സ്വർണമോതിരം കൈമാറി

മാന്നാർ: ഗ്രാമ പഞ്ചായത്ത് കുട്ടമ്പേരൂർ പതിനൊന്നാം വാർഡിൽ ഹരിതകർമസേന വീടുകളിൽനിന്ന്​ ശേഖരിച്ച പ്ലാസ്റ്റിക് വേർതിരിക്കുന്നതിനിടെ ലഭിച്ച സ്വർണമോതിരം പഞ്ചായത്തിന്​ കൈമാറി. അംഗങ്ങളായ ഗീത, ഓമന ഭരതൻ എന്നിവർക്കാണ്​ മോതിരം ലഭിച്ചത്. വൈസ് പ്രസിഡന്‍റ്​ സുനിൽ ശ്രദ്ധേയത്തിന്‍റെ സാന്നിധ്യത്തിൽ പഞ്ചായത്ത് സെക്രട്ടറി കെ.പി. ബിജുവിനാണ്​ മോതിരം കൈമാറിയത്​. ഇരുവരെയും പ്രസിഡന്‍റ്​ ടി.വി. രത്നകുമാരി അടക്കമുള്ളവർ അഭിനന്ദിച്ചു.