തദ്ദേശ ഉപതെരഞ്ഞെടുപ്പ്: 6 സീറ്റുകൾ നഷ്ടപ്പെട്ട് എൽ.ഡി.എഫ്; യു.ഡി.എഫ് അഞ്ച് സീറ്റുകൾ പിടിച്ചെടുത്തു

തി​രു​വ​ന​ന്ത​പു​രം: 28 ത​ദ്ദേ​ശ വാ​ർ​ഡു​ക​ളി​ലേ​ക്ക്​ ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ യു.​ഡി.​എ​ഫി​ന്​ നേ​ട്ടം. ഇ​ട​തു​ മു​ന്ന​ണി​യു​ടെ കൈ​വ​ശ​മു​ണ്ടാ​യി​രു​ന്ന അ​ഞ്ച്​ സീ​റ്റു​ക​ൾ യു.​ഡി.​എ​ഫും ഒ​ന്ന്​ ബി.​ജെ.​പി​യും പി​ടി​ച്ചെ​ടു​ത്തു. യു.​ഡി.​എ​ഫി​ന്‍റെ ഒ​രു വാ​ർ​ഡ്​ ഇ​ട​തു​ മു​ന്ന​ണി​യും പി​ടി​ച്ചെ​ടു​ത്തു.

15 വാ​ർ​ഡു​ക​ളി​ൽ ഇ​ട​തു​ മു​ന്ന​ണി​യും 11ൽ ​യു.​ഡി.​എ​ഫും ര​ണ്ടി​ൽ ബി.​ജെ.​പി​യും വി​ജ​യി​ച്ചു. സ്വ​ത​ന്ത്ര​ന്മാ​ര​ട​ക്ക​മാ​ണി​ത്. കൊ​ല്ലം കോ​ർ​പ​റേ​ഷ​നി​ലെ മീ​ന​ത്തു​​ചേ​രി, സു​ൽ​ത്താ​ൻ​ബ​ത്തേ​രി ന​ഗ​ര​സ​ഭ​യി​ലെ പാ​ളാ​ക്ക​ര, ക​ട​പ്ലാ​മ​റ്റം പ​ഞ്ചാ​യ​ത്തി​ലെ വ​യ​ലാ ടൗ​ൺ വാ​ർ​ഡ്, തൃ​ത്താ​ല പ​ഞ്ചാ​യ​ത്ത് വ​ര​ണ്ടു​ക​റ്റി​ക്ക​ട​വ്, ചെ​റു​വ​ണ്ണൂ​ർ പ​ഞ്ചാ​യ​ത്തി​ലെ ക​ക്ക​റ​മു​ക്ക്​ എ​ന്നി​വ​യാ​ണ്​ യു.​ഡി.​എ​ഫ്​ പി​ടി​ച്ചെ​ടു​ത്ത​ത്. ക​ഴി​ഞ്ഞ ത​വ​ണ യു.​ഡി.​എ​ഫ്​ വി​മ​ത​ൻ വി​ജ​യി​ച്ച തി​രു​നാ​വാ​യ പ​ഞ്ചാ​യ​ത്തി​ലെ അ​ഴ​ക​ത്തു​ക​ളം വാ​ർ​ഡി​ൽ ഇ​ക്കു​റി യു.​ഡി.​എ​ഫ്​ സ്വ​ത​ന്ത്ര​ൻ വി​ജ​യി​ച്ചു. പ​ത്ത​നം​തി​ട്ട ക​ല്ലൂ​പ്പാ​റ പ​ഞ്ചാ​യ​ത്തി​ലെ അ​മ്പാ​ട്ടു​ഭാ​ഗം വാ​ർ​ഡ്​ സി.​പി.​എ​മ്മി​ൽ​നി​ന്ന്​ ബി.​ജെ.​പി പി​ടി​ച്ചെ​ടു​ത്തു.

തി​രു​വ​ന​ന്ത​പു​രം ക​ട​യ്ക്കാ​വൂ​ര്‍ പ​ഞ്ചാ​യ​ത്തി​ലെ നി​ല​യ്ക്കാ​മു​ക്ക്‌ വാ​ർ​ഡി​ൽ ഇ​ട​തു​ മു​ന്ന​ണി വി​ജ​യി​ച്ചു. ക​ഴി​ഞ്ഞ ത​വ​ണ യു.​ഡി.​എ​ഫ്​ പ്ര​തി​നി​ധി​യാ​യി വി​ജ​യി​ച്ച അം​ഗം രാ​ജി​വെ​ച്ച്​ സി.​പി.​എ​മ്മി​ൽ ചേ​ർ​ന്ന്​ തെ​ര​ഞ്ഞെ​ടു​പ്പി​നെ നേ​രി​ട്ട്​ വി​ജ​യി​ച്ചു.

ക​ഴി​ഞ്ഞ ത​വ​ണ സി.​പി.​എം ഇ​വി​ടെ മൂ​ന്നാം സ്ഥാ​ന​ത്താ​ണ്. ഉ​പ​തെ​ര​ഞ്ഞെ​ടു​പ്പി​നു​ മു​മ്പ്​ ഈ ​വാ​ർ​ഡു​ക​ളി​ൽ ഇ​ട​തു​ മു​ന്ന​ണി​ക്ക്​ സ്വ​ത​ന്ത്ര​ര​ട​ക്കം 20 അം​ഗ​ങ്ങ​ളും യു.​ഡി.​എ​ഫി​ന്​ ആ​റും ബി.​ജെ.​പി​ക്ക്​ ഒ​ന്നും ഒ​രു സ്വ​ത​ന്ത്ര​നു​മാ​യി​രു​ന്നു. ഇ​ട​തു​മു​ന്ന​ണി​ക്ക്​ അ​ഞ്ച്​ വാ​ർ​ഡു​ക​ൾ ന​ഷ്ട​പ്പെ​ട്ടു. യു.​ഡി.​എ​ഫി​ന്​ അ​ഞ്ച്​ വാ​ർ​ഡു​ക​ളും ബി.​ജെ.​പി​ക്ക്​ ഒ​ന്നും അ​ധി​കം ല​ഭി​ച്ചു.

ഇ​ട​മു​ള​യ്ക്ക​ൽ തേ​വ​ർ​തോ​ട്ടം, ക​ല്ലൂ​പ്പാ​റ അ​മ്പാ​ട്ടു​ഭാ​ഗം, പാ​റ​ത്തോ​ട്​ ഇ​ട​ക്കു​ന്നം, ക​ട​ങ്ങോ​ട്​ ചി​റ്റി​ല​ങ്ങാ​ട്, ക​ട​മ്പ​ഴി​പ്പു​റം പാ​ട്ടി​മ​ല എ​ന്നി​വി​ട​ങ്ങ​ളി​ൽ യു.​ഡി.​എ​ഫും ത​ണ്ണീ​ർ​മു​ക്ക​ത്ത്​ ഇ​ട​തു​ മു​ന്ന​ണി​യും മൂ​ന്നാം സ്ഥാ​ന​ത്തേ​ക്ക്​ പോ​യി.

• തിരുവനന്തപുരം കടയ്ക്കാവൂർ പഞ്ചായത്തിലെ നിലയ്ക്കാമുക്ക് വാർഡിൽ എൽ.ഡി.എഫ് സീറ്റ് പിടിച്ചെടുത്തു. യു.ഡി.എഫ് ഭരിച്ചിരുന്ന സീറ്റിൽ സി.പി.എം സ്ഥാനാർഥി ബീന രാജീവ് വിജയിച്ചു.
  
• കൊല്ലം കോർപറേഷനിലെ മീനത്തുചേരി ഡിവിഷനിൽ യു.ഡി.എഫ് 632 വോട്ടിന്റെ ഭൂരിപക്ഷത്തിൽ സീറ്റ് പിടിച്ചെടുത്തു. വിളക്കുടി പഞ്ചായത്തിലെ ഒന്നാം വാർഡിലും ഇടമുളയ്ക്കൽ പഞ്ചായത്തിലെ നാലാം വാർഡിലും എൽ.ഡി.എഫ് സീറ്റ് നിലനിർത്തി.
  
• ആലപ്പുഴ തണ്ണീർമുക്കം പഞ്ചായത്തിൽ ബി.ജെ.പിയും എടത്വയിൽ എൽ.ഡി.എഫും സീറ്റ് നിലനിർത്തി.
  
• പത്തനംതിട്ട കല്ലൂപ്പാറ 7-ാം വാർഡ് ഉപതിരഞ്ഞെടുപ്പിൽ ബി.ജെ.പി സ്ഥാനാർഥി രാമചന്ദ്രൻ വിജയിച്ചു. എൽ.ഡി.എഫ് സീറ്റ് ബി.ജെ.പി പിടിച്ചെടുക്കുകയായിരുന്നു.
  
• കോട്ടയം കടപ്ലാമറ്റം വയലാ ടൗൺ വാർഡ് യു.ഡി.എഫ് പിടിച്ചെടുത്തു.
  
• എറണാകുളം കോതമംഗലം പോത്താനിക്കാട് പഞ്ചായത്തിൽ എൽ.ഡി.എഫ് സീറ്റ് നിലനിർത്തി. സി.പി.എം സ്ഥാനാർഥി സാബു മാധവൻ 43 വോട്ടിനാണ് വിജയിച്ചത്.
  
• തൃശൂർ കടങ്ങോട് പഞ്ചായത്ത് 14–ാം വാർ‌ഡ് ചിറ്റിലങ്ങാട് സി.പി.എം സ്ഥാനാർഥി എം.കെ. ശശിധരൻ സീറ്റ് നിലനിർത്തി.
  
• പാലക്കാട് ജില്ല പഞ്ചായത്ത് ആലത്തൂർ ഡിവിഷൻ എൽ.ഡി.എഫ് നിലനിർത്തി. കടമ്പഴിപ്പുറം പതിനേഴാം വാർഡും വെള്ളിനേഴി പഞ്ചായത്ത് ഒന്നാംവാർഡും എൽഡിഎഫ് നിലനിർത്തി. തൃത്താല പഞ്ചായത്ത് നാലാംവാർഡ് എൽ.ഡി.എഫിൽനിന്ന് യു.ഡി.എഫ് പിടിച്ചെടുത്തു. ആനക്കര പഞ്ചായത്ത് 17ാം വാർഡ് യു.ഡിഎ.ഫ് നിലനിർത്തി.
  
• മലപ്പുറം കരുളായി ചക്കിട്ടാമല വാർഡ് യു.ഡി.എഫ് നിലനിർത്തി. 68 വോട്ടിന് ലീഗ് സ്ഥാനാർഥിയാണ് ജയിച്ചത്.
  
• കോഴിക്കോട് ചെറുവണ്ണൂർ പഞ്ചായത്തിലെ 15–ാം വാർഡ് യു.ഡി.എഫ് പിടിച്ചെടുത്തു. മുസ്‌ലിം ലീഗിലെ പി. മുംതാസ് ആണു വിജയിച്ചത്.
  
• കണ്ണൂരിൽ 3 തദ്ദേശ വാർഡുകളിലേക്കു നടന്ന ഉപതിരഞ്ഞെടുപ്പിൽ എൽ.ഡി.എഫ് സീറ്റുകൾ നിലനിർത്തി. ശ്രീകണ്ഠപുരം നഗരസഭ കോട്ടൂർ വാർഡിൽ കെ.സി അജിത ജയിച്ചു. പേരാവൂർ പഞ്ചായത്ത് മേൽമുരിങ്ങോടി വാർഡിൽ ടി. രഗിലാഷും മയ്യിൽ പഞ്ചായത്ത് വള്ളിയോട്ട് വാർഡിൽ ഇ.പി. രാജനും ജയിച്ചു.
  
• വയനാട് ബത്തേരി നഗരസഭ പാളാക്കര ഉപതിരഞ്ഞെടുപ്പില്‍ യു.ഡി.എഫ് വിജയിച്ചു.