അഖില മലങ്കര ഓര്‍ത്തഡോക്‌സ് ശുശ്രൂഷക സംഘം പരിശീലന ക്യാമ്പ് പരുമലയില്‍

പരുമല: അഖില മലങ്കര ഓര്‍ത്തഡോക്‌സ് ശുശ്രൂഷകസംഘം (എ എം.ഒ.എസ്.എസ്) അന്തര്‍ദേശീയ പരിശീലന ക്യാമ്പ് മേയ് 26, 27, 28 തീയതികളില്‍ പരുമല സെമിനാരിയില്‍ നടക്കും. ഇന്ത്യയിലും വിദേശത്തുമുള്ള ഇടവകകളില്‍നിന്ന്​ 500 മദ്ബഹ ശുശ്രൂഷകര്‍ പങ്കെടുക്കും. 26ന് വൈകീട്ട് നാലിന് ഡോ. യൂഹാനോന്‍ മാര്‍ തേവോദോറോസ് മെത്രാപ്പോലീത്ത ഉദ്ഘാടനം ചെയ്യും. ബെന്യാമിന്‍ മുഖ്യസന്ദേശം നല്‍കും. എല്ലാ സെഷനുകളും ഓണ്‍ലൈനായി പങ്കെടുക്കുന്നതിനുള്ള സൗകര്യം ഗ്രിഗോറിയന്‍ ടി.വി യിലൂടെ ക്രമീകരിച്ചിട്ടുണ്ടെന്ന് വൈസ് പ്രസിഡന്റ് ഫാ. ജോസ് തോമസ് പൂവത്തുങ്കല്‍, ജനറല്‍ സെക്രട്ടറി ബിജു വി. പന്തപ്ലാവ് എന്നിവര്‍ അറിയിച്ചു.