വിമാനത്താവളത്തിലെ വിദേശമദ്യ നികുതി വെട്ടിപ്പ്​:കേസ്​ ഒതുക്കാനുള്ള നീക്കം തടയാൻ കേന്ദ്രസർക്കാർ ശ്രമം തുടങ്ങി

കൊ​ച്ചി: തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ യാ​ത്ര​ക്കാ​രു​ടെ പാ​സ്പോ​ർ​ട്ടി​ലെ വി​വ​ര​ങ്ങ​ൾ ചോ​ർ​ത്തി 18 കോ​ടി​യു​ടെ മ​ദ്യ​ത്ത​ട്ടി​പ്പ് ന​ട​ത്തി​യ കേ​സ്​ ചെ​റി​യ പി​ഴ​യ​ട​ച്ച്​ അ​ട്ടി​മ​റി​ക്കാ​നു ​ള്ള നീ​ക്കം ത​ട​യാ​ൻ കേ​ന്ദ്ര​സ​ർ​ക്കാ​റും ക​സ്​​റ്റം​സും ശ്ര​മം തു​ട​ങ്ങി. നി​കു​തി ത​ട്ടി​പ്പ്​ കേ​സ്​ ​25 ല​ക്ഷം രൂ​പ​ക്ക്​ ഒ​ത്തു​തീ​ർ​ക്കാ​ൻ ചെ​ന്നൈ​യി​ലെ സെ​റ്റി​ൽ​മ​െൻറ്​ ക​മീ​ഷ​ൻ മു​മ്പാ​കെ പ്ല​സ്​ മാ​ക്​​സ്​ ഡ്യൂ​ട്ടി ഫ്രീ (​പ്രൈ​വ​റ്റ്) ലി​മി​റ്റ​ഡ്​ അ​പേ​ക്ഷ ന​ൽ​കി​യി​രു​ന്നു. ഈ ​നീ​ക്കം ശ​ക്ത​മാ​യ​തോ​ടെ​യാ​ണ്​ കോ​ട​തി​യു​ടെ പ​രി​ഗ​ണ​ന​യി​ലി​രി​ക്കു​ന്ന കേ​സി​ൽ സെ​റ്റി​ൽ​മ​െൻറ്​ പാ​ടി​ല്ലെ​ന്ന വാ​ദ​മു​യ​ർ​ത്തി കോ​ട​തി മു​ഖേ​ന​ത​ന്നെ പ്ര​തി​രോ​ധി​ക്കാ​നാ​ണ്​ കേ​ന്ദ്ര​സ​ർ​ക്കാ​റി​​െൻറ ശ്ര​മം. ചി​ല ക​സ്​​റ്റം​സ്​ ഉ​ദ്യോ​ഗ​സ്ഥ​രു​ടെ ഒ​ത്താ​ശ​യോ​ടെ പാ​സ്പോ​ര്‍ട്ടി​ലെ വി​വ​ര​ങ്ങ​ള്‍ ചോ​ര്‍ത്തി സം​ഘ​ടി​പ്പി​ക്കു​ന്ന വി​ദേ​ശ​മ​ദ്യം കൂ​ടി​യ വി​ല​​ക്ക് വി​റ്റ്​ പ്ല​സ്​ മാ​ക്​​സ്​ ​ ലാ​ഭ​മു​ണ്ടാ​ക്കി​യെ​ന്ന്​ ക​സ്​​റ്റം​സ്​ പ്രി​വ​ൻ​റി​വ്​ വി​ഭാ​ഗം ക​ണ്ടെ​ത്തി​യി​രു​ന്നു. 2017 മു​ത​ൽ 18 കോ​ടി​യോ​ളം രൂ​പ​യു​ടെ നി​കു​തി വെ​ട്ടി​പ്പ്​​ന​ട​ന്ന​താ​യാ​ണ്​ ക​ണ്ടെ​ത്തി​യ​ത്​.

24 ല​ക്ഷം രൂ​പ​യും പ​ലി​ശ​യും അ​ട​ക്കാ​ൻ ത​യാ​റാ​ണെ​ന്നും നി​കു​തി ത​ട്ടി​പ്പ്​ കേ​സ്​ തീ​ർ​പ്പാ​ക്ക​ണ​മെ​ന്നു​മു​ള്ള ആ​വ​ശ്യ​മാ​ണ്​ പ്ല​സ്​ മാ​ക്​​സ്​ ഉ​ന്ന​യി​ച്ച​ത്. ക​ക്ഷി​ക​ൾ​ നി​കു​തി വെ​ട്ടി​പ്പ്​ ഏ​റ്റു​പ​റ​ഞ്ഞാ​ൽ​ പി​ഴ ഒ​ടു​ക്കി തീ​ർ​പ്പാ​ക്ക​ലാ​ണ്​ ക​സ്​​റ്റം​സ്​ ആ​ക്​​ട്​ പ്ര​കാ​രം രൂ​പ​വ​ത്​​ക​രി​ക്ക​പ്പെ​ട്ട ക​മീ​ഷ​​​​െൻറ ദൗ​ത്യം. എ​ന്നാ​ൽ, തെ​ളി​വെ​ടു​പ്പ്​ ന​ട​ത്തി ക​സ്​​റ്റം​സി​​െൻറ കൂ​ടി അ​നു​വാ​ദ​ത്തോ​ടെ മാ​ത്ര​മേ ഇ​ത്​ സാ​ധ്യ​മാ​വൂ. പ്ല​സ്​ മാ​ക്​​സി​​െൻറ അ​പേ​ക്ഷ പ​രി​ഗ​ണി​ക്ക​ര​ു​തെ​ന്നും കേ​സ്​ കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്നും കേ​ന്ദ്ര​സ​ർ​ക്കാ​ർ ആ​വ​ശ്യ​​പ്പെ​​ട്ടെ​ങ്കി​ലും തെ​ളി​വെ​ടു​പ്പ്​ ന​ട​ത്താ​നാ​ണ്​ ക​മീ​ഷ​ൻ തീ​രു​മാ​നി​ച്ച​ത്. ജ​നു​വ​രി 27ന്​ ​ചെ​െ​ന്നെ​യി​ൽ തെ​ളി​വെ​ടു​പ്പ്​ നി​ശ്ച​യി​ക്കു​ക​യും ചെ​യ്​​തു. എ​ന്നാ​ൽ, കു​ടു​ത​ൽ സ​മ​യം അ​നു​വ​ദി​ക്ക​ണ​മെ​ന്നും തെ​ളി​വെ​ടു​പ്പ്​ മാ​റ്റി​വെ​ക്ക​ണ​മെ​ന്നും ക​സ്​​റ്റം​സ്​ ആ​വ​ശ്യ​പ്പെ​ട്ടി​ട്ടു​ണ്ട്. സെ​റ്റി​ൽ​മ​െൻറ്​ ക​മീ​ഷ​ൻ പ്ല​സ്​ മാ​ക്​​സി​​െൻറ അ​പേ​ക്ഷ അ​ടി​യ​ന്ത​ര​മാ​യി പ​രി​ഗ​ണി​ക്കു​ന്ന​തി​ന്​ ത​ട​യി​ടാ​ൻ കോ​ട​ത​ി​യെ സ​മീ​പി​ക്കു​ക​യെ​ന്ന​താ​ണ്​ അ​ടു​ത്ത നീ​ക്കം.

ക്ര​മ​ക്കേ​ടി​നെ​ത്തു​ട​ർ​ന്ന് തി​രു​വ​ന​ന്ത​പു​ര​ത്ത് ഡ്യൂ​ട്ടി ഫ്രീ ​ഷോ​പ്പ് ന​ട​ത്താ​നു​ള്ള അ​നു​മ​തി ക​സ്​​റ്റം​സ്​ പി​ൻ​വ​ലി​ച്ച​തും ഷോ​പ്പ് അ​ട​ച്ചു​പൂ​ട്ടാ​നു​ള്ള ഉ​ത്ത​ര​വും ഹൈ​കോ​ട​തി റ​ദ്ദാ​ക്കി​യി​രു​ന്നു. ഈ ​ഉ​ത്ത​ര​വി​നെ​തി​രാ​യ കേ​ന്ദ്ര​സ​ർ​ക്കാ​റി​​െൻറ അ​പ്പീ​ൽ കോ​ട​തി​യു​ടെ പ​രി​ഗ​ണ​ന​യി​ലാ​ണ്. ഷോ​പ്പ് ന​ട​ത്തി​പ്പി​ന് ന​ൽ​കി​യ അ​പേ​ക്ഷ ത​ള്ളി​യ​തി​നെ​തി​രെ പ്ല​സ് മാ​ക്സ് ന​ൽ​കി​യ മ​റ്റൊ​രു ഹ​ര​ജി​യും കോ​ട​തി​യു​ടെ പ​രി​ഗ​ണ​ന​യി​ലു​ണ്ട്. ഇ​വ കോ​ട​തി​യു​ടെ പ​രി​ഗ​ണ​ന​യി​ലി​രി​ക്കെ സെ​റ്റി​ൽ​മ​െൻറ്​ ക​മീ​ഷ​നെ സ​മീ​പി​ച്ച​ത്​ കേ​സ്​ അ​ട്ടി​മ​റി​ക്കാ​നു​ള്ള ശ്ര​മ​ത്തി​​െൻറ ഭാ​ഗ​മാ​െ​ണ​ന്നാ​ണ്​ ക​സ്​​റ്റം​സും കേ​ന്ദ്ര​സ​ർ​ക്കാ​റും ചൂ​ണ്ടി​ക്കാ​ട്ടു​ന്ന​ത്​. ക​ഴി​ഞ്ഞ ദി​വ​സം ത​മി​ഴ്‌​നാ​ട്ടി​ലെ കാ​ള​പ്പെ​ട്ടി​യി​ൽ ഇ​റ​ക്കു​മ​തി​ചെ​യ്ത വി​ദേ​ശ​മ​ദ്യം വി​ൽ​ക്കാ​ൻ ശ്ര​മി​ക്കു​ന്ന​തി​നി​ടെ പി​ടി​യി​ലാ​യ​വ​രി​ൽ ര​ണ്ടു​പേ​ർ​ തി​രു​വ​ന​ന്ത​പു​രം വി​ദേ​ശ​മ​ദ്യ ക്ര​മ​ക്കേ​ട്​ കേ​സി​ൽ ബ​ന്ധ​മു​ണ്ടാ​യി​രു​ന്ന പ്ല​സ്​ മാ​ക്​​സ്​ ജീ​വ​ന​ക്കാ​രാ​ണെ​ന്ന കാ​ര്യ​വും കോ​ട​തി​യി​ൽ ഉ​ന്ന​യി​ക്കും.