ഏഴാമത് എം.എൻ. കുറുപ്പ് കാവ്യപുരസ്കാരം സൃഷ്ടികൾ ക്ഷണിക്കുന്നു

മാരാരിക്കുളം: പത്രപ്രവർത്തകനും കവിയും നാടകക്കാരനും പുരോഗമന കലാസാഹിത്യ സംഘത്തിന്റെ സ്ഥാപക നേതാവുമായിരുന്ന എം.എൻ. കുറുപ്പിന്റെ സ്മരണാർഥം യുവ എഴുത്തുകാർക്കുള്ള എം.എൻ കാവ്യപുരസ്കാരത്തിന് സൃഷ്ടികൾ ക്ഷണിച്ചു. 2022 ജൂലൈ ഒമ്പതിന് 45 വയസ്സ്​ കവിയാത്തവരിൽനിന്നുമാണ് സൃഷ്ടികൾ സ്വീകരിക്കുക. മൗലികവും മുമ്പ് പ്രസിദ്ധീകരിക്കാത്തതുമായ കവിതയാകണം. മൂന്ന് പേജിൽ കവിയരുത്. ഒരാൾ ഒരു കവിത മാത്രമേ അയക്കാവൂ. 10,001രൂപയും ഫലകവും പ്രശസ്തിപത്രവും അടങ്ങുന്നതാണ് അവാർഡ്. വയസ്സ്​ തെളിയിക്കുന്ന രേഖ, പേരും വിലാസവും ഫോൺ നമ്പറും രേഖപ്പെടുത്തിയ കുറിപ്പ് എന്നിവയും സൃഷ്ടിയോടൊപ്പം അയക്കണം. കൺവീനർ, എം.എൻ കാവ്യപുരസ്കാര സമിതി, പുരോഗമന കലാസാഹിത്യസംഘം മാരാരിക്കുളം ഏരിയ കമ്മിറ്റി, പാതിരപ്പള്ളി പി.ഒ, ആലപ്പുഴ പിൻ 688 521 വിലാസത്തിൽ ജൂൺ 20ന് മുമ്പ് ലഭിക്കണം. kvretheeshkv@gmail.com umasankar5425@gmail.com എന്ന മെയിലുകളിലും അയക്കാം.