തോട്ടിൽ ശൗചാലയ മാലിന്യം തള്ളുന്നു

അമ്പലപ്പുഴ: റോഡരികിൽ ശൗചാലയ മാലിന്യം തള്ളി. ദുർഗന്ധം മൂലം പൊറുതി മുട്ടി നാട്ടുകാർ. അമ്പലപ്പുഴ-തിരുവല്ല റോഡിൽ കരുമാടി ജങ്​ഷന് കിഴക്ക് ഭാഗത്തെ തോട്ടിലാണ് തിങ്കളാഴ്ച പുലർച്ച ശൗചാലയ മാലിന്യം തള്ളിയത്. രാവിലെ പുല്ലുചെത്താനിറങ്ങിയ സമീപവാസി പ്രകാശാണ് ഇത് കണ്ടത്. പ്രദേശത്ത് ശൗചാലയ മാലിന്യവും കോഴി, മറ്റ് ഇറച്ചി മാലിന്യവും വീടുകളിൽനിന്നും കടകളിൽനിന്നുമുള്ള മാലിന്യം തള്ളുന്നത് പതിവായെന്ന് നാട്ടുകാർ പറയുന്നു. ചാക്കുകളിലാണ് കൂടുതലായും തള്ളുന്നത്. മഴ ശക്തമായതോടെ ശൗചാലയ മാലിന്യം ഉൾപ്പെടെയുള്ളവ ഒഴുകി വീടുകളിലെത്തുന്നതുമൂലം പകർച്ചവ്യാധി ഭീഷണിയും ഉയർന്നിരിക്കുകയാണ്. മാലിന്യം തള്ളുന്നതിനെതിരെ നാട്ടുകാർ പലതവണ പൊലീസിൽ പരാതി നൽകിയിട്ടും ഇതിന് പരിഹാരമായിട്ടില്ല. പടം കരുമാടി ജങ്​ഷന് കിഴക്കുഭാഗത്തെ തോട്ടില്‍ ചാക്കിലാക്കിയ മാലിന്യം തള്ളിയിരിക്കുന്നു