പാസ്‌പോർട്ട് സേവാകേന്ദ്രങ്ങളിലെ തകരാർ പരിഹരിക്കണം -കൊടിക്കുന്നിൽ

ചെങ്ങന്നൂർ: സേവാകേന്ദ്രങ്ങളിലെ തുടർച്ചയായ സാങ്കേതിക തകരാർ കാരണം കൃത്യസമയത്തിനുള്ളിൽ പാസ്​പോർട്ട് ലഭിക്കാതെവരുന്നു. കൃത്യമായ പരിഹാരം കാണുന്നതിന്​ പകരം സേവാകേന്ദ്രങ്ങളുടെ നടത്തിപ്പ്​ ചുമതലയുമുള്ള ടാറ്റ കൺസൾട്ടൻസി സർവിസസ് അലംഭാവം കാട്ടുകയാണെന്ന്​ കൊടിക്കുന്നിൽ സുരേഷ്​ എം.പി കുറ്റപ്പെടുത്തി. ഇക്കാര്യത്തിൽ അടിയന്തര ഇടപെടൽ ആവശ്യപ്പെട്ട്​ വിദേശ കാര്യമന്ത്രി ഡോ.സുബ്രഹ്മണ്യം ജയ്‌ശങ്കറിന്‌ കത്തുനൽകി. സാങ്കേതിക തകരാറുകൾ പരിഹരിക്കാൻ ടി.സി.എസിന്​ കർശന നിർദേശം നൽകണമെന്നും എം.പി ആവശ്യപ്പെട്ടു.