ചാരുംമൂട് സംഘർഷം: നാല് കോൺഗ്രസ് നേതാക്കൾ റിമാൻഡിൽ

ചാരുംമൂട്: ചാരുംമൂട്ടിലെ കോൺഗ്രസ്-സി.പി.ഐ സംഘർഷവുമായി ബന്ധപ്പെട്ട കേസിൽ അറസ്റ്റിലായ നാല് കോൺഗ്രസ് നേതാക്കളെ റിമാൻഡ്​ ചെയ്തു. കോൺഗ്രസ് നൂറനാട് ബ്ലോക്ക് പ്രസിഡന്‍റ്​ ജി. ഹരിപ്രകാശ്, യു.ഡി.എഫ് മാവേലിക്കര നിയോജകമണ്ഡലം ചെയർമാൻ അനി വർഗീസ്, ബ്ലോക്ക് ജനറൽ സെക്രട്ടറി ശ്രീകുമാർ അളകനന്ദ, എക്സിക്യൂട്ടിവ് അംഗം തോമസ് ഡേവിഡ് എന്നിവരെയാണ് മാവേലിക്കര കോടതി റിമാൻഡ്​ ചെയ്തത്. നൂറനാട് സി.ഐ ടി. മനോജി‍ൻെറ നേതൃത്വത്തിലാണ് ഇവരെ അറസ്റ്റ് ചെയ്തത്.