കാലമേ... നന്ദി..

മ​നു​ഷ്യ​ജീ​വി​ത​ത്തി​​ന്റെ അ​ഗാ​ധ​ത​ക​​ളെ നി​ള​യു​ടെ ആ​ഴ​ത്തോ​ളം, പ​ര​പ്പോ​ളം മ​ല​യാ​ളി​യെ അ​നു​ഭ​വി​പ്പി​ച്ച എ​ഴു​ത്തു​കാ​ര​ൻ. തൊ​ട്ട​തി​ലെ​ല്ലാം പൊ​ൻ​മു​ദ്ര ചാ​ർ​ത്തി​യ സ​ർ​ഗ​പ്ര​തി​ഭ. മ​ല​യാ​ള ചെ​റു​ക​ഥ​യെ ക​വി​ത​യു​ടെ ഉ​ദാ​ത്ത​ത​യി​ലേ​ക്ക്​ ആ​ന​യി​ച്ച കാ​ഥി​ക​ൻ. ജ്ഞാ​ന​പീ​ഠ​മേ​റി​യ വാ​ക്കു​ക​ളു​ടെ പെ​രു​ന്ത​ച്ച​ൻ. എ​ഴു​ത്തി​ന്റെ പ​ടി​ക്കെ​ട്ടു​ക​ൾ താ​ണ്ടാ​ൻ ഒ​​ട്ടേ​റെ പേ​ർ​ക്ക്​ വ​ഴി തെ​ളി​ച്ച പ​ത്രാ​ധി​പ​ർ. മ​ല​യാ​ള​ത്തി​ലെ ഏ​റ്റ​വും വി​ല​യേ​റി​യ തി​ര​ക്ക​ഥാ​കൃ​ത്ത്. ന​ട​പ്പു​ശീ​ല​ങ്ങ​ളി​ൽ​നി​ന്ന്​ മ​ല​യാ​ള സി​നി​മ​യു​​ടെ നെ​റു​ക​യി​ൽ ക​ടും​വെ​ട്ട്​ ചാ​ർ​ത്തി​യ സം​വി​ധാ​യ​ക​ൻ. മാ​ട​ത്ത്​ തെ​ക്കേ​പ്പാ​ട്ട്​ വാ​സു​ദേ​വ​ൻ നാ​യ​ർ എ​ന്ന എം.​ടി എ​ന്ന ര​ണ്ട​ക്ഷ​ര​ത്തി​​ന്റെ വി​ശാ​ല​ത​ക​ൾ വി​വ​രി​ക്കു​ക എ​ളു​പ്പ​മ​ല്ല.

ക​വി​ത​യെ​​ഴു​തി​ത്തു​ട​ങ്ങി​യെ​ങ്കി​ലും ക​ഥ​യി​ലേ​ക്കു പ്ര​വേ​ശി​ച്ച കാ​ലം മു​ത​ൽ അ​തൊ​രു ഒ​ഴു​ക്കാ​യി​രു​ന്നു. ലോ​ക​സാ​ഹി​ത്യ​ത്തി​ന്റെ വി​ശാ​ല​ത​ക​ളി​ലേ​ക്ക്​ വാ​യ​ന​കൊ​ണ്ടും അ​റി​വു​കൊ​ണ്ടും ക​ട​ന്നു​ചെ​ന്ന​പ്പോ​ഴും ത​ന്നോ​ട്​ ചേ​ർ​ന്നൊ​ഴു​കി​യ നി​ള​യു​ടെ നൈ​ർ​മ​ല്യ​വും ലാ​ളി​ത്യ​വും എ​ഴു​ത്തി​ലേ​ക്ക്​ ചേ​ർ​ത്തു​നി​ർ​ത്താ​നാ​യി​രു​ന്നു എം.​ടി​ക്ക്​ എ​ന്നും താ​ൽ​പ​ര്യം. അ​റി​യാ​ത്ത സ​മു​ദ്ര​ങ്ങ​ളി​ലേ​ക്ക്​ അ​ദ്ദേ​ഹം കു​തി​ച്ചി​ല്ല. അ​റി​യു​ന്ന നി​ള​യു​ടെ ആ​ഴ​ങ്ങ​ളി​ൽ ആ​വു​ന്ന​ത്ര എ​ടു​ക്കാ​ൻ ഇ​നി​യു​മേ​റെ​യു​ണ്ടെ​ന്ന്​ എ​പ്പോ​ഴും അ​ദ്ദേ​ഹം പ​റ​ഞ്ഞു​കൊ​ണ്ടി​രു​ന്നു.

കൂ​ട​ല്ലൂ​രി​​ന്റെ വാ​സു

‘‘കൂ​ട​ല്ലൂ​ർ എ​ന്ന എ​ന്റെ ചെ​റി​യ ലോ​ക​ത്തി​നോ​ടു ഞാ​ൻ മാ​റി​നി​ൽ​ക്കാ​നാ​വാ​ത്ത​വി​ധം ബ​ന്ധ​പ്പെ​ട്ടി​രി​ക്കു​ന്നു. അ​തി​​ന്റെ നാ​ല​തി​രു​ക​ൾ​ക്ക​പ്പു​റ​ത്തു ക​ട​ക്കി​ല്ലെ​ന്ന നി​ർ​ബ​ന്ധ​മു​ണ്ടോ എ​ന്നു ചോ​ദി​ക്കാം. ഇ​ല്ല, വ്യ​ത്യ​സ്ത​മാ​യ ഭൂ​ഭാ​ഗ​ങ്ങ​ൾ തേ​ടി ഞാ​ൻ അ​ല​യാ​റു​ണ്ട്, പ​ല​പ്പോ​ഴും. പ​ക്ഷേ, വീ​ണ്ടും വീ​ണ്ടും ഞാ​നി​വി​ടേ​ക്കു തി​രി​ച്ചു​വ​രു​ന്നു. ഇ​തൊ​രു പ​രി​മി​തി​യാ​കാം.

പ​ക്ഷേ, അ​റി​യാ​ത്ത അ​ത്ഭു​ത​ങ്ങ​ളെ ഗ​ർ​ഭ​ത്തി​ൽ വ​ഹി​ക്കു​ന്ന മ​ഹാ​സ​മു​ദ്ര​ങ്ങ​ളെ​ക്കാ​ൾ അ​റി​യു​ന്ന എ​ന്റെ നി​ളാ​ന​ദി​യാ​ണെ​നി​ക്കി​ഷ്​​ടം.’’

തെ​ര​ഞ്ഞെ​ടു​ത്ത ക​ഥ​ക​ളു​ടെ ആ​ദ്യ​പ​തി​പ്പി​ൽ എം.​ടി ഇ​ങ്ങ​നെ എ​ഴു​തു​ന്നു. വാ​സ്​​ത​വ​ത്തി​ൽ ത​ന്റെ ര​ച​ന​ക​ളെ​ക്കു​റി​ച്ചു​ള്ള സ​ത്യ​വാ​ങ്​​മൂ​ല​മാ​ണ്​ ഈ ​വാ​ക്കു​ക​ൾ. അ​മേ​രി​ക്ക​യും വാ​രാ​ണ​സി​യു​മൊ​ക്കെ പ​ശ്ചാ​ത്ത​ല​മാ​യി​പ്പോ​ലും ക​ഥ പ​റ​യു​മ്പോ​ഴും അ​തി​​ന്റെ വേ​രു​ക​ൾ വെ​ള്ളം തേ​ടി​വ​ന്നു​നി​ൽ​ക്കു​ന്ന​ത്​ നി​ള​യു​ടെ തീ​ര​ത്തു​ത​ന്നെ​യാ​യി​രു​ന്നു.

ദാ​രി​ദ്ര്യ​ത്തി​​ന്റെ വ​ലി​യൊ​രു പു​ഴ താ​ണ്ടി​ക്ക​ട​ന്ന​താ​യി​രു​ന്നു എം.​ടി​യു​ടെ ബാ​ല്യം. ക​ഥ​ക​ളി​ലേ​ക്ക്​ ആ ​ദ​രി​ദ്ര​മാ​യ നാ​ളു​ക​ളെ എം.​ടി പ​ല​കു​റി പ​രാ​വ​ർ​ത്ത​നം ചെ​യ്​​തി​ട്ടു​മു​ണ്ട്. നാ​ലു​കെ​ട്ടി​ലും അ​സു​ര​വി​ത്തി​ലു​മൊ​ക്കെ ദ​രി​ദ്ര​മാ​യ ആ ​കാ​ല​ത്തിന്റെ അ​ട​യാ​ള​ങ്ങ​ളു​ണ്ട്.

1933 ജൂ​ലൈ 15ന് ​മ​ല​പ്പു​റം ജി​ല്ല​യി​ലെ പൊ​ന്നാ​നി താ​ലൂ​ക്കി​ൽ കൂ​ട​ല്ലൂ​രി​ലാ​യി​രു​ന്നു ജ​ന​നം. അ​ച്ഛ​ന്‍ പു​ന്ന​യൂ​ര്‍ക്കു​ളം ടി. ​നാ​രാ​യ​ണ​ന്‍ നാ​യ​രു​ടെ​യും അ​മ്മാ​ളു അ​മ്മ​യു​ടെ​യും നാ​ല്​ ആ​ണ്‍മ​ക്ക​ളി​ല്‍ ഏ​റ്റ​വും ഇ​ള​യ​വ​ൻ. അ​ച്ഛ​ൻ സി​ലോ​ണി​ൽ​നി​ന്ന​യ​ക്കു​ന്ന തു​ച്ഛ​മാ​യ തു​ക​യി​ൽ ക​ഴി​ഞ്ഞു​പോ​ന്ന കു​ടും​ബം. കു​ടും​ബ​ത്തി​ന്റെ സാ​മ്പ​ത്തി​ക​സ്​​ഥി​തി ത​ക​ർ​ന്നു​തു​ട​ങ്ങി​യ​തോ​ടെ ര​ണ്ടു​പേ​രു​ടെ പ​ഠ​നം അ​സാ​ധ്യ​മാ​യി​രു​ന്നു. പ​​ത്താം ക്ലാ​​സ് ക​​ഴി​​ഞ്ഞ​​പ്പോ​​ള്‍ ഒ​​രു വ​​ർ​​ഷം തു​​ട​​ര്‍പ​​ഠ​​നം ന​​ട​​ത്താ​​നാ​​യി​​ല്ല. ആ ​കാ​ല​ത്ത്​ അ​ക്കി​ത്ത​ത്തി​​ന്റെ വീ​ട്ടി​ൽ​നി​ന്ന്​ എ​ടു​ത്തു​കൊ​ണ്ടു​വ​ന്ന്​ വാ​യി​ച്ച പു​സ്​​ത​ക​ങ്ങ​ളി​ലൂ​ടെ വാ​യ​ന​യു​ടെ ഒ​രു ലോ​കം ത​നി​ക്കു​ചു​റ്റും പ​ടു​ക്കാ​ൻ തു​ട​ങ്ങി. എ​ല്ലാം മ​റ​ന്ന്​ ആ​ണ്ടി​റ​ങ്ങി​യ ഏ​കാ​കി​ത​മാ​യ ആ ​വാ​യ​നാ​ലോ​ക​ത്തി​ൽ അ​വ​സാ​ന​കാ​ലം വ​രെ​യും എം.​ടി സ്വ​യ​മ​ലി​ഞ്ഞു​കി​ട​ന്നു. കൂ​ട​ല്ലൂ​രി​​ന്റെ ഇ​ട​വ​ഴി​ക​ളി​ൽ​നി​ന്ന്​ ആ ​കാ​ല​ങ്ങ​ളി​ൽ എം.​ടി ക​ഥ​ക​ളെ​യും ക​ഥാ​പാ​ത്ര​ങ്ങ​ളെ​യും ക​ണ്ടെ​ടു​ക്കു​ക​യാ​യി​രു​ന്നു. വേ​ലാ​യു​ധ​നും ഗോ​വി​ന്ദ​ൻ​കു​ട്ടി​യും കോ​ന്തു​ണ്ണി​യും കാ​തു​മു​റി​ച്ച മീ​നാ​ക്ഷി​യു​മെ​ല്ലാം ആ ​ക​ണ്ടു​പി​ടി​ത്ത​ങ്ങ​ളാ​യി​രു​ന്നു.

കോ​ഴി​ക്കോ​ട്ടു​കാ​ര​നാ​യ എം.​ടി

പി​ന്നീ​ട്​ പാ​ല​ക്കാ​ട്​ പ​ഠി​ക്കാ​ൻ പോ​യി. വി​ക്​​ടോ​റി​യ കോ​ള​ജി​ൽ ര​സ​ത​ന്ത്ര​ത്തി​ൽ ബി​രു​ദം. പി. ​ഭാ​സ്​​ക​ര​നെ​പ്പോ​ലു​ള്ള​വ​രു​​ടെ പ​ത്രാ​ധി​പ​ത്യ​ത്തി​ൽ മ​ദി​രാ​ശി​യി​ൽ​നി​ന്നി​റ​ങ്ങി​യി​രു​ന്ന ‘ജ​യ​കേ​ര​ളം’ മാ​ഗ​സി​നി​ൽ പ​ഠ​ന​കാ​ല​ത്ത്​ എ​ഴു​തി​യ ക​ഥ​ക​ൾ അ​ച്ച​ടി​ച്ചു​വ​ന്നു. ഫൈ​ന​ൽ ഇ​യ​റി​ന്​ പ​ഠി​ക്കു​​മ്പോ​ൾ (1953) മാ​തൃ​ഭൂ​മി ന​ട​ത്തി​യ ലോ​ക ക​ഥാ​മ​ത്സ​ര​ത്തി​ന്​ അ​യ​ച്ച ‘വ​ള​ർ​ത്തു​മൃ​ഗ​ങ്ങ​ൾ’ എ​ന്ന ക​ഥ​ക്ക്​ ഒ​ന്നാം സ​മ്മാ​നം കി​ട്ടി​യ​പ്പോ​ൾ ത​ന്നെ ഉ​റ​പ്പി​ച്ചു, എ​ഴു​ത്തു​ത​ന്നെ ജീ​വി​തം. കൂ​ടു​ത​ൽ വാ​യി​ക്കാ​നും എ​ഴു​താ​നും സൗ​ക​ര്യ​പ്പെ​ടു​ക കോ​ള​ജ്​ അ​ധ്യാ​പ​ക​നാ​യാ​ലാ​ണെ​ന്ന വി​ശ്വാ​സ​ത്താ​ൽ അ​താ​കാ​ൻ ആ​ഗ്ര​ഹി​ച്ച ഒ​രു കാ​ല​മു​ണ്ടാ​യി​രു​ന്നു എം.​ടി​ക്ക്. പ​ക്ഷേ, നി​യോ​ഗം ത​​​ന്റെ ക​ഥ പ്ര​സി​ദ്ധ​പ്പെ​ടു​ത്തി​യ അ​തേ ‘മാ​തൃ​ഭൂ​മി’​യി​ൽ പ​ത്രാ​ധി​പ​സ​മി​തി​യം​ഗ​മാ​കാ​നാ​യി​രു​ന്നു. ഇ​ട​ക്കാ​ല​ത്ത്​ അ​ധ്യാ​പ​ക​​ന്റെ​യും ഗ്രാ​മ​സേ​വ​ക​ന്റെ​യും വേ​ഷ​മി​ട്ടു.

മാ​തൃ​ഭൂ​മി​യി​ലെ ജോ​ലി കൂ​ട​ല്ലൂ​രു​കാ​ര​നാ​യ എം.​ടി​യെ കോ​ഴി​ക്കോ​ട്ടു​കാ​ര​നാ​ക്കി. ഉ​റൂ​ബ്, എ​ൻ.​പി. മു​ഹ​മ്മ​ദ്, എ​സ്.​കെ. പൊ​റ്റെ​ക്കാ​ട്ട്​, വൈ​ക്കം മു​ഹ​മ്മ​ദ്​ ബ​ഷീ​ർ തു​ട​ങ്ങി​യ പ്ര​മു​ഖ​രാ​യ എ​ഴു​ത്തു​കാ​രു​ടെ വ​ലി​യ സം​ഘ​ത്തി​ൽ അ​ങ്ങ​നെ എം.​ടി​യു​മു​ണ്ടാ​യി. അ​തൊ​രു വ​സ​ന്ത​കാ​ല​മാ​യി​രു​ന്നു​വെ​ന്ന്​ അ​ദ്ദേ​ഹം എ​പ്പോ​ഴും പ​റ​ഞ്ഞി​രു​ന്നു.

‘എ​​ഴു​​ത്തി​​ലേ​​ക്കു​​ള്ള മോ​​ഹം ഇ​​വി​​ടെ​നി​​ന്നാ​​ണ് തു​​ട​​ങ്ങു​​ന്ന​​ത്. ആ ​​കാ​​ല​​ത്ത് ഇ​​വി​​ടെ വാ​​യ​​ന​​ശാ​​ല​​ക​​ളു​​ണ്ടാ​​യി​​രു​​ന്നി​​ല്ല. മ​​ഹാ​​ക​​വി അ​​ക്കി​​ത്ത​​ത്തി​​ന്റെ വീ​​ട്ടി​​ലേ​​ക്ക് കു​​ന്നു​​ക​​ള്‍ ക​​യ​​റി​​യി​​റ​​ങ്ങി ന​​ട​​ന്നു​​പോ​​യാ​​ണ് വാ​​യി​​ക്കാ​​ൻ പു​​സ്ത​​ക​​ങ്ങ​​ള്‍ കൊ​​ണ്ടു​​വ​​ന്നി​​രു​​ന്ന​​ത്.

കൂ​​ട​​ല്ലൂ​​ര്‍ ഗ്രാ​​മ​​ത്തി​​ലെ ഇ​​ട​​വ​​ഴി​​ക​​ളും ഇ​​ല്ലി​​മു​​ളം​​കാ​​ടും പു​​ഴ​​യും ജീ​​വ​​ജാ​​ല​​ങ്ങ​​ളും ഇ​​വി​​ട​​ത്തെ മ​​നു​​ഷ്യ​​രു​​മാ​​ണ് എ​ന്റെ ക​​ഥാ​​പാ​​ത്ര​​ങ്ങ​​ളാ​​യി നി​​റ​​ഞ്ഞ​​ത്. അ​​വ​​രാ​​ണ്​ എ​​ഴു​​ത്തു​​കാ​​ര​​നാ​​ക്കി​​യ​​ത്. പ​​ത്ര​​ങ്ങ​​ള്‍പോ​​ലും വ​​രാ​​ത്ത ആ ​​കാ​​ല​​ത്ത്​ നാ​​ട്ടി​​ലെ പ്ര​​ധാ​​ന ത​​റ​​വാ​​ട്ടി​​ലേ​​ക്ക് മൂ​​ന്നു ദി​​വ​​സം കൂ​​ടൂ​​മ്പോ​​ള്‍ എ​​ത്തു​​ന്ന ‘ഹി​​ന്ദു’ പ​​ത്ര​​മാ​​യി​​രു​​ന്നു ആ​​ശ്ര​​യം. അ​​വി​​ട​​ത്തെ കാ​​ര്യ​​സ്ഥ​​ന്റെ പി​​ന്നാ​​ലെ ന​​ട​​ന്നാ​​ണ് വാ​​യി​​ച്ചി​​രു​​ന്ന​​ത്. എ​​ന്നും വൈ​​കീ​​ട്ട് പോ​​സ്​​​റ്റ്​ ഓ​ഫി​​സി​​ല്‍ പോ​​കും. ആ​​രും ക​​ത്ത​​യ​​ച്ചി​​ട്ടി​​ല്ല. ഒ​​രു ര​​സം അ​​ത്ര​​മാ​​​ത്രം. ക​​ത്ത് വാ​​ങ്ങാ​​ന്‍ വ​​രു​​ന്ന​​വ​​രു​​ടെ മു​​ഖ​​ഭാ​​വ​​ങ്ങ​​ള്‍ മ​​ന​​സ്സി​​ല്‍ ത​​ട്ടു​​മാ​​യി​​രു​​ന്നു. പി​​ന്നീ​​ട് ചെ​​റി​​യ​തോ​​തി​​ല്‍ എ​​ഴു​​തി​​ത്തു​​ട​​ങ്ങി. വാ​​യി​​ക്കും, പി​​ന്നീ​​ട് ചീ​​ന്തി​​ക്ക​​ള​​യും -എം.​​ടി പ​​റഞ്ഞിട്ടുണ്ട്. അ​​ന്ന് ബു​​ക്ക് പോ​​സ്​​​റ്റാ​​യാ​​ണ് ക​​ത്ത് അ​​യ​​ച്ചി​​രു​​ന്ന​​ത്. മു​​ക്കാ​​ല്‍ അ​​ണ​​യു​​ടെ സ്​​​റ്റാ​​മ്പ് വേ​​ണം. ഇ​​തി​​ന് പ​​ല​​പ്പോ​​ഴും അ​​മ്മ​​യാ​​ണ് സ​​ഹാ​​യി​​ച്ച​​ത്. ‘നാ​​ലു​​കെ​​ട്ട്’ അ​​മ്മ പ​​റ​​ഞ്ഞു​​ത​​ന്ന ക​​ഥ​​ക​​ളി​​ലൂ​​ടെ​​യും മ​​റ്റു​​മാ​​ണ് പി​​റ​​വി​​യെ​​ടു​​ത്ത​​തെ​​ന്നും എം.​​ടി തന്നെ പ​​റ​​ഞ്ഞിട്ടുണ്ട്. ‘പാ​തി​രാ​വും പ​ക​ല്‍വെ​ളി​ച്ച​വും’ എ​ന്ന ആ​ദ്യ​നോ​വ​ല്‍ മാ​തൃ​ഭൂ​മി ആ​ഴ്ച​പ്പ​തി​പ്പി​ല്‍ ഖ​ണ്ഡ​ശഃ​യാ​യി പു​റ​ത്തു​വ​ന്ന​ത്​ അ​ക്കാ​ല​ത്താ​ണ്.

പി​ന്നീ​ട്​ എം.​ടി എ​ന്ന​ത്​ അ​ക്ഷ​രോ​ത്സ​വ​മാ​യി മാ​റി. നാ​ലു​കെ​ട്ടും അ​സു​ര​വി​ത്തും മ​ഞ്ഞും കാ​ല​വു​മെ​ല്ലാം വാ​യ​ന​ക്കാ​ർ ഉ​ത്സാ​ഹ​ത്തോ​ടെ ഏ​റ്റു​വാ​ങ്ങി. വ്യാ​സ​ൻ മ​ഹാ​ഭാ​ര​ത​ത്തി​ൽ അ​വ​ശേ​ഷി​പ്പി​ച്ച മൗ​ന​ങ്ങ​ളു​ടെ ആ​ഴം തേ​ടി​യ ‘ര​ണ്ടാ​മൂ​ഴം’ മ​ല​യാ​ള​ത്തി​ലെ മ​റ്റൊ​രു ഇ​തി​ഹാ​സ​മാ​യി. 90ക​ളു​ടെ ഒ​ടു​വി​ൽ എ​ഴു​തി​യ ‘വ​രാ​ണ​സി’ എ​ന്ന നോ​വ​ലാ​യി​രു​ന്നു ആ ​പ​ര​മ്പ​ര​യി​​ൽ ഒ​ടു​വി​ല​ത്തേ​ത്.

സി​നി​മ​യി​ലെ എം.​ടി

സാ​ഹി​ത്യ​ത്തി​ൽ​നി​ന്ന്​ സി​നി​മ​യി​ലേ​ക്കു​ വ​ന്ന​വ​ർ അ​​നേ​ക​രു​ണ്ടെ​ങ്കി​ലും അ​തി​ൽ എം.​ടി​യെ​പ്പോ​ലെ മ​റ്റൊ​രാ​ളി​ല്ല. ഉ​റൂ​ബും ബ​ഷീ​റു​മൊ​ക്കെ സി​നി​മ​ക്കാ​യി എ​ഴു​തി​യെ​ങ്കി​ലും എം.​ടി​യെ​​പ്പോ​ലെ അ​ത്ര തീ​വ്ര​മാ​യി ആ​ശ്ലേ​ഷി​ച്ച​വ​ര​ല്ല. തി​ര​ക്ക​ഥ​യി​ൽ മാ​ത്ര​മാ​യി​രു​ന്നി​ല്ല എം.​ടി​യു​ടെ സ്​​പ​ർ​ശം പ​തി​ഞ്ഞ​ത്, സം​വി​ധാ​ന​ത്തി​ലും ഗാ​ന​ര​ച​ന​യി​ൽ​പോ​ലു​മാ​യി​രു​ന്നു.

1965ലാ​ണ്​ ആ​ദ്യ​മാ​യി എം.​ടി സി​നി​മ​യി​ൽ എ​ത്തു​ന്ന​ത്. ‘സ്​​നേ​ഹ​ത്തി​​ന്റെ മു​ഖ​ങ്ങ​ൾ’ എ​ന്ന ത​​ന്റെ ചെ​റു​ക​ഥ​യെ ‘മു​റ​പ്പെ​ണ്ണ്​’ എ​ന്ന സി​നി​മ​യു​​ടെ തി​ര​രൂ​പ​മാ​ക്കി. എ. ​വി​ൻ​സെൻറ്​ സം​വി​ധാ​നം ചെ​യ്​​ത ആ ​സി​നി​മ​യോ​ടെ എം.​ടി തി​ര​ക്ക​ഥ​ക​ൾ മ​ല​യാ​ള സി​നി​മ​യി​ലെ വി​ല​മ​തി​ക്കാ​നാ​വാ​ത്ത​താ​യി മാ​റി. ഇ​രു​ട്ടി​ന്റെ ആ​ത്മാ​വ്, ന​ഗ​ര​മേ ന​ന്ദി, അ​സു​ര​വി​ത്ത്, ഓ​ള​വും തീ​ര​വും, വി​ൽ​ക്കാ​നു​ണ്ട്​ സ്വ​പ്​​ന​ങ്ങ​ൾ, അ​ക്ഷ​ര​ങ്ങ​ൾ, അനുബന്ധം, ഉ​യ​ര​ങ്ങ​ളി​ൽ, അ​ടി​യൊ​ഴു​ക്കു​ക​ൾ, പ​ഞ്ചാ​ഗ്​​നി, വൈ​ശാ​ലി, ഒ​രു വ​ട​ക്ക​ൻ വീ​ര​ഗാ​ഥ, പെ​രു​ന്ത​ച്ച​ൻ, പ​രി​ണ​യം, സു​കൃ​തം, പ​ഴ​ശ്ശി​രാ​ജ.... എ​ണ്ണി​യാ​ൽ തീ​രാ​ത്ത​ത്ര സി​നി​മ​ക​ൾ. എം.​ടി​യു​ടെ തി​ര​ക്ക​ഥ​ക​ൾ​ക്കാ​യി നി​ർ​മാ​താ​ക്ക​ൾ വീ​ട്ടു​പ​ടി​ക്ക​ൽ കാ​വ​ൽ കി​ട​ന്നി​ട്ടു​ണ്ട്. ആ ​തൂ​ലി​ക​യി​ൽ​നി​ന്ന്​ പി​റ​ന്ന ഡ​യ​ലോ​ഗു​ക​ൾ ത​ല​മു​റ​ക​ളി​ലേ​ക്കു​കൂ​ടി പാ​ഞ്ഞു​ന​ട​ന്നു. ‘വ​ള​ർ​ത്തു​മൃ​ഗ​ങ്ങ​ൾ’ എ​ന്ന സി​നി​മ​യി​ൽ പാ​ട്ടു​ക​ൾ എ​ഴു​തു​ക​യും ചെ​യ്​​തി​ട്ടു​ണ്ട്​ എം.​ടി.

മ​ല​യാ​ള സി​നി​മ​യി​​ലെ വി​പ്ല​വം എ​ന്നു വി​ശേ​ഷി​പ്പി​ക്കാ​വു​ന്ന ‘നി​ർ​മാ​ല്യം’ സം​വി​ധാ​നം ചെ​യ്​​തു​കൊ​ണ്ടാ​യി​രു​ന്നു എം.​ടി തി​ര​ശ്ശീ​ല​യി​ൽ ത​​ന്റെ പേ​ര്​ ഒ​ന്നു​കൂ​ടി ഉ​റ​പ്പി​ച്ച​ത്. മി​ക​ച്ച ചി​ത്ര​ത്തി​നു​ള്ള രാ​ഷ്​​ട്ര​പ​തി​യു​ടെ പു​ര​സ്​​കാ​രം ക​ര​സ്​​ഥ​മാ​ക്കി​യ നി​ർ​മാ​ല്യ​ത്തി​ലെ അ​ഭി​ന​യ​ത്തി​നാ​യി​രു​ന്നു പി.​ജെ. ആ​ൻ​റ​ണി​ക്ക്​ മി​ക​ച്ച ന​ട​നു​ള്ള ദേ​ശീ​യ അ​വാ​ർ​ഡ്​ ല​ഭി​ച്ച​ത്. മ​ഞ്ഞ്, വാ​രി​ക്കു​ഴി, ബ​ന്ധ​നം,

ക​ട​വ്, ഒ​രു ചെ​റു​പു​ഞ്ചി​രി തു​ട​ങ്ങി​യ സി​നി​മ​ക​ളും ത​ക​ഴി​യെ​ക്കു​റി​ച്ചും മോ​ഹി​നി​യാ​ട്ട​ത്തെ​പ്പ​റ്റി​യും ഡോ​ക്യു​മെൻറ​റി​ക​ളും സം​വി​ധാ​നം ചെ​യ്​​തു. അ​തൊ​ക്കെ ഒ​ട്ട​നേ​കം പു​ര​സ്​​കാ​ര​ങ്ങ​ളും നേ​ടി.

പു​ര​സ്​​കാ​ര​ങ്ങ​ളി​ലെ എം.​ടി

മ​ല​യാ​ള​ത്തി​ലേ​ക്ക്​ നാ​ലാം വ​ട്ടം ജ്ഞാ​ന​പീ​ഠം ക​യ​റി​വ​ന്ന​ത്​ എം.​ടി​യി​ലൂ​ടെ​യാ​യി​രു​ന്നു. 1995ൽ ​സാ​ഹി​ത്യ​ത്തി​നു​ള്ള സ​മ​ഗ്ര സം​ഭാ​വ​ന​ക്കാ​യി​രു​ന്നു ആ ​പു​ര​സ്​​കാ​രം. 2013ൽ ​മ​ല​യാ​ള സി​നി​മ​യി​ലെ ഏ​റ്റ​വും വ​ലി​യ പു​ര​സ്​​കാ​ര​മാ​യ ജെ.​സി. ഡാ​നി​യ​ൽ അ​വാ​ർ​ഡും അ​ദ്ദേ​ഹ​ത്തി​നു ല​ഭി​ച്ചു. മി​ക​ച്ച തി​ര​ക്ക​ഥ​ക്ക്​ നാ​ലു​ ത​വ​ണ​യാ​ണ്​ ദേ​ശീ​യ പു​ര​സ്​​കാ​രം ല​ഭി​ച്ച​ത്. 11 ത​വ​ണ സം​സ്​​ഥാ​ന അ​വാ​ർ​ഡും ല​ഭി​ച്ചു. 2005ല്‍ ​രാ​ജ്യം പ​ത്മ​ഭൂ​ഷ​ണ്‍ ന​ല്‍കി ആ​ദ​രി​ച്ചു.

എം.ടി സംവിധാനം ചെയ്ത ‘നിർമാല്യ’ത്തിൽ നിന്ന്

കേ​ര​ള-​കേ​ന്ദ്ര സാ​ഹി​ത്യ അ​ക്കാ​ദ​മി പു​ര​സ്​​കാ​ര​ങ്ങ​ള​ട​ക്കം സാ​ഹി​ത്യ​ത്തി​ലെ പ്ര​ധാ​ന​പ്പെ​ട്ട എ​ല്ലാ പു​ര​സ്​​കാ​ര​ങ്ങ​ളും അ​ദ്ദേ​ഹ​ത്തിന്റെ ഷോ​കേ​സി​ൽ എ​ത്തി. ദാ​രി​ദ്ര്യം കാ​ര​ണം ഒ​രു​കാ​ല​ത്ത്​ മു​ട​ങ്ങി​പ്പോ​യ വി​ദ്യാ​ഭ്യാ​സ​ത്തി​​ന്​ പ്രാ​യ​ശ്ചി​ത്ത​മെ​ന്നോ​ണം കാ​ലി​ക്ക​റ്റ്​ സ​ർ​വ​ക​ലാ​ശാ​ല ഡി.​ലി​റ്റ്​ ബി​രു​ദം ന​ൽ​കി എം.​ടി​യെ ആ​ദ​രി​ച്ചു.

അ​പൂ​ർ​വ​മാ​യി മാ​ത്രം ചി​രി​ക്കു​ന്നൊ​രാ​ളാ​യി​രു​ന്നു എം.​ടി. എ​പ്പോ​ഴെ​ങ്കി​ലും ചി​രി​ച്ചാ​ൽ അ​ത്​ പ​ക​ർ​ത്താ​ൻ കാ​മ​റ​ക്കാ​ർ മ​ത്സ​രി​ച്ചു​ന​ട​ന്നി​ട്ടു​ണ്ട്. നി​ല​പാ​ടു​ക​ളി​ലെ കാ​ർ​ക്ക​ശ്യ​മാ​യി​രു​ന്നു എം.​ടി​യു​ടെ പ്ര​ത്യേ​ക​ത. അ​ത്​ പ​ല​പ്പോ​ഴും ധി​ക്കാ​ര​മാ​യി​വ​രെ വി​ല​യി​രു​ത്തി​യി​ട്ടു​ണ്ട്.

വിദ്യാഭ്യാസ മന്ത്രി പി.ജെ. ജോസഫിൽ നിന്നും ഡിലിറ്റ് ബിരുദം സ്വീകരിക്കുന്ന എം.ടി (ഫയൽ ഫോട്ടോ)

‘‘എം.​ടി​യി​ൽ ക​ണ്ട ധ​ന്യ​ത അ​ദ്ദേ​ഹ​ത്തി​​ന്റെ ധി​ക്കാ​ര​മാ​ണ്. ഒ​രു ഒ​ത്തു​തീ​ർ​പ്പി​നും ത​യാ​റാ​കാ​ത്ത എ​ഴു​ത്തു​കാ​ര​ൻ...’’ എ​ന്ന്​ ഒ​രി​ക്ക​ൽ പി. ​ഭാ​സ്​​ക​ര​ൻ അ​നു​സ്​​മ​രി​ച്ചി​ട്ടു​ണ്ട്. ബാ​ബ​രി മ​സ്​​ജി​ദ്​ ത​ക​ർ​ക്ക​പ്പെ​ട്ട​പ്പോ​ഴും നോ​ട്ടു​നി​രോ​ധ​നം അ​ടി​ച്ചേ​ൽ​പി​ച്ച​പ്പോ​ഴും അ​ദ്ദേ​ഹം ശ​ക്ത​മാ​യ വാ​ക്കു​ക​ളി​ൽ പ്ര​തി​ക​രി​ച്ചി​ട്ടു​ണ്ട്. കാ​ലം ഇ​നി​യും ക​ട​ന്നു​പോ​കും. ഋ​തു​ക്ക​ൾ മാ​റി വ​രും. അ​പ്പോ​ഴും ക​ല​യും സാ​ഹി​ത്യ​വും ഇ​വി​ടെ​യു​ണ്ടാ​വും. എം.​ടി​യു​ടെ ര​ച​ന​ക​ളും പ​ക​ർ​ന്നു​ത​ന്ന ദൃ​ശ്യാ​നു​ഭ​വ​ങ്ങ​ളും ആ ​കാ​ല​ത്തി​ലൂ​ടെ അ​പ്പോ​ഴും ന​മു​ക്കൊ​പ്പ​മു​ണ്ടാ​വും. കാലമേ നന്ദി.. വാക്കുകൾക്ക്... നിലപാടുകൾക്ക്...