മുഹ്​സിന്‍റെ തിരുത്തലും ലഹരിയിലെ രാഷ്ട്രീയവും

‘ദ​യ​വു​ചെ​യ്ത്​ ല​ഹ​രി വി​ഷ​യം രാ​ഷ്ട്രീ​യ ആ​രോ​പ​ണ-​പ്ര​ത്യാ​രോ​പ​ണ​മാ​ക്കി മാ​റ്റി അ​തി​ന്‍റെ വി​ല കു​റ​ച്ചു​കാ​ണ​രു​ത്​’- മു​ഹ​മ്മ​ദ്​ മു​ഹ്​​സി​ൻ ഇ​രു​പ​ക്ഷ​ത്തോ​ടു​മാ​ണ്​ ഈ ​അ​ഭ്യ​ർ​ഥ​ന ന​ട​ത്തി​യ​ത്. ല​ഹ​രി​യി​ൽ രാ​ഷ്ട്രീ​യ​മാ​യി ചെ​ളി​വാ​രി​യേ​റ്​ ന​ട​ത്തു​ന്ന ഘ​ട്ട​ത്തി​ൽ പ​ക്വ​ത​യാ​ർ​ന്ന സ​മീ​പ​ന​മാ​യി​രു​ന്നു മു​ഹ്​​സി​ന്‍റേ​ത്. പി​ടി​ക്ക​പ്പെ​ടു​ന്ന​വ​രു​ടെ രാ​ഷ്ട്രീ​യം മാ​ത്രം ച​ർ​ച്ച ചെ​യ്യു​ക​യും ല​ഹ​രി​യെ​ന്ന സാ​മൂ​ഹി​ക വി​പ​ത്തി​നെ നേ​രി​ടു​ക​യെ​ന്ന ച​ർ​ച്ച ന​ട​ക്കാ​തി​രി​ക്കു​ക​യും ചെ​യ്യു​ന്നു.

ക​ക്ഷി രാ​ഷ്ട്രീ​യ​മോ ജാ​തി മ​ത​മോ പ്ര​ശ്ന​മാ​ക്കി​യെ​ടു​ക്കാ​തെ ഒ​റ്റ​ക്കെ​ട്ടാ​യി വി​പ​ത്തി​നെ നേ​രി​ട​ണ​മെ​ന്ന അ​ഭ്യ​ർ​ഥ​ന​യാ​ണ്​ മു​ന്നോ​ട്ടു​വെ​ച്ച​ത്. ആ ​വാ​ക്കു​ക​ൾ എ​ല്ലാ​വ​രും ശ്ര​ദ്ധി​ച്ചെ​ങ്കി​ലും ധ​നാ​ഭ്യ​ർ​ഥ​ന ച​ർ​ച്ച പി​ന്നെ​യും പ​ഴ​യ പ​ടി ത​ന്നെ. രാ​ഷ്ട്രീ​യം ത​ന്നെ​ മു​ഖ്യം. യു.​ഡി.​എ​ഫു​കാ​ർ സ​ർ​വം എ​സ്.​എ​ഫ്.​ഐ​യു​ടെ മേ​ലി​ൽ ചാ​രി. സി.​പി.​എ​മ്മു​കാ​രാ​ക​ട്ടെ, കെ.​എ​സ്.​യു​വി​ന്‍റെ​യും യൂ​ത്ത്​ കോ​ൺ​ഗ്ര​സി​ന്‍റെ​യും മേ​ലി​ലും.

പാ​ർ​ട്ടി​ക്കാ​രെ പി​ടി​ക്കേ​ണ്ടി​വ​രു​മോ​യെ​ന്ന ഭ​യ​പ്പാ​ടി​ൽ റെ​യ്​​ഡ്​ നി​ർ​ത്തു​മോ​യെ​ന്നാ​യി​രു​ന്നു അ​ൻ​വ​ർ സാ​ദ​ത്തി​ന്‍റെ ഭ​യം. ക​ള​മ​ശ്ശേ​രി​യി​ൽ റി​മാ​ൻ​ഡി​ലാ​യ നാ​ലു​പേ​ർ കെ.​എ​സ്. യു​ക്കാ​രാ​ണെ​ന്ന്​ മ​റു​ഭാ​ഗം ഓ​ർ​മ​പ്പെ​ടു​ത്തി. എ​ല്ലാ റാ​ഗി​ങ്ങി​ന്‍റെ​യും മ​യ​ക്കു​മ​രു​ന്നി​ന്‍റെ​യും ത​ല​പ്പ​ത്ത്​ എ​സ്.​എ​ഫ്. ഐ​യാ​ണെ​ങ്കി​ൽ പ​റ​യാ​തി​രി​ക്കാ​നാ​കു​മോ എ​ന്നാ​യി പി.​കെ. ബ​ഷീ​ർ. മോ​ൻ ച​ത്താ​ലും വേ​ണ്ടി​ല്ല, മ​രു​മോ​ളു​ടെ ക​ണ്ണീ​ർ ക​ണ്ടാ​ൽ മ​തി​യെ​ന്ന​പോ​ലെ സ​ർ​ക്കാ​റി​നെ​യും എ​സ്.​എ​ഫ്.​ഐ​യെ​യും കു​റ്റ​പ്പെ​ടു​ത്താ​ൻ ല​ഹ​രി​യെ ഉ​പ​യോ​ഗി​ക്കു​ക​യാ​ണെ​ന്ന്​ എം. ​നൗ​ഷാ​ദ്. കെ.​എ​സ്.​യു എ​ന്ന​ത്​ ക​ഞ്ചാ​വ്​ സ്റ്റു​ഡ​ന്‍റ്​​സ്​ യൂ​നി​യ​നാ​യി മാ​റി​​യെ​ന്ന​ ക​ടു​ത്ത പ്ര​യോ​ഗ​വും നൗ​ഷാ​ദ്​ ന​ട​ത്തി. അ​ത്​ അ​ൺ​പാ​ർ​ല​മെ​ന്‍റ​റി​യാ​ണ്, രേ​ഖ​ക​ളി​ൽ നി​ന്ന്​ നീ​ക്ക​മെ​ന്ന്​​ പ്ര​തി​പ​ക്ഷ നേ​താ​വ്. പ​രി​ശോ​ധി​ക്കു​മെ​ന്ന്​ ചെ​യ​റും. യൂ​ത്ത്​ കോ​ൺ​ഗ്ര​സു​കാ​രി​ൽ​നി​ന്ന്​ ക​ഞ്ചാ​വ്​ പി​ടി​ച്ച പ​ട്ടി​ക​യു​മാ​യാ​ണ്​ എം.​എ​സ്. അ​രു​ൺ​കു​മാ​ർ എ​ത്തി​യ​ത്.

സ്വ​ത്ത്​ സ​മ്പാ​ദി​ക്കു​ക, അ​തി​നാ​യി എ​ന്ത്​ വൃ​ത്തി​കേ​ടും കാ​ണി​ക്കു​ക എ​ന്ന സ​മീ​പ​നം ആ​ഗോ​ളീ​ക​ര​ണ ന​യ​ത്തി​ന്‍റെ ബാ​ക്കി പ​ത്ര​മാ​ണെ​ന്ന താ​ത്വി​ക വി​ല​യി​രു​ത്ത​ലാ​ണ്​ പി. ​ന​ന്ദ​കു​മാ​ർ ന​ട​ത്തി​യ​ത്. ത​ന്‍റെ സു​ഖം, ത​ന്‍റെ സ​ന്തോ​ഷം, അ​മ്മ​യി​ല്ല, അ​ച്ഛ​നി​ല്ല, പെ​ങ്ങ​ളും മ​റ്റാ​രു​മി​ല്ല, താ​ൻ മാ​ത്രം മ​തി, ത​ന്നി​​​ലേ​ക്ക്​ ചു​രു​ങ്ങു​ന്ന ഈ ​സാ​മ്പ​ത്തി​ക ന​യം സ​മ​സ്ത മേ​ഖ​ല​യി​ലും പി​ടി​മു​റു​ക്കി. ല​ഹ​രി​ക്കെ​തി​രാ​യ ന​ട​പ​ടി​യും ഈ ​കാ​ഴ്ച​പ്പാ​ടോ​ടെ കാ​ണ​ണ​മെ​ന്ന്​ അ​ദ്ദേ​ഹം നി​ർ​ദേ​ശി​ച്ചു. മൂ​ല​ധ​ന ശ​ക്തി​ക​ളു​ടെ ലാ​ഭ​ക്കൊ​തി​യാ​ണ്​ മ​യ​ക്കു​മ​രു​ന്ന്​ വ്യാ​പ​ന കാ​ര​ണ​മെ​ന്ന്​ കെ.​എ​ൻ. ഉ​ണ്ണി​കൃ​ഷ്ണ​ന്‍റെ പ​ക്ഷം.

എ​ക്​​സൈ​സ്​ മ​ന്ത്രി​യു​ടെ അ​വ​സ്ഥ​യി​ലാ​യി​രു​ന്നു രാ​ഹു​ൽ മാ​ങ്കൂ​ട്ട​ത്തി​ലി​ന്​ പ്ര​യാ​സം. ഒ​രു​വ​ശ​ത്ത്​ ഒ​യാ​സി​സ്​ പോ​ലെ​യു​ള്ള ക​മ്പ​നി​ക​ൾ വ​രു​മ്പോ​ൾ ബ്രൂ​വ​റി​യു​ടെ​യും മ​റ്റും വ​ക്താ​വാ​യി സം​സാ​രി​ക്കേ​ണ്ടി​വ​രും. ഇ​തേ ല​ഹ​രി ഉ​പ​യോ​ഗി​ച്ച്​ ആ​രെ​​ങ്കെി​ലും ആ​രെ​യെ​ങ്കി​ലും അ​ക്ര​മി​ച്ചാ​ൽ ല​ഹ​രി ഉ​പ​യോ​ഗി​ക്കു​ന്ന​വ​ർ​ക്കെ​തി​രെ മു​ഖം നോ​ക്കാ​തെ ന​ട​പ​ടി​യെ​ടു​ക്കേ​ണ്ടി​വ​രു​മെ​ന്ന്​ പ​റ​യു​ന്ന​തും അ​തേ മ​ന്ത്രി. ഏ​തെ​ങ്കി​ലും സ്കൂ​ളു​ക​ളി​ൽ വി​മു​ക്തി​യു​ടെ പ​രി​പാ​ടി​ക്ക്​ വി​ളി​ച്ചാ​ൽ അ​വി​ടെ പ​റ​യേ​ണ്ടി​വ​രു​ന്ന​ത്​ ല​ഹ​രി ഉ​പ​യോ​ഗി​ക്കു​ന്ന​ത്​ തെ​റ്റാ​ണെ​ന്ന്. ഇ​രി​ക്കു​ന്ന ഏ​തെ​ങ്കി​ലും കു​ട്ടി മു​ഖ​ത്ത്​ നോ​ക്കി അ​ങ്ങ്​ കു​മ്പി​ടി​യാ​ണോ എ​ന്ന്​ ചോ​ദി​ച്ചാ​ൽ എ​ന്ത്​ മ​റു​പ​ടി പ​റ​യും?

ത​ല​സ്ഥാ​ന​ത്തെ ലൈ​റ്റി​നെ കു​റി​ച്ചും പൊ​ങ്കാ​ല​യെ കു​റി​ച്ചു​മൊ​ക്കെ നേ​ട്ട​മാ​യി പ​റ​യാ​ൻ ഉ​ളു​പ്പി​ല്ലേ എ​ന്നാ​യി​ അ​ൻ​വ​ർ​സാ​ദ​ത്ത്. സി.​പി.​എം എ​ന്ന​ത്​ കോ​ർ​പ​റേ​റ്റ്​ പാ​ർ​ട്ടി ഓ​ഫ്​ മാ​ർ​ക്സി​സ്റ്റ്​ ആ​യി മാ​റി​യെ​ന്ന ബ​ഷീ​റി​ന്‍റെ പ​രാ​മ​ർ​ശം വാ​യി​ൽ വ​ന്ന​ത്​ കോ​ത​ക്ക്​ പാ​ട്ട്​ എ​ന്നേ എ. ​പ്ര​ഭാ​ക​ര​ൻ ക​ണ്ടു​ള്ളൂ. ഇ​ന്ന​ല്ലെ​ങ്കി​ൽ നാ​ളെ ക​മ്യൂ​ണി​സ്റ്റ്​ പാ​ർ​ട്ടി ഉ​ള്ള​തു​കൊ​ണ്ട്​ സ​മാ​ധാ​ന​പ​ര​മാ​യി ജീ​വി​ക്കാ​ൻ അ​വ​സ​രം കി​ട്ടി​യെ​ന്ന്​ പ​റ​യേ​ണ്ടി​വ​രു​മെ​ന്നാ​യി അ​ദ്ദേ​ഹ​ത്തി​ന്‍റെ പ്ര​വ​ച​നം. ഏ​ഴ്​ ധ​നാ​ഭ്യ​ർ​ഥ​ന​ക​ളാ​ണ്​ പ​രി​ഗ​ണ​ന​ക്ക്​ വ​ന്ന​ത്. സ​മ​യ​ക്കു​റ​വ്​ മൂ​ലം പ​ല​രും വി​ഷ​യ​ങ്ങ​ളു​ടെ പേ​ര്​ പോ​ലും പ​രാ​മ​ർ​ശി​ച്ചി​ല്ല.