എം.എസ്.എം സ്കൂളിൽ ഓർമകളുടെ പൂന്തോട്ടം

കായംകുളം: എം.എസ്.എം. ഹയർ സെക്കൻഡറി സ്കൂൾ പൂർവ വിദ്യാർഥി ഫോറത്തി‍ൻെറ ആഭിമുഖ്യത്തിൽ 'ഓർമകൾക്ക് ഒരു പൂന്തോട്ടമെന്ന' പേരിൽ സ്കൂളിന് പൂന്തോട്ടം സ്ഥാപിച്ചു. സമർപ്പണ സമ്മേളനം കവി ഡോ. ചേരാവള്ളി ശശി ഉദ്ഘാടനം ചെയ്തു. അസോസിയേഷൻ പ്രസിഡന്‍റ്​ എൻ.കെ. മുജീബ്​ അധ്യക്ഷത വഹിച്ചു. വൈ. ഇർഷാദ് പരിസ്ഥിതി അവബോധ ക്ലാസ് നയിച്ചു. പി.ടി.എ പ്രസിഡന്‍റ്​ പൂക്കുഞ്ഞ് കോട്ടപ്പുറം, പ്രവാസി ചാരിറ്റി ഫോറം പ്രസിഡന്‍റ്​ എബി ഷാഹുൽ ഹമീദ്, പി.ടി.എ സെക്രട്ടറി സുധീർ ഫർസാന, അനിൽ കുമാർ, സലാഹുദ്ദീൻ, പ്രിൻസിപ്പൽ ബീന സലീം , അസോസിയേഷൻ ട്രഷറർ ഹസീബ് എന്നിവർ സംസാരിച്ചു. ചിത്രം: കായംകുളം എം.എസ്.എം സ്കൂളിലെ ഓർമകളുടെ പൂന്തോട്ടം കവി ഡോ. ചേരാവള്ളി ശശി ഉദ്ഘാടനം ചെയ്യുന്നു