ലൈഫ്​ മിഷൻ അഴിമതി: വാട്​സ്​ ആപ്​ ചാറ്റുകളുടെ പകർപ്പ്​ തേടി വിജിലൻസ്​

തിരുവനന്തപുരം: ലൈഫ്​ മിഷൻ അഴിമതി കേസിൽ പ്രതികളുടെ വാട്​സ്​ ആപ്​ ചാറ്റുകളുടെ പകർപ്പ്​ തേടി വിജിലൻസ്​. സ്വപ്​ന സുരേഷ്​, എം. ശിവശങ്കർ, ചാർ​ട്ടേർഡ്​ അക്കൗണ്ടൻറ്​ വേണുഗോപാൽ എന്നിവരുടെ സന്ദേശങ്ങളാണ്​ വിജിലൻസ്​ പരിശോധിക്കുക.

വാട്​സ്​ ആപ്​ സന്ദേശങ്ങളുടെ പകർപ്പ്​ ആവശ്യപ്പെട്ട്​ വിജിലൻസ്​ എൻ.ഐ കോടതിയിൽ അപേക്ഷ നൽകി. ലൈഫ്​ മിഷൻ പദ്ധതിയുടെ അഴിമതി കേസിലെ അന്വേഷണത്തിന്​ വാട്​സ്​ ആപ്​ ചാറ്റുകൾ അനിവാര്യമാണെന്നാണ്​ വിജിലൻസ്​ നിലപാട്​.

വാട്​സ്​ ആപ്​ ചാറ്റുകൾ ലഭിച്ചതിന്​ ശേഷമാവും വിജിലൻസ്​ കേസിലെ തുടരന്വേഷണം നടത്തുക.