കോഴിക്കോട് കൂടരഞ്ഞിയിൽ പുലി കൂട്ടിൽ കുടുങ്ങി; കുടുങ്ങിയത് മൂന്ന് വയസുള്ള ആൺപുലി

കോഴിക്കോട്: കൂടരഞ്ഞി പഞ്ചായത്തിൽ ഭീതിപരത്തിയ പുലി കൂട്ടില്‍ കുടുങ്ങി. 15 ദിവസം മുമ്പ് വനം വകുപ്പ് സ്ഥാപിച്ച കൂട്ടിലാണ് പുലി കുടുങ്ങിയത്. കൂടരഞ്ഞി പഞ്ചായത്തിലെ പെരുമ്പുള, കൂരിയോട് ഭാഗത്ത് മാസങ്ങളായി ശല്യം തുടർന്നതിനിടെയാണിത്. താമരശേരി റേഞ്ച് ഓഫിസിലേക്ക് മാറ്റുന്ന പുലിക്ക് പരിക്കുണ്ടോ എന്ന് വനം വകുപ്പിന്‍റെ വെറ്റിനറി സർജർ പരിശോധിക്കും.

ഒരു സ്ത്രീയെ ഏതാനും ദിവസങ്ങള്‍ക്ക് മുമ്പ് പുലി ആക്രമിക്കാന്‍ ശ്രമിച്ചിരുന്നു. ഇതിന് പിന്നാലെ പുലിയെ കണ്ടെത്താനായി നി​രീ​ക്ഷ​ണ കാമറകൾ സ്ഥാപിച്ച് വനപാലകർ നിരീക്ഷണം നടത്താൻ തുടങ്ങിയത്. ആ​ടു​ക​ളെ മേ​ക്ക​വെ വ​ന്യ​ജീ​വി​യെ ക​ണ്ട് ഭ​യ​ന്നോ​ടി വീ​ണ് പ​രി​ക്കേ​റ്റ വീ​ട്ട​മ്മ ഉ​ൾ​പ്പെ​ടെ​യു​ള്ള​വർ പ്ര​ദേ​ശ​ത്ത് ക​ടു​വ​യു​ണ്ടെ​ന്നും സാ​ക്ഷ്യ​പ്പെ​ടു​ത്തിയിരുന്നു.

കൂ​ട​ര​ഞ്ഞി പ​ഞ്ചാ​യ​ത്തി​ലെ പ​ന​ക്ക​ച്ചാ​ൽ വാ​ർ​ഡി​ലെ കൂ​രി​യോ​ടും മ​ഞ്ഞ​ക​ട​വ് വാ​ർ​ഡി​ലെ പെ​രു​മ്പൂ​ള​യി​ലു​മാ​ണ് വ​ന്യ​ജീ​വി ആ​ക്ര​മ​ണ ഭീ​ഷ​ണി ​നി​ല​നി​ൽ​ക്കു​ന്ന​ത്. ഈ രണ്ട് വാ​ർ​ഡു​ക​ളി​ലെ നാ​ട്ടു​കാ​രും ക​ർ​ഷ​ക​രും ആ​ശ​ങ്ക​യോ​ടെയാണ് ക​ഴി​ഞ്ഞിരു​ന്ന​ത്.