തദ്ദേശ ഉപതെരഞ്ഞെടുപ്പിൽ ഇടതിന്​ 12, യു.ഡി.എഫിന്​ ഏഴ്​

തിരുവനന്തപുരം: തദ്ദേശ ഉപതെരഞ്ഞെടുപ്പിൽ ഇടതുമുന്നണിക്ക്​ മുൻതൂക്കം. 19 വാർഡുകളിലേക്ക്​ നടന്ന തെരഞ്ഞെടുപ്പിൽ ഇടതുമുന്നണിക്ക്​ 12ഉം യു.ഡി.എഫിന്​ ഏഴും സീറ്റ്​ ലഭിച്ചു. 2015ലെ പൊതു തെര​െഞ്ഞടുപ്പിൽ  ഇൗ വാർഡുകളിൽ ഇടതുമുന്നണി​ 13ഉം, യു.ഡി.എഫ് അഞ്ചും കേരള കോൺഗ്രസ്​ (എം) ഒരു സീറ്റും നേടിയിരുന്നു. ഉപതെരഞ്ഞെടുപ്പിൽ ഇടതുമുന്നണിക്കും മാണി ഗ്രൂപ്പിനും ഒരു സീറ്റ്​ വീതം കുറഞ്ഞു. യു.ഡി.എഫിന്​ രണ്ട്​ സീറ്റ്​ അധികം കിട്ടി.

കരിങ്കുറ്റി (പത്തനംതിട്ട), വെട്ടിക്കുഴക്കവല (ഇടുക്കി), സാമൂഹിക സേവാ സംഘം(എറണാകുളം), പോത്തുകല്ല് (മലപ്പുറം) വാർഡുകൾ ഇടതുമുന്നിയിൽനിന്ന്​ യു.ഡി.എഫ് പിടിച്ചെടുത്തപ്പോൾ കരുവിലാഞ്ചി(തിരുവനന്തപുരം), കുഴിക്കാല കിഴക്ക്(പത്തനംതിട്ട) എന്നീ വാർഡുകൾ യു.ഡി.എഫിൽ നിന്നും ഓന്തേക്കാട് (പത്തനംതിട്ട) വാർഡ് കേരള കോൺഗ്രസ്​ (എം)ൽ നിന്നും ഇടതുമുന്നണിയും പിടിച്ചെടുത്തു.  

എൽ.ഡി.എഫ് വിജയിച്ച വാർഡ്, സ്​ഥാനാർഥി, ഭൂരിപക്ഷം ക്രമത്തിൽ. തിരുവനന്തപുരം വിളപ്പിൽ-കരുവിലാഞ്ചി- രതീഷ്. ആർ.എസ്​-518, കൊല്ലം കോർപറേഷനിലെ അമ്മൻനട- ചന്ദ്രികാ ദേവി-242, ഇത്തിക്കര ബ്ലോക്ക്പഞ്ചായത്തിലെ ചാത്തന്നൂർ വടക്ക്- ആർ.എസ്​. ജയലക്ഷ്​മി-1581, പത്തനംതിട്ട-മല്ലപ്പുഴശ്ശേരി-ഓന്തേക്കാട്-ഉഷാകുമാരി.എസ്​-165, മല്ലപ്പുഴശ്ശേരി- കുഴിക്കാല കിഴക്ക്- ശാലിനി അനിൽ കുമാർ-52, പന്തളം തെക്കേക്കര- പൊങ്ങലടി- കൃഷ്ണകുമാർ-130, പാലക്കാട് കുഴൽമന്ദം ബ്ലോക്ക്പഞ്ചായത്തിലെ കോട്ടായി-ജയരാജ്. എം.ആർ-1403, ചെർപ്പുളശ്ശേരി നഗരസഭയിലെ നരിപ്പറമ്പ്- ഷാജി പാറക്കൽ-263, കോഴിക്കോട് കൊയിലാണ്ടി നഗരസഭയിലെ പന്തലായനി-രേഖ.വികെ-351, ഉള്ള്യേരി- പുത്തഞ്ചേരി-രമ കൊട്ടാരത്തിൽ-274, കണ്ണൂർ- പാപ്പിനിശ്ശേരി- ധർമ്മക്കിണർ- സീമ.എം-478, ഇരിട്ടി നഗരസഭയിലെ ആട്ട്യാലം- അനിത.കെ-253.

യു.ഡി.എഫ്  വിജയിച്ചവ: പത്തനംതിട്ട- മല്ലപ്പുഴശ്ശേരി- ഓന്തേക്കാട് വടക്ക്- എബ്രഹാം.ടി.എ-35, റാന്നിഅങ്ങാടി-കരിങ്കുറ്റി-ദീപാസജി-ഏ​ഴ്​, ഇടുക്കി-കട്ടപ്പന നഗരസഭ വെട്ടിക്കുഴക്കവല-അഡ്വ. സണ്ണി ചെറിയാൻ കുറ്റിപ്പുറത്ത്-119, എറണാകുളം പള്ളിപ്പുറം- സാമൂഹിക സേവാ സംഘം- ഷാരോൺ.ടി.എസ്​-131, മലപ്പുറം മഞ്ചേരി നഗരസഭയിലെ പാലക്കുളം- കട്ടിലപ്പറമ്പിൽ വേലായുധൻ-119, പോത്തുകല്ല്- സി.എച്ച് സുലൈമാൻ ഹാജി-167, കണ്ണൂർ- ഉളിക്കൽ- കതുവാപ്പറമ്പ്- ജെസി ജെയിംസ്​ നടയ്ക്കൽ-288.