം രേഖപ്പെടുത്തി. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലായി 16000 ലേറെ ഗാനങ്ങൾ പി. ജയചന്ദ്രൻ പാടിയിട്ടുണ്ട്. മികച്ച പിന്നണി ഗായകനുള്ള ദേശീയ ചലച്ചിത്ര പുരസ്കാരം ഒരു തവണയും സംസ്ഥാന ചലച്ചിത്ര പുരസ്കാരം അഞ്ചു തവണയും അദ്ദേഹത്തെ തേടിയെത്തി. കേരള സർക്കാരിന്റെ ജെസി ഡാനിയൽ പുരസ്കാരവും ലഭിച്ചു. തമിഴ്നാട് സർക്കാരിന്റെ കലൈമാമണി ബഹുമതി, നാലുവട്ടം തമിഴ്നാട് സംസ്ഥാന പുരസ്കാരം എന്നിവയും ലഭിച്ചു.

1944 മാ​ര്‍ച്ച് മൂ​ന്നി​ന് തൃ​പ്പൂ​ണി​ത്തു​റ കോ​വി​ല​ക​ത്തെ ര​വി​വ​ര്‍മ കൊ​ച്ച​നി​യ​ന്‍ ത​മ്പു​രാ​ന്റെ​യും ചേ​ന്ദ​മം​ഗ​ലം പാ​ലി​യം ത​റ​വാ​ട്ടി​ലെ സു​ഭ​ദ്ര​ക്കു​ഞ്ഞ​മ്മ​യു​ടെ​യും മൂ​ന്നാ​മ​ത്തെ മ​ക​നാ​യി എ​റ​ണാ​കു​ള​ത്താ​ണ് ജ​യ​ച​ന്ദ്ര​ന്‍ ജ​നി​ച്ച​ത്. പി​ന്നീ​ട് ഇ​രി​ങ്ങാ​ല​ക്കു​ട പാ​ലി​യ​ത്തേ​ക്ക് താ​മ​സം മാ​റി. ചേ​ന്ദ​മം​ഗ​ല​ത്തെ പാ​ലി​യം സ്‌​കൂ​ള്‍, ആ​ലു​വ സെ​ന്റ് മേ​രീ​സ് ഹൈ​സ്‌​കൂ​ള്‍, ഇ​രി​ങ്ങാ​ല​ക്കു​ട നാ​ഷ​ന​ല്‍ ഹൈ​സ്‌​കൂ​ള്‍ എ​ന്നി​വി​ട​ങ്ങ​ളി​ലാ​യി​രു​ന്നു സ്‌​കൂ​ള്‍ വി​ദ്യാ​ഭ്യാ​സം. ഇ​രി​ങ്ങാ​ല​ക്കു​ട ക്രൈ​സ്റ്റ് കോ​ള​ജി​ല്‍നി​ന്ന് സു​വോ​ള​ജി​യി​ല്‍ ബി​രു​ദം നേ​ടി​യ ശേ​ഷം മ​ദ്രാ​സി​ല്‍ സ്വ​കാ​ര്യ ക​മ്പ​നി​യി​ല്‍ ജോ​ലി​യി​ല്‍ പ്ര​വേ​ശി​ച്ചു. പ്രാ​യ​ത്തി​ന്റെ അ​സ്വ​സ്ഥ​ത​ക​ളി​ലും ശ​ബ്ദ​ത്തി​ലെ യൗ​വ​ന​മാ​യി​രു​ന്നു ജ​യ​ച​ന്ദ്ര​ന്റെ പ്ര​ത്യേ​ക​ത. മ​ല​യാ​ളം, ത​മി​ഴ്, ക​ന്ന​ട, തെ​ലു​ഗു, ഹി​ന്ദി ഭാ​ഷ​ക​ളി​ലാ​യി ത​ല​മു​റ​ക​ള്‍ നെ​ഞ്ചേ​റ്റി​യ 16000ത്തി​ല​ധി​കം ഗാ​ന​ങ്ങ​ള്‍ അ​ദ്ദേ​ഹം പാ​ടി​യി​ട്ടു​ണ്ട്. രാ​മ​നാ​ഥ​ന്‍ മാ​ഷാ​ണ് സം​ഗീ​ത​ത്തി​ല്‍ ആ​ദ്യ ഗു​രു; സി​നി​മ​യി​ല്‍ ദേ​വ​രാ​ജ​ന്‍ മാ​സ്റ്റ​റും. സ്‌​കൂ​ള്‍ യു​വ​ജ​നോ​ത്സ​വ​ത്തി​ല്‍നി​ന്നാ​യി​രു​ന്നു തു​ട​ക്കം.

1958ലെ ​ആ​ദ്യ സം​സ്ഥാ​ന സ്‌​കൂ​ള്‍ യു​വ​ജ​നോ​ത്സ​വ​ത്തി​ല്‍ മൃ​ദം​ഗ​ത്തി​ല്‍ ഒ​ന്നാ​മ​നാ​യും ല​ളി​ത​സം​ഗീ​ത​ത്തി​ല്‍ ര​ണ്ടാ​മ​നാ​യും ഇ​രി​ങ്ങാ​ല​ക്കു​ട നാ​ഷ​ന​ല്‍ സ്‌​കൂ​ളി​ലെ പി. ​ജ​യ​ച​ന്ദ്ര​ന്‍ ശ്ര​ദ്ധ നേ​ടി.

1965ല്‍ ​മ​ദ്രാ​സി​ലെ​ത്തി. ഇ​ന്ത്യ-​പാ​ക് യു​ദ്ധ​ഫ​ണ്ടി​നാ​യി എം.​ബി. ശ്രീ​നി​വാ​സ​ന്‍ ന​ട​ത്തി​യ ഗാ​ന​മേ​ള​യി​ല്‍ യേ​ശു​ദാ​സി​ന് പ​ക​ര​ക്കാ​ര​നാ​യി ‘പ​ഴ​ശ്ശി​രാ​ജ’​യി​ലെ ‘ചൊ​ട്ട മു​ത​ല്‍ ചു​ട​ല വ​രെ’ പാ​ടി​യ​ത് വ​ഴി​ത്തി​രി​വാ​യി.

1965ല്‍ ​പു​റ​ത്തി​റ​ങ്ങി​യ ‘കു​ഞ്ഞാ​ലി മ​ര​യ്ക്കാ​ര്‍’ ചി​ത്ര​ത്തി​ലൂ​ടെ മ​ല​യാ​ള സി​നി​മ​യി​ല്‍ ആ​ദ്യ ചു​വ​ടു​വെ​പ്പ്. 'ഒ​രു മു​ല്ല​പ്പൂ മാ​ല​യു​മാ​യി' എ​ന്നു തു​ട​ങ്ങു​ന്ന​താ​യി​രു​ന്നു ആ​ദ്യ ഗാ​നം. ജി. ​ദേ​വ​രാ​ജ​ന്‍ സം​ഗീ​തം ചെ​യ്ത ‘മ​ഞ്ഞ​ല​യി​ല്‍ മു​ങ്ങി​ത്തോ​ര്‍ത്തി’ എ​ന്ന ഗാ​നം ജ​യ​ച​ന്ദ്ര​നെ കൂ​ടു​ത​ല്‍ ജ​ന​പ്രി​യ​നാ​ക്കി. 1986ല്‍ ​പു​റ​ത്തി​റ​ങ്ങി​യ ‘ശ്രീ​നാ​രാ​യ​ണ ഗു​രു’ എ​ന്ന ചി​ത്ര​ത്തി​ലെ ‘ശി​വ​ശ​ങ്ക​രാ സ​ര്‍വ’ എ​ന്ന ഗാ​ന​ത്തി​ലൂ​ടെ മി​ക​ച്ച പി​ന്ന​ണി ഗാ​യ​ക​നു​ള്ള ദേ​ശീ​യ പു​ര​സ്‌​കാ​രം തേ​ടി​യെ​ത്തി. അ​ഞ്ച് ത​വ​ണ കേ​ര​ള സം​സ്ഥാ​ന ച​ല​ച്ചി​ത്ര പു​ര​സ്‌​കാ​രം ല​ഭി​ച്ചു. 2021ല്‍ ​ജെ.​സി. ഡാ​നി​യേ​ല്‍ പു​ര​സ്‌​കാ​ര​വും ല​ഭി​ച്ചു. കൂ​ടാ​തെ ത​മി​ഴ്നാ​ട് സ​ര്‍ക്കാ​റി​ന്റെ പു​ര​സ്‌​കാ​ര​വും നേ​ടി. ഭാ​ര്യ: ല​ളി​ത. മ​ക്ക​ള്‍: ല​ക്ഷ്മി, ദി​ന​നാ​ഥ്.